പാലാ: ഛത്തീസ്ഗഡിലെ കങ്കര് ജില്ലയില്പ്പെട്ട എട്ടോളം പഞ്ചായത്തുകളില് പാസ്റ്റര്മാര്ക്കും ക്രിസ്ത്യാനികള്ക്കും പ്രവേശനം നിഷേധിക്കുകയും അപ്രകാരം പരസ്യ ബോര്ഡുകള് സ്ഥാപിക്കുകയും ചെയ്തത് അപലപനീയമാണെന്നും ഭരണഘടന ഉറപ്പുവരുന്ന മതസ്വാതന്ത്ര്യത്തെ ഹനിക്കുന്നതാണെന്നും കത്തോലിക്ക കോണ്ഗ്രസ് പാലാ രൂപത നേതൃയോഗം.
ജനങ്ങളില് ഭയവും ഭിന്നിപ്പും ഉണ്ടാക്കുന്നതിനും മതവിദ്വേഷം ആളിക്കത്തിക്കാനും മാത്രമേ ഇത്തരം പ്രവൃത്തികള് കാരണമാകുകയുള്ളു.
മതത്തിന്റെ പേരില് മനുഷ്യരുടെ സഞ്ചാരസ്വാതന്ത്ര്യം തടയുന്നത് അത്യന്തം ഗുരുതരമാണ്. നിയമങ്ങളെ ദുര്വ്യാഖ്യാനം ചെയ്തുകൊണ്ടുള്ള നടപടികള് അവസാനിപ്പിക്കണമെന്നും യോഗം ആവശ്യപ്പെട്ടു. രൂപത പ്രസിഡന്റ് ഇമ്മാനുവല് നിധീരി അധ്യക്ഷത വഹിച്ച യോഗത്തില് റവ. ഡോ. ജോര്ജ് വര്ഗീസ് ഞാറക്കുന്നേല്, ജനറല് സെക്രട്ടറി ജോസ് വട്ടുകുളം, ജോയി കണിപറമ്പില്, ആന്സമ്മ സാബു, അഡ്വ. ജോണ്സണ് വീട്ടിയാങ്കല്, സി.എം. ജോര്ജ്, പയസ് കവളമാക്കല്, ജോണ്സണ് ചെറുവള്ളി, സാബു പൂണ്ടിക്കുളം, ടോമി കണ്ണീറ്റുമാലില്, ബെന്നി കിണറ്റുകര, രാജേഷ് പാറയില്, ജോബിന് പുതിയിടത്തുചാലില്, എഡ്വിന് പാമ്പാറ, സിന്ധു ജൈബു, ലിബി മണിമല തുടങ്ങിയവര് പ്രസംഗിച്ചു.