ബെർലിൻ: ജർമനിയിൽ തീപിടിത്തത്തിൽനിന്നു രക്ഷനേടാന് കെട്ടിടത്തില് നിന്നും ചാടിയ തെലുങ്കാന സ്വദേശി മരിച്ചു. ഹൃത്വിക് റെഡ്ഢി (25) ആണു മരിച്ചത്.
ഡിസംബർ 30നായിരുന്നു അപകടം. ആളിപ്പടരുന്ന തീയില് നിന്നും രക്ഷനേടാനായി കെട്ടിടത്തില് നിന്നും എടുത്തു ചാടിയ ഹൃത്വികിന് വീഴ്ചയില് തലയ്ക്ക് ഗുരുതരമായി പരിക്കേൽക്കുകയായിരുന്നു.
ഉടന് തന്നെ സമീപത്തെ ആശുപത്രിയിലെത്തിച്ചെങ്കിലും രക്ഷിക്കാനായില്ല. ജൻഗാവ് ജില്ലക്കാരനായ ഹൃത്വിക് എംഎസ് പഠനത്തിനായി 2023ലാണു ജർമനിയിലെത്തിയത്. ജനുവരി 12നു നാട്ടിലെത്താനിരുന്നതാണ്.