തിരുവനന്തപുരം: റോമിലെ സപ്പിൻസാ യൂണിവേഴ്സിറ്റിയിലെ പ്രഫസറായ ഡോ. ജോസ് വട്ടക്കൊട്ടയിൽ (ജോസ് ഫിലിപ്പ്) പ്രതിപക്ഷ നേതാവ് വി.ഡി. സതീശനെ തിരുവനന്തപുരത്ത് സന്ദർശിച്ചു. കൂടിക്കാഴ്ചയിൽ കേരളത്തിന്റെ ഭാവി ഭരണസംവിധാനത്തെക്കുറിച്ചും സാമൂഹിക വികസനത്തെക്കുറിച്ചും വിശദമായ ചർച്ചകൾ നടത്തി.
യുഡിഎഫ് അധികാരത്തിൽ വന്നാൽ ഇന്നത്തെ പല സംവിധാനങ്ങളിലും മാറ്റങ്ങൾ ഉണ്ടാകുമെന്നും പ്രത്യേകിച്ച് പ്രവാസി സമൂഹത്തിന് അതിന്റെ ഗുണഫലങ്ങൾ ലഭിക്കുമെന്നും വി.ഡി. സതീശൻ പറഞ്ഞു.
വിദേശരാജ്യങ്ങളിലേക്ക് കുടിയേറിയ മലയാളികളെ തിരികെ കൊണ്ടുവരുന്നതിനും അവർക്ക് കേരളത്തിൽ തൊഴിലും സുരക്ഷിതമായ ജീവിതവുമൊരുക്കുന്നതിനും ലക്ഷ്യമിട്ടുള്ള ദീർഘകാല പദ്ധതികൾ ആവിഷ്കരിക്കും.
പ്രവാസികളുടെ അറിവും അനുഭവസമ്പത്തും സംസ്ഥാനത്തിന്റെ വികസനത്തിനായി ഫലപ്രദമായി ഉപയോഗപ്പെടുത്തേണ്ടതിന്റെ ആവശ്യകതയും അദ്ദേഹം ചൂണ്ടിക്കാട്ടി.
Tags : Jose Philip V.D. Satheeshan Leader of opposition Rome