Amit Shah
പാറ്റ്ന: നിയമസഭാ തെരഞ്ഞെടുപ്പ് ബിഹാറിനു മുന്നിൽ വയ്ക്കുന്നത് മോദി-നിതീഷ് വികസന കൂട്ടുകെട്ട്, ജംഗിൾ രാജിലേക്കു മടക്കിക്കൊണ്ടുപോകുന്ന പ്രതിപക്ഷം ഇതിലൊന്നിന്റെ തെരഞ്ഞെടുപ്പാണെന്ന് കേന്ദ്ര ആഭ്യന്തരമന്ത്രി അമിത് ഷാ. ബിഹാറിന്റെ ഭാവി ആരെ ഏൽപ്പിക്കണമെന്ന് തീരുമാനിക്കാനുള്ള അവസരമാണ് ഈ തെരഞ്ഞെടുപ്പ്.
ഒരു വശത്ത് ‘ജംഗിൾരാജ്’ കൊണ്ടുവന്നവർ. മറുവശത്ത് വികസനം കൊണ്ടുവന്ന പ്രധാനമന്ത്രി മോദിയും മുഖ്യമന്ത്രി നിതീഷ് കുമാറും ചേർന്ന കൂട്ടുകെട്ട്- അദ്ദേഹം പറഞ്ഞു. മോശം കാലാവസ്ഥ മൂലം ഓൺലൈനായി ഗോപാൽഗഞ്ച്, സമസ്തിപുർ ജില്ലകളിലെ തെരഞ്ഞെടുപ്പ് റാലിയിൽ പ്രസംഗിക്കുകയായിരുന്നു അദ്ദേഹം.
വോട്ടർ അധികാര യാത്ര നടത്തിയ രാഹുൽ ഗാന്ധി നുഴഞ്ഞുകയറ്റക്കാരെ സംരക്ഷിക്കാൻ ശ്രമിക്കുകയാണെന്ന് ഷാ ആരോപിച്ചു. രാഹുൽ ഗാന്ധി ഇഷ്ടമുള്ളത്ര യാത്രകൾ നടത്തട്ടെ. ഓരോ നുഴഞ്ഞുകയറ്റക്കാരെയും രാജ്യത്തുനിന്നും പുറത്താക്കും. രാജ്യത്തുടനീളം എസ്ഐആർ നടത്താനുള്ള തെരഞ്ഞെടുപ്പു കമ്മീഷന്റെ തീരുമാനത്തെ സ്വാഗതം ചെയ്യുന്നതായും അദ്ദേഹം പറഞ്ഞു.
Tags : Amit Shah