കു​വൈ​റ്റ് സി​റ്റി: ലി​ബ​റ​ലി​സ​ത്തി​ന്‍റെ ലേ​ബ​ൽ പ​തി​ച്ച് സാ​മൂ​ഹി​ക​മാ​യ കെ​ട്ടു​റ​പ്പി​നെ അ​വ​താ​ള​ത്തി​ലാ​ക്കാ​ൻ പോ​ന്ന പ്ര​തി​ലോ​മ ചി​ന്ത​ക​ൾ ന​മ്മു​ടെ സാ​മൂ​ഹി​ക പ​രി​സ​ര​ങ്ങ​ളി​ൽ സ​മ​ർ​ഥമാ​യി ഒ​ളി​ച്ചു ക​ട​ത്ത​പ്പെ​ടു​ന്നു​ണ്ടെ​ന്നും അ​തി​നെ​തി​രാ​യി ജാ​ഗ്ര​ത കൈ​ക്കൊ​ള്ളേ​ണ്ട​തു​ണ്ടെ​ന്നും പ്ര​മു​ഖ പ്ര​ഭാ​ഷ​ക​നും സു​ന്നി വോ​യ്സ് എ​ഡി​റ്റ​റു​മാ​യ ഇ​ബ്രാ​ഹിം സ​ഖാ​ഫി പു​ഴ​ക്കാ​ട്ടി​രി.

ആ​രോ​ഗ്യ​ക​ര​മാ​യ സം​വാ​ദ സാ​ധ്യ​ത​ക​ൾ തേ​ടു​ന്ന​തി​ന് പ​ക​രം, പ്ര​കൃ​തി​യോ​ടും കാ​ല​ത്തോ​ടും യോ​ജി​ക്കും വി​ധം വ്യ​ക്ത​മാ​യ കാ​ഴ്ച്ച​പ്പാ​ടു​ക​ൾ കൊ​ണ്ട് സ​മൃ​ദ്ധ​മാ​യ ഇ​സ്‌ലാമി​ക മൂ​ല്യ​ങ്ങ​ളെ അ​പ​ഹ​സി​ച്ചു കെെയ​ടി നേ​ടാ​ൻ ശ്ര​മി​ക്കു​ന്ന​വ​രു​ടെ ഉ​ദ്ദേ​ശ്യം ഇ​സ്‌​ലാം വി​രു​ദ്ധ​ത​യു​ടെ അ​ജ​ണ്ട ന​ട​പ്പാ​ക്കു​ന്ന​തി​നു സാ​ഹ​ച​ര്യം ഒ​രു​ക്കു​ക​യാ​ണെ​ന്ന് സ​മീ​പ​കാ​ല​ത്തെ നി​ര​വ​ധി അ​നു​ഭ​വ​ങ്ങ​ളി​ൽ നി​ന്ന് വ്യ​ക്ത​മാ​ണെ​ന്നും അ​ദ്ദേ​ഹം ചൂ​ണ്ടി​ക്കാ​ട്ടി.

ലി​ബ​റ​ൽ കാ​ല​ത്തെ മ​തം: വി​ശ്വാ​സം, അ​നു​ഷ്ഠാ​നം, ആ​ത്മാ​ഭി​മാ​നം എ​ന്ന വി​ഷ​യ​ത്തി​ൽ ഐ​സിഎ​ഫ് കു​വൈ​റ്റ് നാ​ഷ​ണ​ൽ ക​മ്മി​റ്റി അ​ബ്ബാ​സി​യ യു​ണൈ​റ്റ​ഡ് ഇ​ന്ത്യ​ൻ സ്കൂ​ളി​ൽ സം​ഘ​ടി​പ്പി​ച്ച പൊ​തു​സ​മ്മേ​ള​ന​ത്തി​ൽ മു​ഖ്യ​പ്ര​ഭാ​ഷ​ണം നി​ർ​വ​ഹി​ക്കു​ക​യാ​യി​രു​ന്നു അ​ദ്ദേ​ഹം.

യു​ക്തി​ഭ​ദ്ര​വും ഏ​തു കാ​ല​ത്തെ​യും അ​ഭി​സം​ബോ​ധ​ന ചെ​യ്യാ​നു​ള്ള ആ​ശ​യ സ​മ്പു​ഷ്ടി​യു​മു​ള്ള പ്ര​ത്യ​യ​ശാ​സ്ത്ര​മാ​ണ് വി​ശു​ദ്ധ ഇ​സ്‌ലാ​മെ​ന്നും വി​ശ്വാ​സി​ക​ളെ സം​ബ​ന്ധി​ച്ചി​ട​ത്തോ​ളം മു​സ്‌ലിമാ​യി​രി​ക്കു​ക എ​ന്ന​ത് ആ​ത്മാ​ഭി​മാ​നം പ​ക​ർ​ന്നു ന​ൽ​കു​ന്ന ച​രി​ത്ര​മേ ഉ​ള്ളൂ എ​ന്നും ഇ​ബ്രാ​ഹിം സ​ഖാ​ഫി കൂ​ട്ടി​ച്ചേ​ർ​ത്തു.

അ​ല​വി സ​ഖാ​ഫി തെ​ഞ്ചേ​രി അ​ധ്യ​ക്ഷ​ത വ​ഹി​ച്ചു. അ​ബ്ദു​ൽ അ​സീ​സ് സ​ഖാ​ഫി ഉ​ദ്ഘാ​ട​നം നി​ർ​വ​ഹി​ച്ചു. മ​ർ​ക​സ്, മ​അ​ദി​ൻ സ്ഥാ​പ​ന​ങ്ങ​ളു​ടെ 2026ലെ ​ക​ല​ണ്ട​ർ പ്ര​കാ​ശ​നം സ​യ്യി​ദ് ഹ​ബീ​ബ് കോ​യ ത​ങ്ങ​ൾ, ഹം​സ പ​യ്യ​ന്നൂ​ർ, നാ​സ​ർ പെ​രു​മ്പ​ട്ട എ​ന്നി​വ​ർ ചേ​ർ​ന്നു ന​ട​ത്തി.

അ​ഹ്മ​ദ് സ​ഖാ​ഫി കാ​വ​നൂ​ർ, ഷു​കൂ​ർ മൗ​ല​വി, സ​യ്യി​ദ് സാ​ദി​ഖ്‌ ത​ങ്ങ​ൾ, ഹൈ​ദ​ർ അ​ലി സ​ഖാ​ഫി സം​ബ​ന്ധി​ച്ചു, സാ​ലി​ഹ് കി​ഴ​ക്കേ​തി​ൽ സ്വാ​ഗ​ത​വും റ​സാ​ഖ് സ​ഖാ​ഫി ന​ന്ദി​യും പ​റ​ഞ്ഞു.

Tags : Ibrahim Saqafi Puzhakkattiri Kuwait Nri News