മുംബൈ: മഹാരാഷ്ട്ര മുൻ മുഖ്യമന്ത്രി ഉദ്ധവ് താക്കറെയുടെ വസതിയായ മാതോശ്രീയുടെ മുകളിൽ ഡ്രോൺ കണ്ടതായി ശിവസേന ഉദ്ധവ് വിഭാഗം എംഎൽസി അനിൽ പരബ് അവകാശപ്പെട്ടു.
സംഭവത്തിനു പിന്നിൽ തീവ്രവാദ പശ്ചാത്തലമുണ്ടോയെന്ന് സംശയിക്കുന്നതായും പോലീസ് അന്വേഷണം വേണമെന്നും അദ്ദേഹം എക്സിൽ കുറിച്ചു. അതീവസുരക്ഷയുള്ള വസതിയാണ് ബാന്ദ്രയിലെ മാതോശ്രീ.
എന്നാൽ, മുംബൈ മെട്രോപൊളിറ്റൻ റീജൺ ഡെവലപ്മെന്റ് അഥോറിറ്റി (എംഎംആർഡിഎ) യുടെ അനുമതിയോടെ നടക്കുന്ന സർവേയുടെ ഭാഗമായിരുന്നു ഡ്രോൺ നിരീക്ഷണമെന്ന് ഡപ്യൂട്ടി പോലീസ് കമ്മീഷണർ മനീഷ് കൽവാനിയ പറഞ്ഞു.ഇത് സംബന്ധിച്ചുള്ള തെറ്റായ പ്രചാരണങ്ങൾ ഒഴിവാക്കണമെന്നും അദ്ദേഹം കൂട്ടിച്ചേർത്തു.
Tags : Uddhav Thackeray Drone