മീ​ന​ച്ചി​ല്‍: "ഈ ​പാ​ല​ത്തി​ലൂ​ടെ ഭാ​ര​വാ​ഹ​ന​ങ്ങ​ളു​ടെ ഗ​താ​ഗ​തം ത​ട​ഞ്ഞി​രി​ക്കു​ന്നു.' പ​ഞ്ചാ​യ​ത്ത് സെ​ക്ര​ട്ട​റി​യു​ടെ പേ​രി​ലൊ​രു ഫ്ല​ക്‌​സു​ണ്ട്. പ​ക്ഷേ അ​താ​രും ശ്ര​ദ്ധി​ക്കാ​റി​ല്ലെ​ന്നു​മാ​ത്രം. രാ​ത്രി​യി​ൽ ഭാ​ര​വാ​ഹ​ന​ങ്ങ​ൾ ത​ട​സ​മി​ല്ലാ​തെ ഈ ​പാ​ല​ത്തി​ലൂ​ടെ ക​ട​ന്നു​പോ​കു​ന്നു.

കൊ​ച്ചു​കൊ​ട്ടാ​രം- കൊ​ങ്ങോ​ല​ക്ക​ട​വ് പാ​ലം അ​പ​ക​ടാ​വ​സ്ഥ​യി​ലാ​ണ്. 40 വ​ർ​ഷ​ത്തെ പ​ഴ​ക്ക​മു​ണ്ട് മീ​ന​ച്ചി​ൽ തോ​ടി​നു കു​റു​കെ​യു​ള്ള ഈ ​പാ​ല​ത്തി​ന്. മീ​ന​ച്ചി​ൽ, കൊ​ഴു​വ​നാ​ൽ, അ​ക​ല​ക്കു​ന്നം പ​ഞ്ചാ​യ​ത്തു​ക​ളെ ഇ​ണ​ക്കു​ന്ന പാ​ല​മാ​ണി​ത്.

പാ​ല​ത്തി​ന്‍റെ അ​ടി​യി​ലെ ക​മ്പി മു​ഴു​വ​ന്‍ തെ​ളി​ഞ്ഞി​ട്ടു​ണ്ട്. കോ​ണ്‍​ക്രീ​റ്റ് മു​ഴു​വ​ന്‍ അ​ട​ര്‍​ന്നു​വീ​ണു. ഭാ​ര​വാ​ഹ​ന​ങ്ങ​ള്‍ ക​ട​ന്നു​പോ​കു​മ്പോ​ള്‍ പാ​ല​ത്തി​ന്‍റെ കു​ലു​ക്കം സ​മീ​പ​ത്തു നി​ൽ​ക്കു​ന്ന​വ​ർ​ക്കും അ​നു​ഭ​വ​പ്പെ​ടും. ഈ ​പാ​ല​മെ​ങ്ങാ​നും ത​ക​ർ​ന്നാ​ലു​ണ്ടാ​കു​ന്ന ബു​ദ്ധി​മു​ട്ട് ചി​ല്ല​റ​യാ​വി​ല്ല. അ​റ്റ​കു​റ്റ​പ്പ​ണി​യോ പു​തു​ക്കി​പ്പ​ണി​യ​ലോ അ​ത്യാ​വ​ശ്യ​മാ​ണ്.

പാ​മ്പാ​ടി, പ​ള്ളി​ക്ക​ത്തോ​ട്, ചെ​ങ്ങ​ളം ഭാ​ഗ​ങ്ങ​ളി​ലേ​ക്ക് പാ​ലാ ഭാ​ഗ​ത്തു​നി​ന്നു​ള്ള എ​ളു​പ്പം​മാ​ര്‍​ഗ​മാ​ണി​ത്. വ​ലി​യ മ​ഴ​യി​ല്‍ റോ​ഡി​ന് മു​ക​ളി​ല്‍ വെ​ള്ള​മെ​ത്തും. തോ​ട്ടി​ലൂ​ടെ ഒ​ഴു​കി​യെ​ത്തു​ന്ന ത​ടി​ക​ള്‍ ഇ​ടി​ച്ചാ​ണ് പാ​ല​ത്തി​ന്‍റെ കോ​ണ്‍​ക്രീ​റ്റ് ത​ക​ര്‍​ന്ന​തെ​ന്ന് പ​രി​സ​ര​വാ​സി​ക​ൾ പ​റ‍​യു​ന്നു. മൂ​ന്ന് സ്പാ​നു​ക​ളി​ലാ​യാ​ണ് പാ​ലം നി​ല്‍​ക്കു​ന്ന​ത്. സം​ര​ക്ഷ​ണ​ഭി​ത്തി​ക​ളും ത​ക​ര്‍​ച്ച​യി​ലാ​ണ്. പൊ​തു​മ​രാ​മ​ത്ത് വ​കു​പ്പി​ന്‍റെ പു​തു​ക്കി​പ്പ​ണി​യ​ൽ ലി​സ്റ്റി​ല്‍ ഈ ​പാ​ലം ഇ​ല്ലെ​ന്ന സൂ​ച​ന ആ​ശ​ങ്ക കൂ​ട്ടു​ന്നു.

Tags : local nattuvishesham collapses