തിരുവനന്തപുരം: ഹ്രസ്വദൂര തീവണ്ടി ടിക്കറ്റ് എടുക്കാനും സീസണ് ടിക്കറ്റ് സേവനങ്ങൾക്കും വ്യാപകമായി ഉപയോഗിക്കുന്ന റെയിൽവേയുടെ മൊബൈൽ ആപ്പായ യുടിഎസിന്റെ കാലാവധി ഈ മാസം അവസാനത്തോടെ കഴിയും. പകരം സംയോജിത റെയിൽ ആപ്പായ റെയിൽ വണ്ണിൽ ഇത്തരം ബുക്കിംഗ് സൗകര്യങ്ങൾ ലഭ്യമാകുമെന്ന് ദക്ഷിണ റെയിൽവേ അറിയിച്ചു.
ആദ്യഘട്ടമായി സീസണ് ടിക്കറ്റ് അനുവദിക്കുക, പുതുക്കുക, പ്ലാറ്റ്ഫോം ടിക്കറ്റ് എടുക്കുക, റെയിൽ പണനിക്ഷേപ വാലറ്റ് എന്നീ സൗകര്യങ്ങൾ മാർച്ച് ഒന്നു മുതൽ നിർത്തും. എന്നാൽ യുടിഎസ് ആപ്പ് തുടർന്നും പ്രവർത്തിക്കും.
ആപ്പിലെ റെയിൽ വാലറ്റിൽ ബാക്കിയുള്ള തുക നഷ്ടമാകില്ല. പാസ്വേർഡും മറ്റു സൗകര്യങ്ങളും ഉപയോഗിച്ച് തന്നെ റെയിൽ വണ് ആപ്പിൽ ഇവ ലഭ്യമാകും. റെയിൽവേ ടിക്കറ്റുകൾ റിസർവേഷൻ ഉൾപ്പെടെ പ്രധാനപ്പെട്ട എല്ലാ സേവനങ്ങളും ഇപ്പോൾ ഇതിൽ ലഭ്യമാണ്.
ട്രെയിനുകളുടെ സമയം അറിയാനുള്ള സൗകര്യങ്ങൾ, ടിക്കറ്റുകൾ എടുക്കാനും കാൻസൽ ചെയ്യാനുള്ള സൗകര്യങ്ങൾ, ട്രെയിനുകളുടെ സമയവിവരം, ടിക്കറ്റ്, പി എൻ ആർ സ്റ്റാറ്റസ് പരിശോധന തുടങ്ങിയവയെല്ലാം റെയിൽ വണ്ണിൽ ലഭ്യമാകുമെന്നും അതു ഡൗണ്ലോഡ് ചെയ്യണമെന്നും റെയിൽവേയുടെ പത്രക്കുറിപ്പിൽ അറിയിച്ചു.
Tags : UTS Train App Railway Rail app Rail one