മുംബൈ: തദ്ദേശ തെരഞ്ഞെടുപ്പിൽ പ്രാദേശികമായ സഖ്യങ്ങൾക്ക് അജിത് പവാറിന്റെ നേതൃത്വത്തിലുള്ള നാഷണലിസ്റ്റ് കോൺഗ്രസ് പാർട്ടിയുടെ (എൻസിപി) നീക്കം. ശക്തികേന്ദ്രങ്ങളിൽ തെരഞ്ഞെടുപ്പിനെ നേരിടുന്നതിനു വ്യത്യസ്ഥമായ നിർദേശങ്ങൾ പ്രാദേശികനേതാക്കൾ ഉന്നയിച്ചതോടെയാണിത്.
നന്ദുർബാർ, കോലാപുർ, നാസിക് ജില്ലകളിലെ സ്ഥാനാർഥികളെ നിശ്ചയിക്കാനായി വോർലി ഡോമിൽ നടന്ന ഭാരവാഹികളുടെ യോഗത്തിൽ വിവിധ നിർദേശങ്ങളാണ് ഉയർന്നുവന്നത്. സഖ്യം സംബന്ധിച്ച് സ്വതന്ത്രമായ തീരുമാനെടുക്കാൻ നന്ദുർബാറിലെ നേതാക്കളോട് അജിത് പവാർ ആവശ്യപ്പെട്ടു.
കോലാപൂരിൽ പ്രാദേശിക വികാരം വിലയിരുത്തി അനുയോജ്യ തീരുമാനത്തിന് മന്ത്രി ഹുസൈൻ മുഷറിഫിനെ ചുമതലപ്പെടുത്തി. ഇതിൽനിന്നു വ്യത്യസ്ഥമായി ഷിൻഡേ വിഭാഗവുമായി സഖ്യം വേണമെന്നാണ് നാസിക്കിലെ ഭാരവാഹികൾ ആവശ്യപ്പെട്ടത്.
Tags : Ajit Pawar regional alliance elections