കണ്ണാടി ഗ്രാമപഞ്ചായത്ത് വികസനസദസ് ഉദ്ഘാടനം മന്ത്രി എം.ബി. രാജേഷ് നിർവഹിക്കുന്നു.
പാലക്കാട്: ഹരിതകർമസേന രാജ്യത്തിന് മാതൃകയാണെന്നും കേരളത്തിന്റെ അഭിമാനവും ശുചിത്വത്തിന്റെ സൈന്യവുമായി മാറിയിരിക്കുകയാണെന്നും മന്ത്രി എം.ബി . രാജേഷ്. കണ്ണാടി ഗ്രാമപഞ്ചായത്തിലെ വികസനസദസ് ഉദ്ഘാടനം ചെയ്ത് പ്രസംഗിക്കുകയായിരുന്നു മന്ത്രി.
മാലിന്യസംസ്കരണത്തിൽ കൈവരിച്ച നേട്ടങ്ങൾക്ക് അടിവരയിടുന്നതാണ് ബ്രഹ്മപുരത്തെ മാറ്റം. ഒൻപത് ലക്ഷം മെട്രിക് ടണ് മാലിന്യം കുമിഞ്ഞുകൂടി 110 എക്കറിൽ കിടന്നിരുന്നു.
അസാധ്യമെന്ന് പലരും പറഞ്ഞ ഈ മാലിന്യമല ഇന്ന് പൂങ്കാവനമായി മാറ്റാൻ സർക്കാരിന് കഴിഞ്ഞുവെന്നും മന്ത്രി അറിയിച്ചു. ജില്ലാ പഞ്ചായത്ത് പ്രസിഡന്റ് കെ. ബിനുമോൾ, ടി.കെ. ദേവദാസ്, എം. ലത, കെ.ടി. ഉദയകുമാർ, സ്റ്റാൻഡിംഗ് കമ്മിറ്റി ചെയർമാൻമാർ, വാർഡ് അംഗങ്ങൾ, ഹരിതകർമ സേനാഗംങ്ങൾ, കുടുംബശ്രീ, സിഡിഎസ് അംഗങ്ങൾ, ആശ വർക്കർമാർ എന്നിവർ പങ്കെടുത്തു.
Tags : M.B. Rajesh nattuvisesham local news