ഫ്രാങ്ക്ഫര്ട്ട്: ജര്മനിയിലെ ആദ്യകാല സമാജങ്ങളിലൊന്നായ ഫ്രാങ്ക്ഫര്ട്ട് കേരള സമാജത്തിന്റെ 51-ാമത് പൊതുയോഗം ഫ്രാങ്ക്ഫർട്ട് നോര്ത്ത് വെസ്റ്റ് സെൻട്രത്തിലെ സാൽ ബൌ ടിറ്റൂസ് ഫോറത്തില് സമാജം പ്രസിഡന്റ് ഡിപിൻ പോളിന്റെ അധ്യക്ഷതയില് കൂടി.
പ്രസിഡന്റിന്റെ സ്വാഗതത്തിനു ശേഷം സമാജം സെക്രട്ടറി ഹരീഷ് പിള്ള 2025ലെ വാര്ഷിക റിപ്പോര്ട്ടും ട്രഷറര് രതീഷ് മേടമേൽ വാര്ഷിക വരവുചെലവു കണക്കുകളും അവതരിപ്പിച്ചു.
തുടർന്ന് നടന്ന പൊതുചർച്ചയിൽ സമാജത്തിന്റെ 2025ലെ പ്രവർത്തനങ്ങൾ മികച്ചതായിരുന്നു എന്നും പ്രത്യേകിച്ച് 55-ാം വാർഷികാഘോഷം വളരെ നന്നായിരുന്നു എന്നും എല്ലാവരും അഭിപ്രായപ്പെട്ടു.
2026ലെ പുതിയ ഭാരവാഹികളായി ഡിപിന് പോള് (പ്രസിഡന്റ്), ഹരീഷ് പിള്ള (സെക്രട്ടറി), രതീഷ് മേടമേൽ (ട്രഷറര്), വനിതാ മെമ്പറായി റജീന രജീന്ദ്രനാഥ്, കമ്മിറ്റിയംഗങ്ങളായി ബിന്നി തോമസ്, അജു സാം, ഷൈജു വർഗീസ് എന്നിവരെയും തെരഞ്ഞെടുത്തു. ജിബിന് ജോണ് ആണ് ഓഡിറ്റര്.
പൊതുയോഗത്തിന് എത്തിയ സമാജം അംഗങ്ങള്ക്കും സുഗമമായ തെരഞ്ഞെടുപ്പിന് നേതൃത്വം നല്കിയ വരണാധികാരികള്ക്കും പുതിയ പ്രസിഡന്റ് ഡിപിന് പോള് നന്ദി പറഞ്ഞു.