ബർമിംഗ്ഹാം: ഗ്രേറ്റ് ബ്രിട്ടൻ സീറോമലബാർ രൂപത വിമൻസ് ഫോറം കൺവെൻഷൻ (THAIBOOSA 2025) ബർമിംഗ്ഹാമിലെ ന്യൂ ബിംഗ്ലി ഹാളിൽ നടന്നു. രൂപതയിലെ മുഴുവൻ ഇടവക/മിഷൻ/പ്രൊപ്പോസഡ് മിഷൻ കേന്ദ്രങ്ങളിൽ നിന്നും ഉള്ള ആയിരക്കണക്കിന് വനിതാ പ്രതിനിധികൾ പങ്കെടുത്ത സമ്മേളനം രൂപതാധ്യക്ഷൻ മാർ ജോസഫ് സ്രാമ്പിക്കൽ ഉദ്ഘാടനം ചെയ്തു.
രൂപതയുടെ കെട്ടുറപ്പിനും വളർച്ചയ്ക്കും വിശ്വാസ പരിശീലനത്തിനും സീറോമലബാർ സഭയുടെ പാരമ്പര്യങ്ങൾ വരും തലമുറയിലേക്ക് പകർന്നു നൽകുന്നതിനും സിനഡ് ഓൺ സിനഡാലിറ്റിയുടെ ചൈതന്യം രൂപതയിൽ പ്രചരിപ്പിക്കുന്നതിനും വിമൻസ് ഫോറം അംഗങ്ങൾ വഹിക്കുന്ന പങ്ക് ഏറെ വിലപ്പെട്ടതാണെന്നു ഉത്ഘാടന സമ്മേളനത്തിൽ മാർ ജോസഫ് സ്രാമ്പിക്കൽ പറഞ്ഞു.

വിമൻസ് ഫോറം രൂപത പ്രസിഡന്റ് ട്വിങ്കിൾ റെയ്സൺ സമ്മേളനത്തിൽ അധ്യക്ഷത വഹിച്ചു. തുടർന്ന് നടന്ന സിമ്പോസിയത്തിൽ രൂപതാധ്യക്ഷൻ മാർ ജോസഫ് സ്രാമ്പിക്കൽ രൂപത പ്രോട്ടോ സിഞ്ചെല്ലൂസ് റവ.ഡോ. ആന്റണി ചുണ്ടെലിക്കാട്ട്, വിമൻസ് ഫോറം കമ്മീഷൻ ചെയർമാൻ റവ. ഫാ. ജോസ് അഞ്ചാനിക്കൽ, ഡയറക്ടർ റവ. ഡോ. സി. ജീൻ മാത്യു എസ്എച്ച്, ജോളി മാത്യു, ഡോ. ഷിൻസി മാത്യു , മെർലിൻ മാത്യു എന്നിവർ വിവിധ വിഷയങ്ങൾ സംബന്ധിച്ച് സംസാരിച്ചു.
സെക്രട്ടറി അൽഫോൻസാ കുര്യൻ സംഘടനാ റിപ്പോർട്ടും ഡോളി ജോസി സാമ്പത്തിക കാര്യങ്ങളെ സംബന്ധിച്ച റിപ്പോർട്ടും അവതരിപ്പിച്ചു. ഡിംപിൾ വർഗീസ് സ്വാഗതവും ഷീജാ ജേക്കബ് നന്ദി പ്രകാശനവും നടത്തി.
സമ്മേളനത്തിന് ശേഷം രൂപതാധ്യക്ഷൻ മാർ ജോസഫ് സ്രാമ്പിക്കലിന്റെ കാർമികത്വത്തിൽ വിശുദ്ധ കുർബാന അർപ്പണവും നടന്നു. തുടർന്ന് വിമൻസ് ഫോറത്തിന്റെ പ്രവർത്തനങ്ങൾ ഉൾക്കൊള്ളിച്ചുകൊണ്ട് പ്രസിദ്ധീകരിച്ച സുവനീർ പ്രകാശനം, വിവിധ മത്സരങ്ങളിൽ സമ്മാനാർഹർ ആയവർക്കുള്ള സമ്മാന ദാനം, പുതിയ ഭാരവാഹികളുടെ സ്ഥാനമേക്കൽ ചടങ്ങ്, വിവിധ റീജിയണുകളിൽ നിന്നുള്ള കലാപരിപാടികൾ എന്നിവയും നടന്നു.

സെക്രട്ടറി അൽഫോൻസാ കുര്യൻ സംഘടനാ റിപ്പോർട്ടും ഡോളി ജോസി സാമ്പത്തിക കാര്യങ്ങളെ സംബന്ധിച്ച റിപ്പോർട്ടും അവതരിപ്പിച്ചു. ഡിംപിൾ വർഗീസ് സ്വാഗതവും ഷീജാ ജേക്കബ് നന്ദി പ്രകാശനവും നടത്തി.
സമ്മേളനത്തിന് ശേഷം രൂപതാധ്യക്ഷൻ മാർ ജോസഫ് സ്രാമ്പിക്കലിന്റെ കാർമികത്വത്തിൽ വിശുദ്ധ കുർബാന അർപ്പണവും നടന്നു.

തുടർന്ന് വിമൻസ് ഫോറത്തിന്റെ പ്രവർത്തനങ്ങൾ ഉൾക്കൊള്ളിച്ചുകൊണ്ട് പ്രസിദ്ധീകരിച്ച സുവനീർ പ്രകാശനം, വിവിധ മത്സരങ്ങളിൽ സമ്മാനാർഹർ ആയവർക്കുള്ള സമ്മാന ദാനം, പുതിയ ഭാരവാഹികളുടെ സ്ഥാനമേക്കൽ ചടങ്ങ്, വിവിധ റീജിയണുകളിൽ നിന്നുള്ള കലാപരിപാടികൾ എന്നിവയും നടന്നു.