പാറ്റ്ന: പാറ്റ്നയിലെ ചാണക്യ നാഷണൽ ലോ യൂണിവേഴ്സിറ്റിയിൽ നടന്ന നാഷണൽ മൂട്ട് കോർട്ട് മത്സരത്തിൽ മലയാളി വിദ്യാർഥിനി ഉൾപ്പെട്ട പശ്ചിമ ബംഗാൾ നാഷണൽ യൂണിവേഴ്സിറ്റി ഓഫ് ജുറിഡിക്കൽ സയൻസ് കോൽക്കത്ത ടീം ജേതാക്കളായി. കണ്ണൂർ സ്വദേശിനി ഹിമ സെബാസ്റ്റ്യൻ, ഭൂമിക, തേജസ്വി കൗൾ എന്നിവരുടെ ടീമാണ് ബംഗളൂരു നാഷണൽ ലോ സ്കൂൾ ഓഫ് ഇന്ത്യ യൂണിവേഴ്സിറ്റിയെ പരാജയപ്പെടുത്തിയത്. ജേതാക്കൾക്ക് 50,000 രൂപയുടെ കാഷ് അവാർഡും സർട്ടിഫിക്കറ്റും ജാർഖണ്ഡ് ഹൈക്കോടതി മുൻ ചീഫ് ജസ്റ്റീസ് രവി രാജൻ സമ്മാനിച്ചു.
ജേതാക്കളായവർ ഒന്നാം വർഷ വിദ്യാർഥികളാണെന്ന പ്രത്യേകതയുമുണ്ട്. ബൗദ്ധിക സ്വത്തവകാശത്തിൽ ആർട്ടിഫിഷൽ ഇന്റലിജൻസിന്റെ ഉൾച്ചേർക്കൽ എന്നതായിരുന്നു വിഷയം. 36 ലോ കോളജുകൾ മത്സരത്തിൽ പങ്കെടുത്തു.
മസ്ക്കറ്റിൽ ചാർട്ടേഡ് അക്കൗണ്ടന്റായ കണ്ണൂർ പള്ളിക്കുന്ന് സ്വദേശി പെരുമ്പനച്ചി പി.ഡി. സെബാസ്റ്റ്യന്റെയും ഷൈലയുടെയും മകളാണ് ഹിമ സെബാസ്റ്റ്യൻ. വർഷ സെബാസ്റ്റ്യൻ സഹോദരിയാണ്.
Tags : National Moot Court Malayali student