കൊ​ച്ചി: പൊ​തു സ്വ​കാ​ര്യ പ​ങ്കാ​ളി​ത്ത​ത്തോ​ടെ അ​ടി​സ്ഥാ​ന സൗ​ക​ര്യ വി​ക​സ​ന​ങ്ങ​ള്‍, മൂ​ല​ധ​നം ഉ​റ​പ്പാ​ക്കാ​ന്‍ മു​നി​സി​പ്പ​ല്‍ ബോ​ണ്ട്, കൊ​ച്ചി​ക്കു സ്ഥി​രം ത​ല​വേ​ദ​ന​യാ​യ കൊ​തു​കു​ശ​ല്യ​പ​രി​ഹാ​ര​ത്തി​ന് ജി​പി​എ​സ് മാ​പ്പിം​ഗും ഡ്രോ​ണ്‍ നി​രീ​ക്ഷ​ണ​വും...

കൊ​ച്ചി​യെ എ​ല്ലാ ആ​ധു​നി​ക സൗ​ക​ര്യ​ങ്ങ​ളോ​ടും കൂ​ടി​യ സ​മ്പൂ​ര്‍​ണ സ്മാ​ര്‍​ട്ട് സി​റ്റി​യാ​ക്കി മാ​റ്റു​ക​യെ​ന്ന പ്ര​ഖ്യാ​പ​ന​ത്തോ​ടെ കൊ​ച്ചി കോ​ര്‍​പ​റേ​ഷ​ന്‍ 2026-27 ബ​ജ​റ്റ്. ഡെ​പ്യൂ​ട്ടി മേ​യ​ര്‍ ദീ​പ​ക് ജോ​യ് അ​വ​ത​രി​പ്പി​ച്ച യു​ഡി​എ​ഫ് ഭ​ര​ണ​സ​മി​തി​യു​ടെ ആ​ദ്യ ബ​ജ​റ്റി​ല്‍ സാ​മൂ​ഹ്യ​ക്ഷേ​മം, പ​രി​സ്ഥി​തി, സു​സ്ഥി​ര വി​ക​സ​നം, സം​സ്‌​കാ​രം, സാ​മ്പ​ത്തി​ക​രം​ഗം മെ​ച്ച​പ്പെ​ടു​ത്ത​ല്‍ തുടങ്ങിയ മേ​ഖ​ല​ക​ള്‍​ക്ക് മു​ന്‍​ഗ​ണ​ന ന​ല്‍​കി​യി​ട്ടു​ണ്ട്.

13,56,49,91,401 രൂ​പ വ​ര​വും 11,36,20,45,999 രൂ​പ ചെ​ല​വും 2,20,29,45,402 രൂ​പ നീ​ക്കി​യി​രി​പ്പും പ്ര​തീ​ക്ഷി​ക്കു​ന്ന ബ​ജ​റ്റി​ന്മേ​ല്‍ നാ​ളെ ന​ട​ക്കു​ന്ന ച​ര്‍​ച്ച​യ്ക്കു ശേ​ഷം 27ന് ​അം​ഗീ​കാ​രം ന​ല്‍​കും.

കൊ​ച്ചി​യെ നൂ​റ് ശ​ത​മാ​നം ആ​ര്‍​ട്ടി​ഫി​ഷ്യ​ല്‍ ഇ​ന്‍റ​ലി​ജ​ന്‍​സ് ലി​റ്റ​റ​സി ല​ക്ഷ്യ​മി​ടു​ന്ന ന​ഗ​ര​മാ​യി മാ​റ്റാ​നു​ള്ള പ​ദ്ധ​തി​ക​ള്‍ വി​ഭാ​വ​നം ചെ​യ്യു​ന്ന ബ​ജ​റ്റി​ല്‍ കൊ​ച്ചി കോ​ര്‍​പ​റേ​ഷ​ന്‍ പ്ര​ദേ​ശ​വും സ​മീ​പ മേ​ഖ​ല​ക​ളും കൂ​ട്ടി​ച്ചേ​ര്‍​ത്തു​കൊ​ണ്ട് ലി​വ​ബി​ള്‍ സി​റ്റി എ​ന്ന സ​ങ്ക​ല്‍​പ്പ​ത്തോ​ടെ ന​ഗ​ര​വി​ക​സ​ന ന​യം, വി​ക​സ​ന പ്ര​വ​ര്‍​ത്ത​ന​ങ്ങ​ള്‍​ക്ക് മാ​ര്‍​ഗ​നി​ര്‍​ദേ​ശ​ക സ​മി​തി, സാ​മ്പ​ത്തി​ക ഉ​പ​ദേ​ശ​ക സ​മി​തി തു​ട​ങ്ങി​യ ആ​ശ​യ​ങ്ങ​ളും ബ​ജ​റ്റി​ൽ ഇ​ടം​പി​ടി​ച്ചി​ട്ടു​ണ്ട്.

ചെ​ന്നൈ, ച​ണ്ഡി​ഗ​ഡ്, ഗാ​ന്ധി​ന​ഗ​ര്‍, ന​വി മും​ബൈ ന​ഗ​ര​ങ്ങ​ളു​ടെ മാ​തൃ​ക​യി​ല്‍ കേ​ര​ള​ത്തി​ല്‍ ആ​ദ്യ​മാ​യി ഒ​രു ന​ഗ​ര​ത്തി​ന് ന​ഗ​ര​ന​യ​വും ബ​ജ​റ്റി​ല്‍ ഉ​ള്‍​പ്പെ​ടു​ത്തി. വ​മ്പ​ന്‍ പ​ദ്ധ​തി​ക​ള്‍​ക്കു​ള്ള സാ​മ്പ​ത്തി​ക​ത്തി​നാ​യി മു​നി​സി​പ്പ​ല്‍ ബോ​ണ്ട്, ഗ്രീ​ന്‍ ബോ​ണ്ട്, ടെ​ക്‌​നോ​ള​ജി​ക്ക​ല്‍ ഇ​ന്നോ​വേ​ഷ​ന്‍ ഉ​പ​യോ​ഗി​ച്ച് നി​കു​തി വ​ര്‍​ധി​പ്പി​ക്ക​ല്‍ എ​ന്നി​വ​യും ല​ക്ഷ്യ​മി​ടു​ന്നു. ത​ന​ത് വ​രു​മാ​നം 10 ശ​ത​മാ​നം വ​ര്‍​ധി​പ്പി​ക്കാ​നു​ള്ള ന​ട​പ​ടി​ക​ള്‍ ഉ​ള്‍​ക്കൊ​ള്ളി​ച്ചി​ട്ടു​ള്ള ബ​ജ​റ്റി​ല്‍ നി​കു​തി ചോ​ര്‍​ച്ച ത​ട​യാ​നു​ള്ള പ​ദ്ധ​തി​ക​ളു​മു​ണ്ട്.

ഇ​ന്ത്യ​യി​ലും വി​ദേ​ശ​രാ​ജ്യ​ങ്ങ​ളി​ലും ന​ട​പ്പാ​ക്കി​യ വി​ജ​യ​ക​ര​മാ​യ വി​ക​സ​ന മാ​തൃ​ക​ക​ള്‍ നേ​രി​ട്ട് കാ​ണാ​നും പ​ഠി​ക്കാ​നും കൗ​ണ്‍​സി​ല​ര്‍​മാ​ര്‍​ക്ക് വി​ദേ​ശ​യാ​ത്ര​ക​ള്‍, ക​ണ്ട​ല്‍​കാ​ടു​ക​ളു​ടെ പു​ന​രു​ജ്ജീ​വ​നം, ബ​ജ​റ്റ് മോ​ണി​ട്ട​റിം​ഗി​നാ​യി ഡി​ജി​റ്റ​ല്‍ പ്രോ​ജ​ക്ട് ട്രാ​ക്കിം​ഗ് സി​സ്റ്റം തു​ട​ങ്ങി​യ പ​ദ്ധ​തി​ക​ളും ഉ​ള്‍​പ്പെ​ടു​ന്ന​താ​ണ് ബ​ജ​റ്റ്.
അ​ന്ത​രി​ച്ച മു​ന്‍ മു​ഖ്യ​മ​ന്ത്രി ഉ​മ്മ​ന്‍​ചാ​ണ്ടി​യെ അ​നു​സ്മ​രി​ച്ചാ​യി​രു​ന്നു ഡെ​പ്യു​ട്ടി മേ​യ​ര്‍ ക​ന്നി ബ​ജ​റ്റ് അ​വ​ത​രി​പ്പി​ച്ച​ത്.

ശ്ര​ദ്ധേ​യ പ്ര​ഖ്യാ​പ​ന​ങ്ങ​ള്‍; എ​ഐ പ​ഠി​ക്കാ​ന്‍ കൊ​ച്ചി

നൂ​റ് ശ​ത​മാ​നം ആ​ര്‍​ട്ടി​ഫി​ഷ്യ​ല്‍ ഇ​ന്‍റ​ലി​ജ​ന്‍​സ് ലി​റ്റ​റ​സി ന​ഗ​ര​മാ​കാ​ന്‍ കൊ​ച്ചി​യെ പ്രാ​പ്ത​മാ​ക്കു​ന്ന എ​ഐ ലി​റ്റ​റ​സി മി​ഷ​ന്‍ പ​ദ്ധ​തി​ക്കാ​യി കോ​ര്‍​പ​റേ​ഷ​ന്‍ 40 ല​ക്ഷം രൂ​പ​യാ​ണ് വ​ക​യി​രു​ത്തി​യി​ട്ടു​ള​ള​ത്. എ​ഐ പൊ​തു​ജ​ന​ങ്ങ​ളു​ടെ ദൈ​നം​ദി​ന ജീ​വി​ത​ത്തി​ന്‍റെ ഭാ​ഗ​മാ​ക്കു​ക​യാ​ണ് ല​ക്ഷ്യം . സാ​ധാ​ര​ണ​ക്കാ​ര്‍​ക്കും തൊ​ഴി​ല്‍ മേ​ഖ​ല​യി​ലും പ​ദ്ധ​തി എ​ത്തി​ക്കും.

മൂ​ല​ധ​നം ക​ണ്ടെ​ത്താ​ന്‍ മു​നി​സി​പ്പ​ല്‍ ബോ​ണ്ട്

കൊ​ച്ചി​യു​ടെ സ​മ​ഗ്ര വി​ക​സ​ന​ത്തി​ന് ആ​വ​ശ്യ​മാ​യ മൂ​ല​ധ​നം ക​ണ്ടെ​ത്താ​ന്‍ മു​നി​സി​പ്പ​ല്‍ ബോ​ണ്ടു​ക​ള്‍ ഇ​റ​ക്കാ​ന്‍ കൗ​ണ്‍​സി​ല്‍ ന​ട​പ​ടി​യെ​ടു​ക്കും. സ​ര്‍​ക്കാ​ര്‍ ഗ്രാ​ന്‍റു​ക​ളെ മാ​ത്രം ആ​ശ്ര​യി​ക്കാ​തെ ഓ​ഹ​രി വി​പ​ണി​യി​ല്‍ നി​ന്നും പൊ​തു​ജ​ന​ങ്ങ​ളി​ല്‍ നി​ന്നും നേ​രി​ട്ട് നി​ക്ഷേ​പം സ്വീ​ക​രി​ച്ച് വ​ലി​യ പ​ദ്ധ​തി​ക​ള്‍ ന​ട​പ്പാ​ക്കു​ക​യാ​ണ് ല​ക്ഷ്യം. സെ​ബി നി​ബ​ന്ധ​ന​ക​ള്‍ പാ​ലി​ച്ച് ബോ​ണ്ടു​ക​ള്‍ സ്റ്റോ​ക്ക് എ​ക്‌​സ്‌​ചേ​ഞ്ചു​ക​ളി​ല്‍ ലി​സ്റ്റ് ചെ​യ്യും. ഇ​തി​നാ​യി ഹൈ​പ​വ​ര്‍ ക​മ്മി​റ്റി രൂ​പീ​ക​രി​ക്കും.

കൊ​ച്ചി​യെ പു​ഷ്പി​ക്കാ​ന്‍ സി​റ്റി ബ്ലൂം

​കാ​ലാ​വ​സ്ഥ വ്യ​തി​യാ​ന​ങ്ങ​ളെ പ്ര​തി​രോ​ധി​ക്കാ​ന്‍ ന​ഗ​ര​ത്തി​ലു​ട​നീ​ളം വൃ​ഷ്യ​ത്തൈ​ക​ളും ചെ​ടി​ക​ളും ന​ട്ടു​പി​ടി​പ്പി​ക്കു​ന്ന പ​ദ്ധ​തി. റോ​ഡ് മീ​ഡി​യ​നു​ക​ള്‍, വ​ശ​ങ്ങ​ള്‍, പൊ​തു​സ്ഥ​ല​ങ്ങ​ള്‍, ഫ്‌​ളൈ​ഓ​വ​റു​ക​ള്‍, കെ​ട്ടി​ട​ങ്ങ​ളു​ടെ പ​രി​സ​ര​ങ്ങ​ള്‍ എ​ന്നി​വി​ട​ങ്ങ​ള്‍ കേ​ന്ദ്രീ​ക​രി​ച്ചാ​കും പ​ദ്ധ​തി. കു​ടും​ബ​ശ്രീ യൂ​ണി​റ്റു​ക​ള്‍​ക്കും വ​നി​താ കൂ​ട്ടാ​യ്മ​ക​ള്‍​ക്കും പ്ര​ത്യേ​ക പ​രി​ശീ​ല​നം ന​ല്‍​കും. ഒ​രു കോ​ടി രൂ​പ​യാ​കും ഇ​തി​നാ​യി ചെ​ല​വ​ഴി​ക്കു​ക.

പി.​ടി. തോ​മ​സി​ന് സ്മാ​ര​കം; കെ.​ജെ. യേ​ശു​ദാ​സി​ന് ആ​ദ​രം

കോ​ണ്‍​ഗ്ര​സ് നേ​താ​വും എം​എ​ല്‍​എ​യും എം​പി​യു​മാ​യി​രു​ന്ന പി.​ടി. തോ​മ​സി​ന്‍റെ സ്മ​ര​ണാ​ർ​ഥം പ​ന​മ്പി​ള്ളി​ന​ഗ​റി​ല്‍ ര​വി​പു​രം ശ്മ​ശാ​ന​ത്തി​നോ​ട് ചേ​ര്‍​ന്നു​ള്ള കോ​ര്‍​പ​റേ​ഷ​ന്‍റെ സ്ഥ​ല​ത്ത് ‘ഈ ​മ​നോ​ഹ​ര​തീ​ര​ത്ത് ഓ​ര്‍​മ​യി​ല്‍ പി.​ടി’ എ​ന്ന പേ​രി​ല്‍ ഉ​ദ്യാ​ന​വും ഓ​പ്പ​ണ്‍ ലൈ​ബ്ര​റി​യും സ്ഥാ​പി​ക്കും. പ​ദ്ധ​തി​ക്കാ​യി ര​ണ്ട് കോ​ടി രൂ​പ ചെ​ല​വ​ഴി​ക്കും. ഗാ​യ​ക​ന്‍ കെ.​ജെ. യേ​ശു​ദാ​സി​നോ​ടു​ള്ള ആ​ദ​ര സൂ​ച​ക​മാ​യി അ​ദ്ദേ​ഹം ജ​നി​ച്ചു വ​ള​ര്‍​ന്ന ഇ​പ്പോ​ള്‍ സ്വ​കാ​ര്യ ഉ​ട​മ​സ്ഥ​ത​യി​ലു​ള്ള ഫോ​ര്‍​ട്ടു​കൊ​ച്ചി​യി​ലെ വീ​ട് ഏ​റ്റെ​ടു​ത്ത് മ്യൂ​സി​യ​മാ​ക്കും. ആ​റ് കോ​ടി രൂ​പ ചെ​ല​വ​ഴി​ച്ചാ​കും പ​ദ്ധ​തി ന​ട​പ്പി​ലാ​ക്കു​ക.

സീ​റോ വേ​സ്റ്റ് ന​ഗ​രം

സീ​റോ വേ​സ്റ്റ് കൊ​ച്ചി​ക്കാ​യി ഡി​വി​ഷ​നു​ക​ളെ ഘ​ട്ടം​ഘ​ട്ട​മാ​യി മാറ്റിയെടുക്കും. ഏ​ഴ് സോ​ണു​ക​ള്‍ കേ​ന്ദ്രീ​ക​രി​ച്ച് മാ​ലി​ന്യ ശേ​ഖ​ര​ണ​ത്തി​ന് പ്ര​ത്യേ​ക മോ​ണി​ട്ട​റിം​ഗ് സം​വി​ധാ​നമൊരുക്കും.

ഇ​ന്‍റ​ഗ്രേ​റ്റ​ഡ് ട്രാ​ന്‍​സ്‌​പോ​ര്‍​ട്ട് ഹ​ബ്ബ്

ഫോ​ര്‍​ട്ടു​കൊ​ച്ചി​യി​ലെ​ത്തു​ന്ന വി​നോ​ദ​സ​ഞ്ച​രി​ക​ളെ റോ ​റോ, ബ​സ് എ​ന്നീ ഗ​താ​ഗ​ത സം​വി​ധാ​ന​ങ്ങ​ളു​മാ​യി ബ​ന്ധി​പ്പി​ക്കു​ന്ന​തി​ന്‍റെ ഭാ​ഗ​മാ​യി പ്ര​ദേ​ശം ഇ​ന്‍റ​ഗ്രേ​റ്റ​ഡ് ട്രാ​ന്‍​സ്‌​പോ​ര്‍​ട്ട് ഹ​ബ്ബായി വി​ക​സി​പ്പി​ക്കു​ം. അ​ടി​സ്ഥാ​ന സൗ​ക​ര്യ​ങ്ങ​ള​ട​ക്കം ഒ​രു​ക്കു​ന്ന​തി​ന് ഒ​രു കോ​ടി രൂ​പ ന​ഗ​ര​സ​ഭ ചെ​ല​വ​ഴി​ക്കും.

ഗോ​ശ്രീ പാ​ല​ത്തി​ന് സ​മാ​ന്ത​ര​മാ​യി പു​തി​യ പാ​ലം

കൊ​ച്ചി​യി​ലെ ഗ​താ​ഗ​ത​ക്കു​രു​ക്ക​ഴി​ക്കു​ന്ന​തി​നും വൈ​പ്പി​ന്‍ മു​ള​വു​കാ​ട് ദ്വീ​പ് നി​വാ​സി​ക​ളു​ടെ യാ​ത്രാ ക്ലേ​ശം പ​രി​ഹ​രി​ക്കു​ന്ന​തി​നും കോ​ര്‍​പ​റേ​ഷ​ന്‍ ജം​ഗ്ഷ​നെ​യും ബോ​ള്‍​ഗാ​ട്ടി​യെ​യും ബ​ന്ധി​പ്പി​ച്ച് നി​ല​വി​ലെ ഗോ​ശ്രീ പാ​ല​ത്തി​ന് സ​മാ​ന്ത​ര​മാ​യി ര​ണ്ടാ​മ​തൊ​രു പാ​ലം നി​ര്‍​മി​ക്കും. സം​സ്ഥാ​ന സ​ര്‍​ക്കാ​രി​ന്‍റെ​യും ജി​ഡയു​ടെ​യും സ​ഹ​ക​ര​ണ​ത്തോ​ടെ ന​ട​പ്പി​ലാ​ക്കാ​നാ​ണ് ല​ക്ഷ്യ​മി​ടു​ന്ന​ത്.

ക​ലൂ​ര്‍ ബ​സ് സ്റ്റാ​ന്‍​ഡി​ല്‍ 40 കോ​ടി​യു​ടെ പ​ദ്ധ​തി

ന​ഗ​ര​ത്തി​ലെ പ്ര​ധാ​ന ഗ​താ​ഗ​ത കേ​ന്ദ്ര​ങ്ങ​ളി​ലൊ​ന്നാ​യ ക​ലൂ​ര്‍ ബ​സ് സ്റ്റാ​ന്‍​ഡി​നെ അ​ന്താ​രാ​ഷ്ട്ര നി​ല​വാ​ര​ത്തി​ലേ​ക്ക് ഉ​യ​ര്‍​ത്തു​ന്ന​തി​ന് സ​മ​ഗ്ര രൂ​പ​രേ​ഖ ത​യാ​റാ​ക്കു​ന്നു. ബ​സ് കാ​ത്തി​രി​പ്പ് കേ​ന്ദ്ര​ത്തി​ന് പു​റ​മേ വാ​ണി​ജ്യ ആ​വ​ശ്യ​ങ്ങ​ള്‍​ക്ക് ഉ​പ​യോ​ഗി​ക്കു​ന്ന ബ​ഹു​നി​ല​മ​ന്ദി​രം അ​ട​ങ്ങു​ന്ന​താ​യി​രി​ക്കും രൂ​പ രേ​ഖ. പ്ര​ത്യേ​ക ബ​സ് ബേ​ക​ള്‍, ശാ​സ്ത്രീ​യ മാ​ലി​ന്യ സം​സ്‌​ക​ര​ണ സം​വി​ധാ​നം എ​ന്നി​വ​യും പ​ദ്ധ​തി​യു​ടെ ഭാ​ഗ​മാ​കും.

 സാ​മ്പ​ത്തി​ക ഉ​പ​ദേ​ശ​ക സ​മി​തി

സാ​മ്പ​ത്തി​ക സ്രോ​ത​സു​ക​ള്‍ കാ​ര്യ​ക്ഷ​മ​മാ​യി വി​നി​യോ​ഗി​ക്കാ​നും പു​തി​യ വ​രു​മാ​ന മാ​ര്‍​ഗ​ങ്ങ​ള്‍ ക​ണ്ടെ​ത്താ​നും സാ​മ്പ​ത്തി​ക ഉ​പ​ദേ​ശ​ക സ​മി​തി രൂ​പീ​ക​രി​ക്കു​ന്നു. വി​വി​ധ മേ​ഖ​ല​ക​ളി​ല്‍ നി​ന്നു​ള്ള വി​ദ​ഗ്ധ​രെ ഉ​ള്‍​ക്കൊ​ള്ളി​ച്ചാ​കും സ​മി​തി. വ​രു​മാ​ന സ്രോ​ത​സു​ക​ള്‍ വ​ര്‍​ധി​പ്പി​ക്കാ​നു​ള്ള പ്ര​ത്യേ​ക ക​ര്‍​മ പ​ദ്ധ​തി​ക​ള്‍ സ​മി​തി​യു​ടെ നേ​തൃ​ത്വ​ത്തി​ല്‍ ന​ട​പ്പി​ലാ​ക്കും.

ഇ​ന്ദി​രാ കാ​ന്‍റീ​ന്‍

ന​ഗ​ര​ത്തി​ല്‍ സാ​ധാ​ര​ണ​ക്കാ​ര്‍​ക്ക് മി​ത​മാ​യ നി​ര​ക്കി​ല്‍ ഭ​ക്ഷ​ണം എ​ന്ന ല​ക്ഷ്യ​ത്തോ​ടെ ഇ​ന്ദി​രാ കാ​ന്‍റീ​ന്‍ പ​ദ്ധ​തി ആ​രം​ഭി​ക്കു​ന്നു. ആ​ദ്യ​ഘ​ട്ട​ത്തി​ല്‍ ഇ​ട​പ്പ​ള്ളി​യി​ലും ഫോ​ർ​ട്ടു കൊ​ച്ചി​യി​ലും. പ്ര​ഭാ​ത ഭ​ക്ഷ​ണ​വും ഉ​ച്ച​ഭ​ക്ഷ​ണ​വും ല​ഭ്യ​മാ​ക്കു​ന്ന പ​ദ്ധ​തി പി​ന്നീ​ട് ന​ഗ​ര​ത്തി​ന്‍റെ വി​വി​ധ​യി​ട​ങ്ങ​ളി​ലേ​ക്ക് വ്യാ​പി​പ്പി​ക്കും. പ്ര​ഭാ​ത ഭ​ക്ഷ​ണ​ത്തി​ന് 10 രൂ​പ, ഉ​ച്ച ഭ​ക്ഷ​ണ​ത്തി​ന് 30 രൂ​പ. സ​മൃ​ദ്ധി​ക്കാ​യി ഒ​രു​ക്കു​ന്ന സെ​ന്‍​ട്ര​ലൈ​സ്ഡ് കി​ച്ച​ണി​ല്‍ നി​ന്നാ​കും ഭ​ക്ഷ​ണം എ​ത്തി​ക്കു​ക. 50 ല​ക്ഷം രൂ​പ ചെ​ല​വി​ലാ​ണ് പ​ദ്ധ​തി ഒ​രു​ങ്ങു​ന്ന​ത്.

ബ​ജ​റ്റ് ചോ​ര്‍​ന്നു; പ്ര​തി​ഷേ​ധി​ച്ച് പ്ര​തി​പ​ക്ഷം

അ​വ​ത​രി​പ്പി​ക്കു​ന്ന​തി​നു മു​മ്പേ ബ​ജ​റ്റ് ചോ​ര്‍​ന്നു​വെ​ന്നാ​രോ​പി​ച്ച് പ്ര​തി​പ​ക്ഷം ബ​ജ​റ്റ് അ​വ​ത​ര​ണ​ത്തി​ലു​ട​നീ​ളം മു​ദ്രാ​വാ​ക്യം വി​ളി​ക​ളു​മാ​യി പ്ര​തി​ഷേ​ധി​ച്ചു. 2.46 മ​ണി​ക്കൂ​ര്‍ നീ​ണ്ട ബ​ജ​റ്റ് പ്ര​സം​ഗ​ത്തി​ന്‍റെ ആ​രം​ഭി​ത്തി​ൽ തു​ട​ങ്ങി​യ പ്ര​തി​ഷേ​ധ മു​ദ്രാ​വാ​ക്യം വി​ളി, ബ​ജ​റ്റ് അ​വ​ത​ര​ണ​ത്തി​നൊ​ടു​വി​ൽ ഡെ​പ്യൂ​ട്ടി മേ​യ​ര്‍ ബ​ജ​റ്റ് മേ​ശ​പ്പു​റ​ത്ത് വ​ച്ച​തോ​ടെ​യാ​ണ് അ​വ​സാ​നി​പ്പി​ച്ച​ത്. കൗ​ണ്‍​സി​ല്‍ ഹാ​ളി​ന്‍റെ ന​ടു​ത്ത​ള​ത്തി​ല്‍ കു​ത്തി​യി​രു​ന്നാ​യി​രു​ന്നു പ്ര​തി​ഷേ​ധം.

സ​ര്‍​വ മേ​ഖ​ല​യു​ടെ​യും വി​ക​സ​ന​ത്തി​ന് ഉ​ത​കു​ന്ന ബ​ജ​റ്റ്: മേ​യ​ര്‍

ന​ഗ​ര വ​ള​ര്‍​ച്ച​യ്ക്ക് വേ​ഗം കൂ​ട്ടു​ന്ന​തി​നും സാ​മൂ​ഹി​ക​സാ​മ്പ​ത്തി​ക സു​ര​ക്ഷ ഉ​റ​പ്പാ​ക്കു​ന്ന​തി​നും പ​രി​സ്ഥി​തി സം​ര​ക്ഷ​ണ​ത്തി​നും സാം​സ്‌​കാ​രി​ക രം​ഗം സ​ജീ​വ​മാ​ക്കു​ന്ന​തി​നും അ​ടി​സ്ഥാ​ന സൗ​ക​ര്യ​വി​ക​സ​ന​ത്തി​നും ഉ​ത​കു​ന്ന ബ​ജ​റ്റാ​ണി​തെ​ന്ന് മേ​യ​ര്‍ വി.​കെ. മി​നി​മോ​ള്‍ അ​വ​കാ​ശ​പ്പെ​ട്ടു.

ബ​ജ​റ്റ് നി​ർ​ദേ​ശ​ങ്ങ​ള്‍ ന​ട​പ്പി​ലാ​ക്കു​ന്ന​തി​നു​ള​ള ഒ​രു പ്ര​ത്യേ​ക മോ​ണി​ട്ട​റിം​ഗ് സം​വി​ധാ​നം ഈ ​ബ​ജ​റ്റി​ന്‍റെ ഭാ​ഗ​മാ​ണ്. മാ​ലി​ന്യ നീ​ക്ക​വും സം​സ്‌​ക​ര​ണ​വു​മാ​യി ബ​ന്ധ​പ്പെ​ട്ട് ശാ​സ്ത്രീ​യ​മാ​യ നി​ര​വ​ധി പ​ദ്ധ​തി​ക​ളാ​ണ് ഉ​ള്‍​പ്പെ​ടു​ത്തി​യി​രി​ക്കു​ന്ന​ത്. വെ​ള്ള​ക്കെ​ട്ടു​മാ​യി ബ​ന്ധ​പ്പെ​ട്ട് സ​മ​ഗ്ര പ​ദ്ധ​തി​ക​ള്‍ ഉ​ള്‍​പ്പെ​ടു​ത്തി​യി​ട്ടു​ണ്ട്. ക​നാ​ലു​ക​ളു​ടെ സം​ര​ക്ഷ​ണ​ത്തി​ന് പ്ര​ത്യേ​ക ഊ​ന്ന​ല്‍ ന​ല്‍​കി​യി​ട്ടു​ണ്ട്. ഗ​താ​ഗ​ത രം​ഗ​ത്ത് സ​മൂ​ല​മാ​യ പ​രി​ഷ്‌​കാ​ര​ങ്ങ​ളാ​ണ് ല​ക്ഷ്യം വ​യ്ക്കു​ന്ന​ത്. ഒ​രു പ്രാ​ദേ​ശി​ക സ​ര്‍​ക്കാ​ര്‍ ന​ട​ത്തേ​ണ്ട എ​ല്ലാ പ​ദ്ധ​തി​ക​ളും ഉ​ള്‍​പ്പെ​ടു​ത്തി​കൊ​ണ്ടു​ള​ള ബ​ജ​റ്റാ​ണി​തെ​ന്നും അ​വ​ർ പ​റ​ഞ്ഞു.

കൊ​ച്ചി​യെ പി​ന്നോ​ട്ട​ടി​ക്കു​ന്നത്: സി​പി​എം

അ​ത്യാ​ധു​നി​ക ന​ഗ​ര​മാ​യി അ​നു​ദി​നം വി​ക​സി​ക്കു​ന്ന കൊ​ച്ചി​യു​ടെ ഭാ​വി​വ​ള​ര്‍​ച്ച മു​ന്നി​ല്‍ ക​ണ്ടു​ള്ള പ​ദ്ധ​തി​യോ ന​യ​മോ ഇ​ല്ലാ​ത്ത ബ​ജ​റ്റാ​ണെ​ന്ന് സി​പി​എം ജി​ല്ലാ​സെ​ക്ര​ട്ട​റി എ​സ്. സ​തീ​ഷ് ന​ഗ​രം ഇ​തു​വ​രെ കൈ​വ​രി​ച്ച നേ​ട്ട​ങ്ങ​ളെ ഇ​ല്ലാ​താ​ക്കു​ക​യും കൊ​ച്ചി​യെ പി​ന്നോ​ട്ട​ടി​പ്പി​ക്കു​ന്ന​തു​മാ​ണ് ഈ ​ബ​ജ​റ്റ്.

ദീ​ര്‍​ഘ​വീ​ക്ഷ​ണ​ത്തോ​ടെ​യു​ള്ള പ​ദ്ധ​തി​ക​ളോ നി​ര്‍​ദേ​ശ​ങ്ങ​ളോ കൊ​ണ്ടു​വ​രാ​ന്‍ യു​ഡി​എ​ഫ് ഭ​ര​ണ​സ​മി​തി​ക്കാ​യി​ല്ല. കൗ​ണ്‍​സി​ലി​ല്‍ അ​വ​ത​രി​പ്പി​ക്കും മു​മ്പേ ബ​ജ​റ്റ് വി​വ​ര​ങ്ങ​ള്‍ പു​റ​ത്താ​യ​ത് ഗു​രു​ത​ര വീ​ഴ്ച​യാ​ണെ​ന്നും സ​തീ​ഷ് പ്ര​സ്താ​വ​ന​യി​ല്‍ പ​റ​ഞ്ഞു.

നി​രാ​ശ​പ്പെ​ടു​ത്തു​ന്നത്: എ​ൽ​ഡി​എ​ഫ്

നി​രാ​ശ​പ്പെ​ടു​ത്തു​ന്ന ബ​ജ​റ്റാ​ണ് യു​ഡി​എ​ഫ് നേ​തൃ​ത്വ​ത്തി​ലു​ള്ള ഭ​ര​ണ​സ​മി​തി അ​വ​ത​രി​പ്പി​ച്ചി​രി​ക്കു​ന്ന​തെ​തെ​ന്ന് എ​ല്‍​ഡി​എ​ഫ് പാ​ര്‍​ല​മെ​ന്‍റ​റി പാ​ർ​ട്ടി നേ​താ​വ് വി.​എ. ശ്രീ​ജി​ത്ത് പ​റ​ഞ്ഞു. കൊ​ച്ചി​യു​ടെ അ​ഭി​മാ​ന​മാ​യ സ​മൃ​ദ്ധി​യെ ത​ക​ര്‍​ക്കാ​നും കോ​ര്‍​പ​റേ​ഷ​ന്‍റെ സ്വ​ത്തു​വ​ക​ക​ള്‍ സ്വ​കാ​ര്യ ഏ​ജ​ന്‍​സി​ക​ള്‍​ക്കും ക​മ്പ​നി​ക​ള്‍​ക്കും വി​ട്ടു​കൊ​ടു​ക്കാ​നു​മു​ള്ള ഗൂ​ഢ​നീ​ക്ക​ങ്ങ​ൾ ബ​ജ​റ്റി​ല്‍ ഒ​ളി​ഞ്ഞി​രി​ക്കു​ന്നു.

ബ്ര​ഹ്മ​പു​ര​ത്ത് ശാ​സ്ത്രീ​യ​മാ​യി ക്യാ​പ്പിം​ഗ് ന​ട​ത്തി​യ സ്ഥ​ല​ത്ത് വീ​ണ്ടും ബ​യോ​മൈ​നിം​ഗ് ന​ട​ത്താ​നു​ള്ള നീ​ക്ക​വും സം​ശ​യാ​സ്പ​ദ​മാ​ണ്. പൊ​തു സ്വ​കാ​ര്യ പ​ങ്കാ​ളി​ത്ത മാ​തൃ​ക​യി​ലു​ള്ള പ​ദ്ധ​തി​ക​ളി​ല്‍ സു​താ​ര്യ​ത​യും വ്യ​ക്ത​ത​യും ആ​വ​ശ്യ​മാ​ണ്.

ബ​ജ​റ്റി​ല്‍ ഇ​ടം പി​ടി​ച്ചി​രി​ക്കു​ന്ന പ​ല​പ​ദ്ധ​തി​ക​ളും മു​ന്‍​ഭ​ര​ണ​സ​മി​തി കാ​ല​യ​ള​വി​ല്‍ ആ​രം​ഭി​ച്ച​തോ, പ്രാ​രം​ഭ ന​ട​പ​ടി​ക​ള്‍ സ്വീ​ക​രി​ച്ച​തോ ആ​ണെ​ന്നും ശ്രീ​ജി​ത്ത് പ​റ​ഞ്ഞു.

Tags : nattu vishesham Corporation Budget kochi