കെഎസ്എസ്പിഎ കരിമ്പ മണ്ഡലം കൺവൻഷൻ കോൺഗ്രസ് ബ്ലോക്ക് പ്രസിഡന്റ് വി.കെ. ഷൈജു ഉദ്ഘാടനം ചെയ്യുന്നു.
കല്ലടിക്കോട്: മാസംതോറുമുള്ള പ്രീമിയം വർധിപ്പിക്കുകയും ആനുകൂല്യങ്ങൾ വെട്ടിക്കുറയ്ക്കുകയും ചെയ്ത മെഡിസെപ് ആരോഗ്യ ഇൻഷ്വറൻസ് മേഖലയിലെ അപാകതകൾ പരിഹരിക്കണമെന്ന് കേരളാ സ്റ്റേറ്റ് സർവീസ് പെൻഷനേഴ്സ് അസോസിയേഷൻ കരിമ്പ മണ്ഡലം സമ്മേളനം ആവശ്യപ്പെട്ടു.
കൺവൻഷൻ കോൺഗ്രസ് കോങ്ങാട് ബ്ലോക്ക് പ്രസിഡന്റ് വി.കെ. ഷൈജു ഉദ്ഘാടനം ചെയ്തു. കെഎസ്എസ്പിഎ കരിമ്പ മണ്ഡലം പ്രസിഡന്റ് ജോയി തോമസ് അധ്യക്ഷത വഹിച്ചു. സംസ്ഥാന കൗൺസിൽ അംഗം അച്ചൻ മാത്യു, മണ്ണാർക്കാട് നിയോജക മണ്ഡലം പ്രസിഡന്റ് വേണുഗോപാലൻ, സെക്രട്ടറി പി. ബാലഗോപാലൻ, എ. ശിവദാസൻ, ജില്ലാ സെക്രട്ടറിയേറ്റ് അംഗം തോമസ് ആന്റണി, ഡോ. മാത്യു കല്ലടിക്കോട്, കോൺഗ്രസ് മണ്ഡലം പ്രസിഡന്റ് സി.എം. നൗഷാദ്, കെസിഇഎഫ് സംസ്ഥാന വൈസ് പ്രസിഡന്റ് സി.കെ. മുഹമ്മദ് മുസ്തഫ, മോളി ഫ്രാൻസിസ്, ജോയി ജോസഫ്, പി.ജി. പ്രസാദ്, ട്രീസ ജോൺ, പ്രസന്നകുമാരി, പി. ഭാസ്ക്കരൻ, എന്നിവർ പ്രസംഗിച്ചു. ഗുരുജ്യോതി അധ്യാപക അവാർഡ് ജേതാവ് പി. ഭാസ്ക്കരൻ, അന്താരാഷ്ട്ര ഫെലോഷിപ്പ് ജേതാവ് ട്രീസ അബ്രാഹം എന്നിവരെ ആദരിച്ചു. പുതിയ ഭാരവാഹികളായി ജോയി തോമസ്- പ്രസിഡന്റ് ,ജോയി ജോസഫ്-സെക്രട്ടറി, പി.ജി. പ്രസാദ്- ട്രഷറർ, മോളി ഫ്രാൻസിസ്-വനിതാ ഫോറം പ്രസിഡന്റ് എന്നിവരെ തെരഞ്ഞെടുത്തു.
Tags : KSSPA nattuvisesham local news