ബംഗളൂരു: മുഖ്യമന്ത്രി സ്ഥാനത്തെ ചൊല്ലി കര്ണാടക കോണ്ഗ്രസിലുണ്ടായ തര്ക്കം പരിഹരിക്കാന് ശനിയാഴ്ച ചർച്ച. മുഖ്യമന്ത്രി സിദ്ധരാമയ്യ, ഉപമുഖ്യമന്ത്രി ഡി.കെ. ശിവകുമാറുമായി കൂടികാഴ്ച നടത്തും. രാവിലെ ഒന്പതിന് മുഖ്യമന്ത്രിയുടെ വസതിയിലാണ് ചര്ച്ച.
ദിവസങ്ങളായി നീണ്ടു നില്ക്കുന്ന തര്ക്കത്തിന് പരിഹാരം കാണാന് ഹൈക്കമാന്ഡിന്റെ നിര്ദേശ പ്രകാരമാണ് ചര്ച്ച. തനിയ്ക്കും ശിവകുമാറിനും അഭിപ്രായങ്ങള് ഉണ്ടെന്നും എന്നാല് അന്തിമ തീരുമാനം ഹൈക്കമാന്ഡ് എടുക്കുമെന്നും സിദ്ധരാമയ്യ.
തര്ക്കം പരിഹരിയ്ക്കാന് ഇരുനേതാക്കളെയും ഹൈക്കമാന്ഡ് ഡല്ഹിയ്ക്ക് വിളിപ്പിച്ചിരുന്നു. ഇതിന് മുന്നോടിയായാണ് കൂടിക്കാഴ്ച. ഇതില് ഇരുവരും ധാരണയിലെത്തുമെന്നാണ് സൂചന. പാര്ലമെന്റിന്റെ ശീതകാല സമ്മേളനം ആരംഭിയ്ക്കുന്നതിന് മുന്പ് കര്ണാടകയിലെ തര്ക്കം പരിഹരിയ്ക്കാനാണ് ഹൈക്കമാന്ഡ് നീക്കം.
Tags : karnataka cm tussle dk shivakumar siddaramiah meeting congress high command