തിരുവനന്തപുരം: തിരുവനന്തപുരം കോര്പറേഷന് മുട്ടട വാര്ഡിലെ യുഡിഎഫ് സ്ഥാനാര്ഥി വൈഷ്ണ സുരേഷ് നാമനിര്ദേശ പത്രിക സമര്പ്പിച്ചു. കളക്ടറേറ്റില് എത്തിയാണ് പത്രിക നല്കിയത്.
ജില്ലാ സപ്ലൈ ഓഫീസര് കെ.വി. സിന്ധുവിനു മുന്നിലാണ് പത്രിക സമര്പ്പിച്ചത്. വിവാദങ്ങള് പ്രചരണത്തിന് തടസമായെന്ന് വൈഷ്ണ സുരേഷ് പ്രതികരിച്ചു. പത്തു ദിവസമാണ് നഷ്ടമായത്. അതൊക്കെ മറികടക്കും.
വാര്ഡിലെ ജനങ്ങളോട് വിവാദങ്ങളെ കുറിച്ചല്ല പറയാനുള്ളതെന്നും വൈഷ്ണ പറഞ്ഞു. അതേസമയം വൈഷ്ണ സുരേഷിന്റെ പേര് വോട്ടര്പട്ടികയില് നിന്ന് നീക്കം ചെയ്യാന് സിപിഎം ക്രിമിനല് ഗൂഡാലോചന നടത്തിയെന്ന് പ്രതിപക്ഷ നേതാവ് വി.ഡി. സതീശൻ പറഞ്ഞു.
Tags : Vaishna Suresh nomination udf local body election