മണ്ണാർക്കാട് മണ്ഡലത്തിലെ വിവിധ വികസന പ്രവർത്തനങ്ങൾ സംബന്ധിച്ച് തിരുവനന്തപുരത്ത് നടന്ന അവലോകന യോഗം.
മണ്ണാർക്കാട്: മണ്ഡലത്തിൽ കിഫ്ബി മുഖേന നിർമാണം നടന്നുകൊണ്ടിരിക്കുന്ന മണ്ണാർക്കാട് ചിന്നത്തടാകം (അട്ടപ്പാടി റോഡ്) റോഡ്, മേലാറ്റൂർ റോഡ് (ചുങ്കം കാഞ്ഞിരംപാറ), മണ്ണാർക്കാട് താലൂക്കാശുപത്രി കെട്ടിടം എന്നിവയുടെ നിർമാണ പുരോഗതിയും നിലവിലുള്ള സാങ്കേതിക പ്രശ്നങ്ങളും മറ്റും പരിഹരിക്കുന്നതിനായി എൻ. ഷംസുദ്ദീൻ എംഎൽഎയുടെ നിർദേശപ്രകാരം കിഫ്ബി സിഇഒ ഡോ. കെ.എം. എബ്രഹാമിന്റെയും മറ്റ് വകുപ്പ് ഉദ്യോഗസ്ഥരുടെയും യോഗം ചേർന്നു.
അട്ടപ്പാടി റോഡിലെ മൂന്ന് റീച്ചുകളുടേയും പ്രവർത്തികളെ സംബന്ധിച്ച മാർഗനിർദേശം സിഇഒ ഉദ്യോഗസ്ഥർക്ക് നൽകി. മേലാറ്റൂർ റോഡിൽ ഒന്നാം ഘട്ട ടാറിംഗ് (കോട്ടോപ്പാടം മുതൽ അലനല്ലൂർ വരെ) ഫെബ്രുവരി 15 നകം പൂർത്തീകരിക്കുവാനും റോഡിന്റെ ബാക്കി ഭാഗങ്ങളുടെ ടാറിംഗ് മെയ് 31നകം പൂർത്തീകരിക്കണമെന്നും യോഗം തീരുമാനിച്ചു. അട്ടപ്പാടി റോഡിലെ ഒന്ന്, രണ്ട് റീച്ചുകളിലെ കുഴികൾ അടച്ചുള്ള അറ്റകുറ്റപ്പണി അടിയന്തരമായിപൂർത്തീകരിക്കണമെന്നും യോഗം നിർദേശിച്ചു. മണ്ണാർക്കാട് താലൂക്ക് ആശുപത്രിയുടെ നിർമാണ പ്രവൃത്തികൾ 85 ശതമാനം പൂർത്തിയായിട്ടുണ്ടെന്നും ശേഷിക്കുന്ന ജോലികൾ ഫെബ്രുവരി 21 നകം പൂർത്തീകരിക്കണമെന്നും നിർദേശിച്ചു. ജിഎം ഷൈല, കിഫ്ബിയിലെയും കെആർഎഫ്ബിയിലെയും ഉദ്യോഗസ്ഥർ എന്നിവരും നേരിട്ടും ഓൺലൈനായും പങ്കെടുത്തു.
Tags : Development nattuvishesham local news