ആ​ല​പ്പു​ഴ: ത​ദ്ദേ​ശ തെ​ര​ഞ്ഞെ​ടു​പ്പ് പ്ര​ച​ാര​ണ​ത്തിന്‍റെ ഭാ​ഗ​മാ​യി ജാ​ഥ​ക​ൾ സം​ഘ​ടി​പ്പി​ക്കു​ന്ന പാ​ർ​ട്ടി​യോ സ്ഥാ​നാ​ർ​ഥി​യോ ജാ​ഥ ആ​രം​ഭി​ക്കു​ന്ന സ​മ​യ​വും സ്ഥ​ല​വും ക​ട​ന്നു​പോ​കു​ന്ന റൂ​ട്ടും മു​ൻ​കൂ​ട്ടി പോ​ലീ​സി​നെ അ​റി​യി​ക്ക​ണ​മെ​ന്ന് ജി​ല്ലാ ക​ള​ക്ട​ർ അ​ല​ക്സ്‌ വ​ർ​ഗീ​സ്.

ജാ​ഥ​ക​ളും പൊ​തു​യോ​ഗ​ങ്ങ​ളും സം​ഘ​ടി​പ്പി​ക്കു​ന്ന​ത് നി​ല​വി​ലു​ള്ള ബ​ന്ധ​പ്പെ​ട്ട നി​യ​മ വ്യ​വ​സ്ഥ​ക​ളും ഹൈ​ക്കോ​ട​തി​യു​ടെ​യും സു​പ്രീം​കോ​ട​തി​യു​ടെ​യും ഉ​ത്ത​ര​വു​ക​ളും അ​നു​സ​രി​ച്ചാ​യി​രി​ക്ക​ണം. ജാ​ഥ ക​ട​ന്നുപോ​കേ​ണ്ട പ്ര​ദേ​ശ​ങ്ങ​ളി​ൽ എ​ന്തെ​ങ്കി​ലും നി​യ​ന്ത്ര​ണ ഉ​ത്ത​ര​വു​ക​ൾ പ്രാ​ബ​ല്യ​ത്തി​ലുണ്ടോ എ​ന്ന് സം​ഘാ​ട​ക​ർ പ​രി​ശോ​ധി​ക്ക​ണം. വാ​ഹ​നഗ​താ​ഗ​ത​ത്തി​ന് ത​ട​സം ഉ​ണ്ടാ​കാ​ത്ത വി​ധ​ത്തി​ൽ ജാ​ഥ ക​ട​ന്നു​പോ​കു​ന്ന​തി​ന് സം​ഘാ​ട​ക​ർ മു​ൻ​കൂ​ട്ടി ന​ട​പ​ടി​ക​ൾ സ്വീ​ക​രി​ക്ക​ണം.

ജാ​ഥ വ​ള​രെ ദൈ​ർ​ഘ്യ​മേ​റി​യ​താ​ണെ​ങ്കി​ൽ, ക​ന​ത്ത ഗ​താ​ഗ​ത​ക്കു​രു​ക്ക് ഒ​ഴി​വാ​ക്കു​ന്ന​തി​ന് ചെ​റി​യ ചെ​റി​യ വി​ഭാ​ഗ​ങ്ങ​ളാ​യി അ​ത് സം​ഘ​ടി​പ്പി​ക്ക​ണം. ജാ​ഥ​ക​ൾ ന​ട​ത്തു​ന്ന സ​മ​യ​ത്ത് ഡ്യൂ​ട്ടി​യി​ലു​ള്ള പോ​ലീ​സി​ൻ്റെ നി​ർ​ദ്ദേ​ശ​ങ്ങ​ൾ ക​ർ​ശ​ന​മാ​യി പാ​ലി​ക്ക​ണം. ര​ണ്ടോ അ​തി​ല​ധി​ക​മോ രാ​ഷ്ട്രീ​യ പാ​ർ​ട്ടി​ക​ളോ സ്ഥാ​നാ​ർ​ഥി​ക​ളോ ഒ​രേ സ​മ​യം ഒ​രേ റൂ​ട്ടി​ലോ അ​തേ റൂ​ട്ടി​ലെ ചി​ല​ഭാ​ഗ​ങ്ങ​ളി​ലോ ജാ​ഥ​ക​ൾ ന​ട​ത്താ​ൻ തീ​രു​മാ​നി​ക്കു​ക​യാ​ണെ​ങ്കി​ൽ, സം​ഘാ​ട​ക​ർ ത​മ്മി​ൽ മു​ൻ​കൂ​ട്ടി ബ​ന്ധ​പ്പെ​ട​ണം.

ഉ​ചി​ത​മാ​യ ക്ര​മീ​ക​ര​ണം ന​ട​ത്തു​ന്ന​തി​ന് ലോ​ക്ക​ൽ പോ​ലീ​സി​ന്‍റെ സ​ഹാ​യം തേ​ടാം. ജാ​ഥ​യി​ൽ പ​ങ്കെ​ടു​ക്കു​ന്ന​വ​ർ പ്ര​കോ​പ​ന​പ​ര​മാ​യ പ്ര​വ​ർ​ത്ത​ന​ങ്ങ​ൾ​ക്ക് സാ​ധ്യ​ത​യു​ള്ള വ​സ്തു​ക്ക​ൾ ജാ​ഥ​യി​ൽ കൊ​ണ്ടുപോ​കു​ന്ന​ത് ഒ​ഴി​വാ​ക്കാ​ൻ രാ​ഷ്ട്രീ​യ പാ​ർ​ട്ടി​ക​ളും സ്ഥാ​നാ​ർ​ഥിക​ളും പ്ര​ത്യേ​കം ശ്ര​ദ്ധി​ക്ക​ണം. മ​റ്റ് രാ​ഷ്ട്രീ​യപാ​ർ​ട്ടി നേ​താ​ക്ക​ളു​ടെ​യോ അം​ഗ​ങ്ങ​ളു​ടെ​യോ കോ​ലം കൊ​ണ്ട് ന​ട​ക്കു​ന്ന​തും പ​ര​സ്യ​മാ​യി അ​ത്ത​രം കോ​ലം ക​ത്തി​ക്കു​ന്ന​തും ഇ​ത്ത​ര​ത്തി​ലു​ള്ള മ​റ്റ് പ്ര​ക​ട​ന​ങ്ങ​ളും ഒ​രു രാ​ഷ്ട്രീ​യ പാ​ർ​ട്ടി​യോ സ്ഥാ​നാ​ർ​ഥി​യോ സ്വീ​ക​രി​ക്കാ​ൻ പാ​ടി​ല്ല എ​ന്നും നി​ർ​ദേശ​മു​ണ്ട്.

Tags : Election campaign nattuvisesham local news