കോ​ട്ട​യം: ച​ങ്ങ​നാ​ശേ​രി, കോ​ട്ട​യം വി​കാ​രി​യാ​ത്തു​ക​ളു​ടെ പ്ര​ഥ​മ ത​ദ്ദേ​ശീ​യ വി​കാ​രി അ​പ്പ​സ്തോ​ലി​ക്ക​യും കോ​ട്ട​യം വി​സി​റ്റേ​ഷ​ൻ സ​ന്ന്യാ​സി​നി സ​മൂ​ഹ​ത്തി​ന്‍റെ സ്ഥാ​പ​ക​നു​മാ​യ ധ​ന്യ​ൻ മാർ മാ​ത്യു മാ​ക്കീ​ലി​ന്‍റെ ച​ര​മ​വാ​ർ​ഷി​കം ആ​ച​രി​ച്ചു. ജ​നു​വ​രി 18 മു​ത​ൽ 26വ​രെ ധ​ന്യ​ന്‍റെ ക​ബ​റി​ടം സ്ഥി​തി ചെ​യ്യു​ന്ന കോ​ട്ട​യം ഇ​ട​യ്ക്കാ​ട്ട് സെ​ന്‍റ് ജോ​ർ​ജ് ഫെ​റോ​നാ ​പ​ള്ളി​യി​ലായിരുന്നു ചടങ്ങുകൾ.

രാവിലെ 6.30നു​ള്ള ദി​വ്യ​ബ​ലി​യെത്തു​ട​ർ​ന്ന് ദി​വ്യ​കാ​രു​ണ്യാ​രാ​ധ​ന, ഉ​പ്പൂ​ട്ടി​ക​വ​ല​യി​ൽനി​ന്നു പ​ദ​യാ​ത്ര, വിശുദ്ധ കു​ർ​ബാ​ന, വ​ച​ന സ​ന്ദേ​ശം എന്നിവയും നടന്നു.

ക​ർ​ദി​നാ​ൾ മാ​ർ ജോ​ർ​ജ് ആ​ല​ഞ്ചേ​രി, മാ​ർ ജോ​സ​ഫ് പ​ണ്ടാ​ര​ശേ​രി​യി​ൽ, മാ​ർ ജോ​യി ആ​ല​പ്പാ​ട്ട്, മാ​ർ ജോ​സ​ഫ് പെ​രു​ന്തോ​ട്ടം , ഗീ​വ​ർ​ഗീ​സ് മാ​ർ അം​ഫ്രം, കോ​ട്ട​യം അ​തി​രൂ​പ​ത​യി​ലെ ന​വ വൈ​ദി​ക​ർ, ഫാ​ദ​ർ ചെ​റി​യാ​ൻ തു​ണ്ടുപ​റ​മ്പി​ൽ സി​എം​ഐ, ഫാ​ദ​ർ തോ​മ​സ് ആ​നി​മൂ​ട്ടി​ൽ എ​ന്നി​വ​ർ വിവിധ ദിവസങ്ങളിൽ വി​ശു​ദ്ധ കു​ർ​ബാ​ന അ​ർ​പ്പിച്ചു സന്ദേശം നൽകി. ഇ​വ​രോ​ടൊ​പ്പം യ​ഥാ​ക്ര​മം ഇ​ട​യ്ക്കാ​ട്ട്, ചു​ങ്കം, കൈ​പ്പു​ഴ, ഉ​ഴ​വൂ​ർ, പി​റ​വം, കി​ട​ങ്ങൂ​ർ, ക​ടു​ത്തു​രു​ത്തി, മ​ല​ങ്ക​ര എ​ന്നീ ഫൊ​റോ​ന​ക​ളി​ലെ വൈ​ദി​ക​രും സ​ഹ​കാ​ർ​മി​ക​രാ​യി​രു​ന്നു.

സ​മാ​പ​ന ദി​ന​മാ​യ 26ന് രാ​വി​ലെ 11ന്  കോ​ട്ട​യം അ​തി​രൂ​പ​ത ആർച്ച്ബിഷപ് മാ​ർ മാ​ത്യു മൂ​ല​ക്കാ​ട്ട് വി​ശു​ദ്ധ കു​ർ​ബാ​ന അ​ർ​പ്പി​ച്ചു സ​ന്ദേ​ശം ന​ൽ​കി. വി​കാ​രി ജ​ന​റാ​ൾ ഫാ. മൈ​ക്കി​ൾ വെ​ട്ടി​ക്കാ​ട്ട്, ഫാ​. ജോ​സ് കു​ന്നു​വെ​ട്ടി​യേ​ൽ, ഫാ. ബി​നോ ചേ​രി​യി​ൽ, ഫാ​. സൈ​മ​ൺ പു​ല്ലാ​ട്ട് എ​ന്നി​വ​ർ സ​ഹ​കാ​ർ​മി​ക​രാ​യി​രു​ന്നു.

വി​ശു​ദ്ധി​യു​ടെ പ​ട​വു​ക​ളി​ൽ ധ​ന്യ​ൻ മാർ മാ​ക്കീ​ൽ സ്വന്തമാക്കിയ മു​ന്നേ​റ്റം വി​ശ്വാ​സി​കൾക്കു മു​ന്നി​ൽ ഒ​രു വെ​ല്ലു​വി​ളി ഉ​യർ​ത്തു​ന്നു​ണ്ടെ​ന്നും കാ​രു​ണ്യ പ്രവൃത്തി​ക​ളി​ലൂ​ടെ ന​മു​ക്കും വി​ശു​ദ്ധി​യി​ൽ വ​ള​രാ​ൻ സാ​ധി​ക്കു​മെ​ന്നും സന്ദേശത്തിൽ മാർ മൂലക്കാട്ട് ഓ​ർ​മ​പ്പെ​ടു​ത്തി. ഒ​ൻ​പതു ദി​വ​സം നീ​ണ്ട അ​നു​സ്മ​ര​ണ ശു​ശ്രൂ​ഷ​ക​ളി​ൽ അ​തി​രൂ​പ​താം​ഗ​ങ്ങ​ൾ​ക്കു പു​റ​മേ നാ​നാ‌ജാ​തി മ​ത​സ്ഥ​രും പ​ങ്കെ​ടു​ത്തു.

Tags : death anniversary mathew makkil