അടൂർ: കോർപറേറ്റുകളുടെ ലാഭത്തിനുവേണ്ടി കർഷകരെ ചൂഷണം ചെയ്യുന്ന നിയമങ്ങൾ കേന്ദ്ര സർക്കാർ നടപ്പാക്കുകയാണെന്ന് ജോയിന്റ് കൗൺസിൽ സംസ്ഥാന ജനറൽ സെക്രട്ടറി പി.കെ. ഗോപകുമാർ. കേരള അഗ്രികൾച്ചറൽ ടെക്നിക്കൽ സ്റ്റാഫ് അസോസിയേഷൻ (കെഎറ്റിഎസ് എ) 60 -ാം വാർഷിക സംസ്ഥാന സമ്മേളനം അടൂർ മാർത്തോമ്മാ യൂത്ത് സെന്ററിൽ ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം.
തൊഴിൽ സുരക്ഷിത്വത്തിനും അവകാശ സംരക്ഷണത്തിനും തൊഴിൽ കോഡിനുമെതിരേ 12നു നടത്തുന്ന ദേശീയ പണിമുടക്കിൽ സംഘടന പങ്കെടുക്കും.
തൊഴിലെടുക്കുന്നവരുടെ അവകാശങ്ങൾക്കെതിരേ കേന്ദ്ര ഗവൺമെന്റ് നടപ്പാക്കിയിരിക്കുന്ന നാല് ലേബർ കോഡുകൾ പിൻവലിക്കണമെന്നും ഗോപകുമാർ പറഞ്ഞു. കെഎറ്റിഎസ്എ സംസ്ഥാന പ്രസിഡന്റ് പി.ധനുഷ് അധ്യക്ഷത വഹിച്ചു.
സംസ്ഥാന സെക്രട്ടേറിയറ്റംഗം എൻ. റസിയ, സി.എസ്. നിത്യ എന്നിവർ പ്രമേയങ്ങൾ അവതരിപ്പിച്ചു. ഡെപ്യൂട്ടി സ്പീക്കർ ചിറ്റയം ഗോപകുമാർ, ഡി.സജി, വി.സി. ജയപ്രകാശ്, ആർ.രമേശ്, ജി.അഖിൽ, പി.ഹരിന്ദ്രനാഥ് , അനുരാജ് എന്നിവർ പ്രസംഗിച്ചു.
Tags : nattu vishesham Agricultural Technical Staff Conference