ഇംഫാൽ: മണിപ്പുരിലെ നിരോധിത കുക്കി ഭീകരസംഘനയിലെ നാല് അംഗങ്ങളെ സുരക്ഷാസേന ഏറ്റുമുട്ടലിൽ വധിച്ചു. ചുരാചന്ദ്പുരിൽ ഇന്നലെ പുലർച്ചനടന്ന ഏറ്റുമുട്ടലിൽ യുണൈറ്റഡ് കുക്കി നാഷണൽ ആർമി (യുകെഎൻഎ) അംഗങ്ങളാണ് കൊല്ലപ്പെട്ടത്.
കേന്ദ്രസർക്കാരുമായി വെടിനിർത്തൽ കരാറിന് വിസമ്മതിച്ച സംഘടനയാണിത്. ഇവരുടെ സാന്നിധ്യം സംബന്ധിച്ച രഹസ്യവിവരം ലഭിച്ചതിനെത്തുടർന്ന് സുരക്ഷാസേന തെരച്ചിൽ നടത്തുന്നതിനിടെ സംഘാംഗങ്ങൾ വെടിയുതിർക്കുകയായിരുന്നു.
സുരക്ഷാസേനയുടെ പ്രത്യാക്രമണത്തിലാണു നാലു കുക്കികൾ കൊല്ലപ്പെട്ടത്. ഏതാനും പ്രവർത്തകർ ഓടി രക്ഷപെടുകയും ചെയ്തു.
കൊലപാതകത്തെ കുക്കി സംഘടനകൾ അതിരൂക്ഷമായി വിമർശിച്ചു. കൊല്ലപ്പെട്ടവരുടെ സംസ്കാരചടങ്ങുകൾ നടത്തുന്നദിവസം ചുരാചന്ദ്പുരിൽ ബന്ദിനും ആഹ്വാനം നൽകിയിട്ടുണ്ട്.
Tags : Manipur Four Kuki terrorists killed