കാ​യം​കു​ളം: ത​ദ്ദേ​ശ സ്വ​യ​ഭ​ര​ണ സ്ഥാ​പ​ന​ങ്ങ​ളി​ലേ​ക്കു​ള്ള വോ​ട്ടെ​ടു​പ്പ് തീയ​തി പ്ര​ഖ്യാ​പി​ച്ചി​ട്ടും കാ​യം​കു​ള​ത്ത് യുഡിഎ​ഫി​ൽ സീ​റ്റ് ത​ർ​ക്കം തു​ട​രു​ന്നു. പ്ര​ധാ​ന​മാ​യും കോ​ൺ​ഗ്ര​സ് -ലീ​ഗ് സീ​റ്റ് ത​ർ​ക്ക​മാ​ണ് കീ​റാ​മു​ട്ടി​യാ​യി തീ​ർ​ന്നി​രി​ക്കു​ന്ന​ത്. ലീ​ഗ് മ​ത്സ​രി​ക്കു​ന്ന ഏഴു വാ​ർ​ഡു​ക​ളി​ൽ ചി​ല​ത് വാ​ർ​ഡ്‌ പു​ന​ർനി​ർ​ണ​യ​ത്തി​ലൂ​ടെ വി​ഭ​ജി​ക്ക​പ്പെ​ട്ട​താണ് ച​ർ​ച്ച കീ​റാ​മു​ട്ടി​യാ​യ​ത്. ആ​റാം വാ​ർ​ഡി​നുവേ​ണ്ടി യാണ് ലീ​ഗ് അ​വ​കാ​ശം ഉ​ന്ന​യി​ച്ച​ത്.

അ​ത് കോ​ൺ​ഗ്ര​സ് സ്ഥി​രം മ​ത്സ​രി​ക്കു​ന്ന വാ​ർ​ഡായ​തി​നാ​ൽ പ്രാ​ദേ​ശി​ക കോ​ൺ​ഗ്ര​സ് നേ​തൃ​ത്വം വി​ട്ടുകൊ​ടു​ക്കാ​ൻ സ​മ്മ​തി​ച്ചി​ല്ല. ഇ​തി​നി​ട​യി​ലാണ് ന​ഗ​ര​സ​ഭാ ചെ​യ​ർ​മാ​ൻ സ്ഥാ​നം പ​ട്ടി​ക​ജാ​തി സം​വ​ര​ണമായി മാ​റി​യ​ത്. അ​തോ​ടെ വാ​ർ​ഡ് ഒ​ന്ന് ലീ​ഗി​ന് എ​ന്ന രീ​തി​യി​ലാ​യി ച​ർ​ച്ച. അ​വി​ടെ​യും ത​ർ​ക്ക​മാ​യി, ക​ഴി​ഞ്ഞ ത​വ​ണ കോ​ൺ​ഗ്ര​സ് മ​ത്സ​രി​ച്ച വാ​ർ​ഡാണ് ഒ​ന്ന്. പ​ക്ഷെ പു​ന​ർനി​ർ​ണ​യ പ്ര​കാ​രം അ​തും വി​ഭ​ജി​ക്ക​പ്പെ​ട്ട് വാ​ർ​ഡ്‌ 45 എ​ന്ന പു​തി​യ വാ​ർ​ഡ്‌ ഉ​ണ്ടാ​യി. പ​ഴ​യ ര​ണ്ടി​ലെ ഭൂ​രി​പ​ക്ഷം വോ​ട്ടു​ക​ളും പു​തി​യ ഒ​ന്നി​ലാ​യി.

വാ​ർ​ഡ് 45 ലീ​ഗി​ന് ന​ൽ​കാ​ൻ കോ​ൺ​ഗ്ര​സ് ത​യാ​റാണ്. അ​ത് വ​നി​താ വാ​ർ​ഡാണ് എ​ന്ന​താ​ണ് പ്ര​ശ്നം. ഒ​രു ലീ​ഗ് നേ​താ​വി​ന് സീ​റ്റി​നു വേ​ണ്ടി​യാ​ണ് മു​ന്ന​ണി താ​ത്പ​ര്യം നോ​ക്കാ​തെ പ​ത്തുവ​ർ​ഷ​മാ​യി ഇ​ട​തു മു​ന്ന​ണി ഭ​രി​ക്കു​ന്ന ന​ഗ​രഭ​ര​ണം തി​രി​ച്ചു​പി​ടി​ക്കാ​നു​ള്ള അ​വ​സ​രം അ​നാ​വ​ശ്യ ത​ർ​ക്ക​ങ്ങ​ളി​ലൂ​ടെ ന​ശി​പ്പി​ക്കു​ന്നു എന്നാ​ണ് കോ​ൺ​ഗ്ര​സി​ലെ ചി​ല​ർ ആ​ക്ഷേ​പം ഉ​ന്ന​യി​ക്കു​ന്ന​ത്.

Tags : Kayamkulam nattuvisesham local news