പാറ്റ്ന: ജൻ സുരാജ് പാർട്ടി ആരുമായും സഖ്യത്തിനില്ലെന്ന് പാർട്ടി അധ്യക്ഷൻ പ്രശാന്ത് കിഷോർ. തെരഞ്ഞെടുപ്പിന് മുൻപും സഖ്യം ചേരില്ല തെരഞ്ഞെടുപ്പിന് ശേഷവും സഖ്യമുണ്ടാകില്ല എന്നും പ്രശാന്ത് വ്യക്തമാക്കി.
"ഈ തെരഞ്ഞെടുപ്പ് ഞങ്ങളെ സംബന്ധിച്ച് നിർണായകമാണ്. ജൻ സുരാജ് പാർട്ടിയെ ജനങ്ങൾ ചിലപ്പോ സ്വീകരിക്കും അല്ലെങ്കിൽ തള്ളിക്കളയും. എന്തായാലും ഞങ്ങൾ പോരാട്ടം തുടരും. ചിലപ്പോൾ 10 സീറ്റിൽ താഴെയെ ലഭിക്കൂ അല്ലെങ്കിൽ 150ൽ സീറ്റുകൾ ലഭിക്കും.'-പ്രശാന്ത് കിഷോർ പറഞ്ഞു.
നവംബറിൽ രണ്ട് ഘട്ടങ്ങളിലായാണ് ബിഹാറിൽ തെരഞ്ഞെടുപ്പ് നടക്കുക. നവംബർ ആറിന് ആദ്യ ഘട്ടവും 11ന് രണ്ടാം ഘട്ടവും നടക്കും. 14നാണ് വോട്ടെണ്ണൽ.
Tags : bihar election 2025 prasanth kishore jan suraj party nda grand alliance