ഹെറിഫോഡ്: സെന്റ് ബഹനാൻ ഇന്ത്യൻ ഓർത്തഡോക്സ് പള്ളി പെരുന്നാളിന് കൊടിയിറങ്ങി. ഒമ്പത്, പത്ത് തീയതികളിൽ നടന്ന പെരുന്നാൾ ആദ്യദിവസം വൈകുന്നേരം അഞ്ചിന് ഇടവക വികാരി ഫാ. രെഞ്ചു സ്കറിയ കൊടി ഉയർത്തിയതോടെ ആഘോഷങ്ങൾക്ക് തുടക്കം കുറിച്ചു.
.jpeg1768369789.jpg)
ശേഷം സന്ധ്യാ നമസ്കാരം, ഇടവക ഗായകസംഘം നടത്തിയ ഗാനശുശ്രൂഷയ്ക്ക് ശേഷം ഫാ. മാത്യൂസ് കുര്യാക്കോസ് പെരുന്നാൾ ഒരുക്കധ്യാനത്തിന് നേതൃത്വം കൊടുത്തു.

പിറ്റേന്നു രാവിലെ എട്ടിന് പ്രഭാത നമസ്കാരം, വിശുദ്ധ കുർബാന, മധ്യസ്ഥപ്രാർഥന, ഭക്തി നിർഭരമായ പ്രദിക്ഷിണം, ആശീർവാദം, വെച്ചൂട്ട്, കൊടിയിറക്ക് എന്നീ പരിപാടികളോടെ പെരുന്നാൾ സമാപിച്ചു.
.jpeg1768369789.jpg)
ഇടവക വികാരി ഫാ. രെഞ്ചു സ്കറിയ, ഭദ്രാസന സെക്രട്ടറി ഫാ. വർഗീസ് മാത്യു, ഫാ. മാത്യൂസ് കുര്യക്കോസ് എന്നീ വൈദീകർ ശുശ്രൂഷകൾക്ക് കാർമികത്വം വഹിച്ചു.
.jpeg1768369789.jpg)
പള്ളി മാനേജിംഗ് കമ്മറ്റിയുടെ നേതൃത്വത്തിൽ ഇടവക ജനങ്ങളുടെ സഹകരണതോടെ നടന്ന പെരുന്നാൾ അനുഗ്രഹമായി തീരുവാൻ സഹകരിച്ച എല്ലാവർക്കും ഇടവക ട്രസ്റ്റി ജെയ്സൺ ആറ്റുവാ, സെക്രട്ടറി സിജോ ജോയ്, പെരുന്നാൾ കൺവീനർ ജേക്കബ് തരകൻ എന്നിവർ നന്ദി അറിയിച്ചു.