ആറന്മുള: ആറന്മുള എന്ജിനിയറിംഗ് കോളജിനടുത്ത് പൊതുജനങ്ങള്ക്ക് സായാഹ്നങ്ങള് ചെലവഴിക്കാന് ആറന്മുള പഞ്ചായത്തിന്റെയും പൊതുജനങ്ങളുടെയും സഹകരണത്തോടെ നിര്മിച്ച തണലോര വിശ്രമകേന്ദ്രത്തിലെ രണ്ട് ഇരിപ്പിടങ്ങള് സാമൂഹ്യവിരുദ്ധര് രാത്രിയില് നശിപ്പിച്ചു. മുന്കാലങ്ങളില് മാലിന്യം തള്ളുന്ന സ്ഥലമായിരുന്നു ഇവിടം.
ഇപ്പോള് ഒരു വശത്ത് തണല് മരങ്ങളും മറുസൈഡില് ചെടികളുമാണ്. ഇരിപ്പിടവും ഒരുക്കിയിട്ടുണ്ട്. സ്ഥലവാസികളും പുറത്തുനിന്നുള്ളവരും കുടുംബസമേതം ഇവിടം സന്ദര്ശിക്കുകയും ചെയ്യുന്നുണ്ട്.