മ​യാ​മി: അ​മേ​രി​ക്ക​ൻ മ​ല​യാ​ളി​ക​ളു​ടെ ക്രൈ​സ്ത​വ ആ​ത്മീ​യ യാ​ത്ര​യ്ക്ക് പു​തി​യ അ​ധ്യാ​യം കു​റി​ച്ചു​കൊ​ണ്ട് ഷി​ക്കാ​ഗോ സീ​റോമ​ല​ബാ​ർ രൂ​പ​ത​യു​ടെ ര​ജ​ത ജൂ​ബി​ലി ആ​ഘോ​ഷ​ങ്ങ​ളോ​ട​നു​ബ​ന്ധി​ച്ച് സം​ഘ​ടി​പ്പി​ച്ച മ​ല​യാ​ളി ക​ത്തോ​ലി​ക്കാ വൈ​ദി​ക മ​ഹാ​സം​ഗ​മം "കൊ​യ്നോ​നി​യ 2025' മ​യാ​മി​യി​ൽ വി​ജ​യ​ക​ര​മാ​യി സ​മാ​പി​ച്ചു.

ഈ മാസം 18, 19 തീ​യ​തി​ക​ളി​ലാ​യി കോ​റ​ൽ സ്പ്രിംഗ്​സി​ലെ സെ​ന്‍റ് എ​ലി​സ​ബ​ത്ത് ആ​ൻ സെ​റ്റ​ൺ ക​ത്തോ​ലി​ക്കാ പ​ള്ളി​യി​ൽ ന‌ടന്ന ​സം​ഗ​മ​ത്തി​ൽ സീ​റോമ​ല​ബാ​ർ, സീ​റോമ​ല​ങ്ക​ര, ല​ത്തീ​ൻ റീ​ത്തു​ക​ൾ, ക്‌​നാ​നാ​യ സ​ഭ, വി​വി​ധ സ​ന്യാ​സ സ​ഭ​ക​ൾ എ​ന്നി​വ​യി​ൽ നി​ന്നാ​യി നൂ​റ്റിഅ​ൻ​പ​തോ​ളം വൈ​ദി​ക​ർ പ​ങ്കെ​ടു​ത്തു.

മ​യാ​മി ആ​ർ​ച്ച് ബി​ഷ​പ് തോ​മ​സ് വെ​ൻ​സ്കി, പെ​ൻ​സി​ക്കോ​ള ബി​ഷ​പ് വി​ല്യം എ. ​വാ​ക്ക്, ഷി​ക്കാ​ഗോ സീറോമ​ല​ബാ​ർ രൂ​പ​താ​ധ്യ​ക്ഷ​ൻ ബി​ഷ​പ് മാ​ർ ജോ​യ് ആ​ല​പ്പാ​ട്ട്, ബി​ഷ​പ് എ​മി​റി​റ്റ​സ് മാ​ർ ജേ​ക്ക​ബ് അ​ങ്ങാ​ടി​യ​ത്ത്, വി​കാ​രി ജ​ന​റ​ൽ​മാ​രാ​യ ഫാ.​ ജോ​ൺ മേ​ലേ​പ്പു​റം, ഫാ. ​തോ​മ​സ് ക​ടു​ക​പ്പ​ള്ളി എ​ന്നി​വ​ർ ഉ​ൾ​പ്പെ​ടെ​യു​ള്ള അ​തി​ഥി​ക​ളെ കേ​ര​ള ത​നി​മ​യി​ൽ താ​ല​പ്പൊ​ലി​യു​ടേ​യും ചെ​ണ്ട​വാ​ദ്യ​ങ്ങ​ളു​ടേ​യും അ​ക​മ്പ​ടി​യോ​ടെ​യാ​ണ് സ്വീ​ക​രി​ച്ച​ത്.

ബി​ഷ​പ് ജോ​യ് ആ​ല​പ്പാ​ട്ടി​ന്‍റെ മു​ഖ്യ കാ​ർ​മി​ക​ത്വ​ത്തി​ൽ ബി​ഷ​പ്പു​മാ​രും 150 വൈ​ദി​ക​രും ചേ​ർ​ന്ന് മ​ല​യാ​ള​ത്തി​ൽ അ​ർ​പ്പി​ച്ച കു​ർ​ബാ​ന അ​ർ​പ്പി​ച്ചു. ആ​ർ​ച്ച്ബി​ഷ​പ് തോ​മ​സ് വെ​ൻ​സ്കി "കൊ​യ്നോ​നി​യ' ഔ​പ​ചാ​രി​ക​മാ​യി ഉ​ദ്ഘാ​ട​നം ചെ​യ്യു​ക​യും അ​മേ​രി​ക്ക​ൻ സ​മൂ​ഹ​ത്തി​ന് മ​ല​യാ​ളി വൈ​ദി​ക​ർ ന​ൽ​കു​ന്ന ശു​ശ്രൂ​ഷ​ക​ളെ പ്ര​ശം​സി​ക്കു​ക​യും ചെ​യ്തു.

സ​മ്മേ​ള​ന വേ​ദി​യി​ൽ ബി​ഷ​പ് മാ​ർ ജേ​ക്ക​ബ് അ​ങ്ങാ​ടി​യ​ത്തി​ന് എ​പ്പി​സ്‌​കോ​പ്പ​ൽ ഓ​ർ​ഡി​നേ​ഷ​ൻ സി​ൽ​വ​ർ ജൂ​ബി​ലി ആ​ശം​സ​ക​ൾ അ​ർ​പ്പി​ക്കു​ക​യും ആ​ദ​രി​ക്കു​ക​യും ചെ​യ്തു. കൂ​ട്ടാ​യ ബ​ലി​യ​ർ​പ്പ​ണ​ത്തി​ന്‍റെ​യും വി​ശ്വാ​സ ഐ​ക്യ​ത്തി​ന്‍റെ​യും ഈ ​സം​ഗ​മം, ഭാ​വി​യി​ലെ സ​ഭ​യു​ടെ ദൗ​ത്യ​ങ്ങ​ൾ​ക്ക് വ​ഴി​കാ​ട്ടി​യാ​കു​മെ​ന്ന് ബി​ഷ​പ് മാ​ർ ജോ​യ് ആ​ല​പ്പാ​ട്ട് പ്ര​ത്യാ​ശ പ്ര​ക​ടി​പ്പി​ച്ചു.

പൊ​തു​സ​മ്മേ​ള​ന​ത്തി​ൽ സീ​റോമ​ല​ബാ​ർ മേ​ജ​ർ ആ​ർ​ച്ച്ബി​ഷ​പ് മാ​ർ റാ​ഫേ​ൽ ത​ട്ടി​ൽ, ക​ർ​ദി​നാ​ൾ മാ​ർ ജോ​ർ​ജ് ആ​ല​ഞ്ചേ​രി, ക്‌​നാ​നാ​യ വി​കാ​രി ജ​ന​റ​ൽ ഫാ. ​തോ​മ​സ് മു​ള​വ​നാ​ൽ, ഇ​ന്ത്യ​ൻ കോ​ൺ​സി​ൽ ജ​ന​റ​ൽ അ​റ്റ്‌​ലാ​ന്‍റാ ര​മേ​ശ് ബാ​ബു ല​ക്ഷ്മ​ൺ തു​ട​ങ്ങി​യ​വ​രു​ടെ ആ​ശം​സാ സ​ന്ദേ​ശം എ​ൽഇഡി സ്‌​ക്രീ​നി​ൽ പ്ര​ദ​ർ​ശി​പ്പി​ച്ചു.

2026 ജൂ​ലൈ ഒമ്പത് മു​ത​ൽ 12 വ​രെ തീ​യ​തി​ക​ളി​ൽ ഷി​ക്കാ​ഗോ​യി​ൽ ന​ട​ക്കു​ന്ന സീ​റോമ​ല​ബാ​ർ രൂ​പ​താ സി​ൽ​വ​ർ ജൂ​ബി​ലി ക​ൺ​വ​ൻ​ഷന്‍റെ കി​ക്ക് ഓ​ഫ് വേ​ദി​യി​ൽ ന​ട​ത്ത​പ്പെ​ട്ടു. സി​ൽ​വ​ർ ജൂ​ബി​ലി ക​ൺ​വൻ​ഷ​ൻ ഗാ​നം പാ​ടി പൊ​തു​സ​മ്മേ​ള​നം സ​മാ​പി​ച്ചു.

തു​ട​ർ​ന്ന് മ​യാ​മി ഔ​വ​ർ ലേ​ഡി ഓ​ഫ് ഹെ​ൽ​ത്ത് ഫൊ​റോ​ന ദേ​വാ​ല​യ​ത്തി​ലെ പ്ര​തി​ഭാ​ധ​ന​രാ​യ നൂ​റ്റി ഇ​രു​പ​ത്തി​യ​ഞ്ചോ​ളം ക​ലാ​കാ​ര​ന്മാ​ർ ചേ​ർ​ന്ന് "പാ​വ​നം' എ​ന്ന പേ​രി​ൽ അ​വ​ത​രി​പ്പി​ച്ച സ്റ്റേ​ജ് ഷോ​യും ശ്ര​ദ്ധേ​യ​മാ​യി​രു​ന്നു.

പൊ​തുസ​മ്മേ​ള​ന​ത്തി​ൽ "കൊ​യ്നോ​നി​യ 2025' ചെ​യ​ർ​മാ​നും ഔ​വ​ർ ലേ​ഡി ഓ​ഫ് ഹെ​ൽ​ത്ത് വി​കാ​രി​യു​മാ​യ ഫാ. ​ജോ​ർ​ജ് ഇ​ള​മ്പാ​ശേ​രി ആ​മു​ഖ പ്ര​സം​ഗ​വും വി​കാ​രി ജ​ന​റ​ലും പ്രീ​സ്റ്റ് ഗാ​ദ​റിംഗ് സ​ഹ ര​ക്ഷാ​ധി​കാ​രി​യു​മാ​യ വി​കാ​രി ജ​ന​റ​ൽ ഫാ. ​ജോ​ൺ മേ​ലേ​പ്പു​റം സ്വാ​ഗ​ത​വും ജ​ന​റ​ൽ ക​ൺ​വീ​ന​ർ ജോ​ഷി ജോ​സ​ഫ് കൃ​ത​ജ്ഞ​ത​യും അ​ർ​പ്പി​ച്ചു.

ദീ​പാ ദീ​പു പ​രി​പാ​ടി​ക​ളു​ടെ എം​സീ​യു​മാ​യി​രു​ന്നു. മ​ല​യാ​ളി പ്രീ​സ്റ്റ് സ​മ്മേ​ള​നം വി​ജ​യ​ക​ര​മാ​ക്കു​ന്ന​തി​ന് വി​വി​ധ ക​മ്മിറ്റി ചെ​യ​ർ​മാ​ന്മാ​രും കൈ​ക്കാ​ര​ൻ​മാ​രും പ​ള്ളി​ക്ക​മ്മി​റ്റി അം​ഗ​ങ്ങ​ളും അ​നേ​കം വൊ​ള​ന്‍റി​യേ​ഴ്‌​സും സ​ഹ​ക​രി​ച്ചു.

Tags : conference catholic priests miami