തി​രു​വ​ന​ന്ത​പു​രം: കേ​ര​ള​ത്തി​ന്‍റെ വി​ക​സ​ന സ്വ​പ്ന​മാ​യ വി​ഴി​ഞ്ഞം അ​ന്താ​രാ​ഷ്ട്ര തു​റ​മു​ഖ​ത്തി​ന്‍റെ ര​ണ്ട്, മൂ​ന്ന്, നാ​ല് ഘ​ട്ട​ങ്ങ​ളു​ടെ സം​യു​ക്ത നി​ര്‍​മ്മാ​ണ പ്ര​വ​ര്‍​ത്ത​ന​ങ്ങ​ള്‍ ഇ​ന്ന് വൈ​കു​ന്നേ​രം നാ​ല് മ​ണി​ക്ക് മു​ഖ്യ​മ​ന്ത്രി പി​ണ​റാ​യി വി​ജ​യ​ന്‍ ഉ​ദ്ഘാ​ട​നം ചെ​യ്യും. കേ​ന്ദ്ര തു​റ​മു​ഖ മ​ന്ത്രി സ​ര്‍​ബാ​ന​ന്ദ സോ​നോ​വാ​ള്‍ ച​ട​ങ്ങി​ല്‍ മു​ഖ്യാ​തി​ഥി​യാ​കും.

2045ല്‍ ​പൂ​ര്‍​ത്തി​യാ​ക്കാ​ന്‍ ല​ക്ഷ്യ​മി​ട്ടി​രു​ന്ന പ​ദ്ധ​തി​ക​ള്‍ 17 വ​ര്‍​ഷം മു​ന്‍​പേ, 2028ഓ​ടെ പൂ​ര്‍​ത്തി​യാ​ക്കാ​നാ​ണ് സം​സ്ഥാ​ന സ​ര്‍​ക്കാ​ര്‍ ല​ക്ഷ്യ​മി​ടു​ന്ന​ത്. ഇ​തി​നാ​യി ര​ണ്ട്, മൂ​ന്ന്, നാ​ല് ഘ​ട്ട​ങ്ങ​ള്‍ ഒ​രേ​സ​മ​യം നി​ര്‍​മ്മി​ക്കാ​നാ​ണ് തീ​രു​മാ​നം. ര​ണ്ടാം ഘ​ട്ട​ത്തി​നാ​യി മാ​ത്രം ഏ​ക​ദേ​ശം 9,700 കോ​ടി രൂ​പ​യു​ടെ നി​ക്ഷേ​പ​മാ​ണ് പ്ര​തീ​ക്ഷി​ക്കു​ന്ന​ത്. അ​ദാ​നി ഗ്രൂ​പ്പു​മാ​യി ഒ​പ്പി​ട്ട ഉ​പ​ക​രാ​ര്‍ പ്ര​കാ​ര​മാ​ണ് നി​ര്‍​മാ​ണം.

ര​ണ്ടാം ഘ​ട്ടം പൂ​ര്‍​ത്തി​യാ​കു​ന്ന​തോ​ടെ തു​റ​മു​ഖ​ത്തി​ന്‍റെ ക​ണ്ടെ​യ്‌​ന​ര്‍ കൈ​കാ​ര്യം ചെ​യ്യാ​നു​ള്ള ശേ​ഷി 10 ല​ക്ഷം ടി​ഇ​യു​വി​ല്‍ നി​ന്ന് 50 ല​ക്ഷം ടി​ഇ​യു ആ​യി വ​ര്‍​ദ്ധി​ക്കും. നി​ല​വി​ലു​ള്ള 800 മീ​റ്റ​ര്‍ ബ​ര്‍​ത്ത് 2000 മീ​റ്റ​റാ​യി ഉ​യ​ര്‍​ത്തും. ഇ​തോ​ടെ ഒ​രേ​സ​മ​യം നാ​ല് കൂ​റ്റ​ന്‍ മ​ദ​ര്‍ ഷി​പ്പു​ക​ളെ സ്വീ​ക​രി​ക്കാ​ന്‍ വി​ഴി​ഞ്ഞ​ത്തി​ന് ക​ഴി​യും. പു​ലി​മു​ട്ട് മൂ​ന്ന് കി​ലോ​മീ​റ്റ​റി​ല്‍ നി​ന്ന് നാ​ല് കി​ലോ​മീ​റ്റ​റാ​യി വ​ര്‍​ദ്ധി​പ്പി​ക്കും. വ​ലി​യ ക​പ്പ​ലു​ക​ള്‍​ക്ക് ദീ​ര്‍​ഘ​ദൂ​ര യാ​ത്ര​യ്ക്കി​ട​യി​ല്‍ ഇ​ന്ധ​നം നി​റ​യ്ക്കാ​നു​ള്ള സൗ​ക​ര്യ​വും ഒ​രു​ങ്ങും.

വ​ന്‍​കി​ട യാ​ത്രാ ക​പ്പ​ലു​ക​ള്‍​ക്ക് അ​ടു​ക്കാ​ന്‍ സൗ​ക​ര്യ​മൊ​രു​ങ്ങു​ന്ന​തോ​ടെ വി​നോ​ദ​സ​ഞ്ചാ​ര മേ​ഖ​ല​യ്ക്കും വ​ലി​യ കു​തി​പ്പു​ണ്ടാ​കു​മെ​ന്നാ​ണ് വി​ല​യി​രു​ത്ത​ൽ. 2024 ഡി​സം​ബ​ര്‍ മൂ​ന്നി​ന് ഒ​ന്നാം ഘ​ട്ടം പ്ര​വ​ര്‍​ത്ത​നം ആ​രം​ഭി​ച്ച ശേ​ഷം ചു​രു​ങ്ങി​യ കാ​ല​യ​ള​വി​നു​ള്ളി​ല്‍ 15 ല​ക്ഷ​ത്തി​ല​ധി​കം ക​ണ്ടെ​യ്‌​ന​റു​ക​ള്‍ കൈ​കാ​ര്യം ചെ​യ്ത് വി​ഴി​ഞ്ഞം റെ​ക്കോ​ര്‍​ഡ് നേ​ട്ടം കൈ​വ​രി​ച്ചി​രു​ന്നു.

Tags : Vizhinjam Port Second Phase Inauguration Pinarayi Vijayan Sarbananda Sonowal