സന്തോഷ് കിഴക്കേപാല കുന്നത്തിന് ആദ്യ ചെക്ക് കെഎസ്ഇബി എക്സിക്യൂട്ടീവ് എന്ജിനീയര് ഉപേന്ദ്രൻ കൈമാറുന്നു.
കൂടരഞ്ഞി : പഞ്ചായത്തിലെ പൂവാറൻ തോടിൽ നിർമ്മിക്കുന്ന ജലവൈദ്യുത പദ്ധതിയുടെ നിർമ്മാണത്തിനിടെ കേടുപാടുകൾ സംഭവിച്ച വീടുകളുടെ ഉടമകൾക്കും, കോൺവന്റ് കെട്ടിടത്തിനും, ഗവ. സ്കൂളിനുമുള്ള നഷ്ട്ടപരിഹാര തുക പൂവാറൻ തോട് ആര്യാകോൺ ഓഫീസിൽ വെച്ച് നടത്തി.
ലിന്റൊ ജോസഫ് എംഎൽഎയുടെഅധ്യക്ഷതയിൽ ചേർന്ന യോഗത്തിലായിരുന്നു നഷ്ടപരിഹാര തുക കൈമാറാനുള്ള തീരുമാനം ഉണ്ടായത്.സന്തോഷ് കിഴക്കേപാല കുന്നത്തിന് ആദ്യ ചെക്ക് കെഎസ്ഇബി എക്സിക്യൂട്ടീവ് എന്ജിനീയര് ഉപേന്ദ്രൻ നല്കി.
വാർഡ് മെമ്പർ റോയ് ആക്കേൽ, പ്രനൂബ് കാരുമാക്കൽ, അസി. എക്സിക്യൂട്ടീവ് എന്ജിനീയര് വിശ്വനാഥൻ, ഓഫീസ് ക്ലർക്ക് സത്യൻ, ആര്യ കോൺവർക്ക് മാനേജർ മണി, പ്രൊജക്റ്റ് മാനേജർ പി.ജി.സി.എൽ കാർത്തികേയൻ, സമരസമിതി കൺവീനർ ഇ.എസ്. ജിനേഷ് , സെക്രട്ടറി മാർട്ടിൻ വടക്കേൽ തുടങ്ങിയവർ പങ്കെടുത്തു.
Tags : KSEB Local News Nattuvishesham Kozhikode