നോ​ർ​ത്ത് ക​രോ​ലി​ന: ഗ്രേ​റ്റ​ർ ക​രോ​ലി​ന കേ​ര​ള അ​സോ​സി​യേ​ഷ​ന്‍റെ (ജി​സി​കെ​എ) 2025-2026 പ്ര​വ​ർ​ത്ത​ന​വ​ർ​ഷ​ത്തേ​ക്കു​ള്ള പു​തി​യ ഭാ​ര​വാ​ഹി​ക​ൾ തെ​ര​ഞ്ഞെ​ടു​ത്തു. എ​ൽ​ദോ​സ് കു​ര്യ​ൻ പ്ര​സി​ഡ​ന്‍റാ​യും വി​ഷ്ണു ഉ​ദ​യ​കു​മാ​ര​ൻ നാ​യ​ർ വൈ​സ് പ്ര​സി​ഡ​ന്‍റാ​യും ലി​നി ജോ​ർ​ജ് മാ​ത്യു സെ​ക്ര​ട്ട​റി​യാ​യും വി​ന​യ് കൃ​ഷ്ണ​ൻ ട്ര​ഷ​റ​റാ​യും ചു​മ​ത​ല​യേ​റ്റു.

എ​ക്സി​ക്യൂ​ട്ടീ​വ് ക​മ്മി​റ്റി അം​ഗ​ങ്ങ​ളാ​യി സൗ​മ്യ ഷ​മീ​ർ, റോ​ബി​ൻ മാ​ത്യു, നീ​നു ര​തീ​ഷ്, വി​ക്‌ട​ർ ജോ​സ​ഫ്, ജേ​ക്ക​ബ് മാ​ത്യു എ​ന്നി​വ​രാ​ണ് തെ​ര​ഞ്ഞെ​ടു​ക്ക​പ്പെ​ട്ട​ത്. കേ​ര​ളീ​യ പൈ​തൃ​കം കാ​ത്തു​സൂ​ക്ഷി​ക്കു​ന്ന​തി​നും നോ​ർ​ത്ത് ക​രോ​ലി​ന​യി​ലെ മ​ല​യാ​ളി​ക​ളു​ടെ സാം​സ്കാ​രി​ക-​സാ​മൂ​ഹി​ക പ്ര​വ​ർ​ത്ത​ന​ങ്ങ​ൾ​ക്ക് നേ​തൃ​ത്വം കൊ​ടു​ക്കു​ന്ന​തി​ന്നു​മാ​യി രൂ​പീ​കൃ​ത​മാ​യ ജിസികെഎ അ​വി​ടു​ത്തെ മ​ല​യാ​ളി​സ​മൂ​ഹ​ത്തി​ന് ഒ​രു മു​ത​ൽ​ക്കൂ​ട്ടാ​ണ്.

രു​ചി​മേ​ളം

ജി​സി​കെ​എയു​ടെ പു​തി​യ പ്ര​വ​ർ​ത്ത​ന​വ​ർ​ഷ​ത്തി​ന് തു​ട​ക്കം കു​റി​ച്ചു​കൊ​ണ്ട് കേ​ര​ള​പ്പി​റ​വി ആ​ഘോ​ഷ​ങ്ങ​ളു​ടെ ഭാ​ഗ​മാ​യി കേ​ര​ള​ത്തി​ന്‍റെ ത​ന​ത് രു​ചി​ക്കൂ​ട്ടു​ക​ളു​ടെ വൈ​വി​ധ്യം പ്ര​വാ​സി​ക​ൾ​ക്ക് പ​ക​ർ​ന്നു​ന​ൽ​കാ​ൻ രു​ചി​മേ​ളം എ​ന്ന പേ​രി​ൽ ഒ​രു​ക്കു​ന്ന ഭ​ക്ഷ​ണ​മേ​ള ശ​നി​യാ​ഴ്ച ന​ട​ക്കും.

കാ​രി​യി​ലെ ഹ​രോ​ൾ​ഡ് ഡി. ​റി​ച്ച​ർ പാ​ർ​ക്കി​ൽ 12.30 മു​ത​ൽ മൂന്ന് വ​രെ​യാ​ണ് പ​രി​പാ​ടി. മ​ല​യാ​ളി സ​മൂ​ഹ​ത്തി​ന് ഒ​രു​മി​ച്ചി​രു​ന്ന് കേ​ര​ളീ​യ വി​ഭ​വ​ങ്ങ​ൾ ആ​സ്വ​ദി​ക്കാ​നും സൗ​ഹൃ​ദം പു​തു​ക്കാ​നു​മു​ള്ള അ​വ​സ​ര​മാ​ണ് രു​ചി​മേ​ള​ത്തി​ലൂ​ടെ ജി​സി​കെ​എ ല​ക്ഷ്യ​മി​ടു​ന്ന​ത്. തി​ക​ച്ചും വ്യ​ത്യ​സ്ത​മാ​യ ഒ​രു അ​നു​ഭ​വ​ത്തി​ലേ​ക്ക് ജി​സി​കെ​എ എ​ല്ലാ​വ​രെ​യും സ്വാ​ഗ​തം ചെ​യ്യു​ന്നു.

Tags : New Leadership Greater Carolina Kerala Association