കരൂർ: കരൂർദുരന്തത്തിനിടെ ഡ്യൂട്ടിയിലുണ്ടായിരുന്ന പോലീസ് ഉദ്യോഗസ്ഥർ സിബിഐക്കു മുന്പാകെ ഹാജരായി മൊഴി നൽകി. കരൂരിൽ നടൻ വിജയ്യുടെ റാലിക്കിടെ തിക്കിലും തിരക്കിലുംപെട്ട് 41 പേരാണു മരിച്ചത്. അപകടമുണ്ടായ വേലുച്ചാമിപുരത്ത് സിബിഐ സംഘം സന്ദർശനം നടത്തി വിവരങ്ങൾ തേടിയിരുന്നു.
അതേസമയം കരൂർ സംഭവത്തിന്റെ പശ്ചാത്തലത്തിൽ തമിഴക വെട്രി കഴകം (ടിവികെ) പരിപാടികളിലും പ്രചാരണങ്ങളിലും ജനക്കൂട്ടത്തെ നിയന്ത്രിക്കാനും പൊതുജന സുരക്ഷയും ഉറപ്പാക്കാനും ‘തോണ്ടർ അണി' എന്ന പേരിൽ ഒരു പുതിയ വൊളണ്ടിയർ വിഭാഗം ആരംഭിച്ചു.
വിരമിച്ച പോലീസ് പരിശീലകരുടെ പിന്തുണയോടെ പ്രവർത്തിക്കുന്ന വൊളണ്ടിയർ വിഭാഗം 2026ലെ നിയമസഭാ തെരഞ്ഞെടുപ്പിന് മുന്നോടിയായി സംഘടനയെ പ്രഫഷണലൈസ് ചെയ്യുക എന്നതാണ് ലക്ഷ്യമിടുന്നത്. പുതിയ വിഭാഗം ജനക്കൂട്ടത്തിന്റെ ചലനം നിരീക്ഷിക്കുകയും സുരക്ഷാ പരിധികൾ സ്ഥാപിക്കുകയും എല്ലാ പ്രധാന പരിപാടികളിലും പോലീസ്, മെഡിക്കൽ ടീമുകളുമായി ഏകോപിപ്പിക്കുകയും ചെയ്യും.
Tags : Karur tragedy new volunteer department starts