കൊച്ചി: പോക്സോ അതിജീവിതരായ കുട്ടികള്ക്കുള്ള നഷ്ടപരിഹാര തുക കാലതാമസം കൂടാതെ ലഭ്യമാക്കുന്നതിനും യഥാസമയം നടപടിക്രമങ്ങള് സ്വീകരിക്കുന്നതിലെ പോരായ്മകള് പരിഹരിക്കുന്നതിനുമായി ഇന്ന് കൂടിയാലോചനാ യോഗം ചേരും. എറണാകുളം ഗവണ്മെന്റ് ഗസ്റ്റ് ഹൗസ് ഹാളില് രാവിലെ 10.30ന് കേരള ഹൈക്കോടതി ജഡ്ജി ജസ്റ്റീസ് ജോബിന് സെബാസ്റ്റ്യന് ഉദ്ഘാടനം ചെയ്യും.
ബാലാവകാശ കമ്മീഷന് ചെയര്പേഴ്സണ് കെ.വി. മനോജ്കുമാര് അധ്യക്ഷത വഹിക്കും. കേരള ലീഗല് സര്വീസ് അഥോറിറ്റി മെമ്പര് സെക്രട്ടറി അനില് കെ. ഭാസ്കര് മുഖ്യപ്രഭാഷണം നടത്തും. ബാലാവകാശ കമ്മീഷന്, ലീഗല് സര്വീസസ് അഥോറിറ്റി, പോക്സോ കോടതിയിലെ പബ്ലിക് പ്രോസിക്യൂട്ടര്മാര് ജില്ലാ വനിതാ ശിശു വികസന ഓഫീസര്മാര് തുടങ്ങിയവര് സമ്മേളനത്തില് പങ്കെടുക്കും.
Tags : Local News Ernakulam Nattuvishesham POCSO