പ​ത്ത​നം​തി​ട്ട: മ​ല്ല​പ്പ​ള്ളി, വെ​ണ്ണി​ക്കു​ളം മേ​ഖ​ല​യി​ൽ ആ​ധു​നി​ക യ​ന്ത്ര സം​വി​ധാ​ന​ങ്ങ​ൾ ഉ​പ​യോ​ഗി​ച്ച് കെ​എ​സ്ഇ​ബി​യു​ടെ തീ​ർ​ത്ത് വെ​ട്ട​ൽ. ജി​ല്ലാ ക​ള​ക്ട​റു​ടെ ദു​ര​ന്ത നി​വാ​ര​ണ ഉ​ത്ത​ര​വി​ന്‍റെ അ​ടി​സ്ഥാ​ന​ത്തി​ലാ​ണ് മ​രം​മു​റി​ക്ക​ൽ. കെ​എ​സ്ഇ​ബി​യു​ടെ നി​യ​മം അ​നു​സ​രി​ച്ച് 11 കെ​വി ലൈ​ൻ പോ​കു​ന്ന​തി​ന്‍റെ ഇ​രു​വ​ശ​ങ്ങ​ളി​ലേ​ക്കും 1.6 മീ​റ്റ​ർ ഉ​ള്ളി​ൽ നി​ൽ​ക്കു​ന്ന മ​ര​ങ്ങ​ൾ മു​റി​ച്ചു​മാ​റ്റാ​ൻ അ​നു​മ​തി​യു​ള്ള​താ​ണ്. 1.6 മീ​റ്റ​റി​ന് അ​ക​ലെ​യു​ള്ള മ​ര​ങ്ങ​ളു​ടെ ശി​ഖ​ര​ങ്ങ​ൾ വൈ​ദ്യു​തി വി​ത​ര​ണ​ത്തി​ന് ദോ​ഷ​മാ​യി വ​ന്നാ​ൽ അ​ത് വെ​ട്ടി​മാ​റ്റി വൈ​ദ്യു​തി വി​ത​ര​ണം ന​ട​ത്താ​ൻ വേ​ണ്ട ന​ട​പ​ടി​ക​ൾ സ്വീ​ക​രി​ക്ക​ണ​മെ​ന്നാ​ണ് വ്യ​വ​സ്ഥ.

ഇ​ത്ത​ര​ത്തി​ൽ ശി​ഖ​ര​ങ്ങ​ൾ വെ​ട്ടി​മാ​റ്റു​ന്ന ജോ​ലി എ​ല്ലാ​വ​ർ​ഷ​വും കെ​എ​സ്ഇ​ബി ചെ​യ്യാ​റു​ണ്ട്. ഇ​ക്കൊ​ല്ലം യ​ന്ത്ര സാ​മ​ഗ്രി​ക​ളു​ടെ സ​ഹാ​യ​ത്തോ​ടെ ട​ച്ചിം​ഗ് വെ​ട്ടാ​ൻ തു​ട​ങ്ങി​യ​തോ​ടെ​യാ​ണ് നാ​ശ​ന​ഷ്ട​ങ്ങ​ൾ സം​ബ​ന്ധി​ച്ച് പ​രാ​തി​ക​ളു​ണ്ടാ​യി​രി​ക്കു​ന്ന​ത്. ജെ​സി​ബി​യു​ടെ​യും അ​തി​ൽ ഘ​ടി​പ്പി​ച്ച ക്രെ​യി​ന്‍റെ​യും സ​ഹാ​യ​ത്തോ​ടെ​യാ​ണ് മ​ല്ല​പ്പ​ള്ളി, വെ​ണ്ണി​ക്കു​ളം മേ​ഖ​ല​യി​ൽ ശി​ഖ​ര​ങ്ങ​ൾ മു​റി​ച്ചു​മാ​റ്റു​ന്ന​ത്.

കാ‍​യ്ഫ​ല​മു​ള്ള തെ​ങ്ങ്, ക​മു​ക് ഉ​ൾ​പ്പെ​ടെ​യു​ള്ള​വ യാ​തൊ​രു ദാ​ക്ഷി​ണ്യ​വു​മി​ല്ലാ​തെ മു​റി​ച്ചു മാ​റ്റു​ക​യാ​ണ്. മു​ൻ വ​ർ​ഷ​ങ്ങ​ളി​ൽ മ​ര​ങ്ങ​ൾ ക​ട​പു​ഴ​കി​യും ശി​ഖ​ര​ങ്ങ​ൾ ഒ​ടി​ഞ്ഞും വ​ൻ നാ​ശ​ന​ഷ്ടം കെ​എ​സ്ഇ​ബി​ക്ക് ഉ​ണ്ടാ​യ​താ​ണ്. ഇ​ക്കാ​ര​ണ​ത്താ​ലാ​ണ് ഇ​ത്ത​വ​ണ ട​ച്ചിം​ഗ് വെ​ട്ട​ൽ ത​കൃ​തി​യി​ലാ​ക്കി​യ​ത്. ത​ന്നെ​യു​മ​ല്ല, ഓ​രോ വ​ർ​ഷ​വും ട​ച്ചിം​ഗ് വെ​ട്ട​ലി​ന്‍റെ പേ​രി​ൽ കെ​എ​സ്ഇ​ബി​ക്ക് ല​ക്ഷ​ങ്ങ​ളു​ടെ അ​ധി​ക​ച്ചെ​ല​വ് ഉ​ണ്ടാ​കു​ന്നു​ണ്ട്. ഇ​ത് ഒ​ഴി​വാ​ക്കാ​ൻ വൈ​ദ്യുതി ലൈ​നി​നു തൊ​ട്ട​ടു​ത്തു​ള്ള മ​ര​ങ്ങ​ൾ മൂ​ടോ​ടെ മു​റി​ച്ചു​മാ​റ്റാ​നാ​ണ് ഇ​പ്പോ​ഴ​ത്തെ നി​ർ​ദേ​ശ​മെ​ന്ന് പ​റ​യു​ന്നു.

പ്ര​വാ​സി​ക​ൾ, വ​യോ​ധി​ക​ർ തു​ട​ങ്ങി​യ​വ​രു​ടെ ആ​ൾ​ത്താ​മ​സ​മി​ല്ലാ​ത്ത വീ​ടു​ക​ളോ​ടു ചേ​ർ​ന്ന പു​ര​യി​ട​ങ്ങ​ളി​ൽ അ​തി​ക്ര​മി​ച്ചു ക​യ​റി​യാ​ണ് പ​ല​യി​ട​ത്തും മ​ര​ങ്ങ​ൾ മു​റി​ച്ചി​രി​ക്കു​ന്ന​ത്. നി​യ​മ​ങ്ങ​ൾ മ​റി​ക​ട​ന്നു​ള്ള ഇ​ത്ത​രം ന​ട​പ​ടി​ക​ൾ അം​ഗീ​ക​രി​ക്കാ​നാ​കി​ല്ലെ​ന്ന് ജി​ല്ലാ പ​ഞ്ചാ​യ​ത്ത് മു​ൻ പ്ര​സി​ഡ​ന്‍റ് ഡോ. ​സ​ജി ചാ​ക്കോ പ​റ​ഞ്ഞു.

മ​ര​ങ്ങ​ൾ പി​ഴു​തി​ടു​ന്നു, ന​ഷ്ട​പ​രി​ഹാ​ര​വു​മി​ല്ല

കെ​എ​സ്ഇ​ബി ലൈ​നു​ക​ളി​ൽ നി​ന്ന് നി​ശ്ചി​ത അ​ക​ല​ത്തി​ൽ നി​ൽ​ക്കു​ന്ന മ​ര​ങ്ങ​ൾ പോ​ലും പി​ഴു​തു മാ​റ്റി​യ​താ​യും പ​രാ​തി​യു​ണ്ട്. ന​ഷ്ട​പ​രി​ഹാ​രം പോ​ലും ന​ൽ​കാ​തെ​യാ​ണ് ന​ട​പ​ടി​ക​ൾ. കാ​യ്ഫ​ല​മു​ള്ള തെ​ങ്ങു​ക​ൾ, തേ​ക്ക്, പ്ലാ​വ് ഉ​ൾ​പ്പെ​ടെ​യു​ള്ള മ​ര​ങ്ങ​ൾ എ​ന്നി​വ ഇ​ത്ത​ര​ത്തി​ൽ ന​ശി​പ്പി​ച്ച​താ​യാ​ണ് പ​രാ​തി. മ​ര​ങ്ങ​ൾ മു​റി​ച്ചു മാ​റ്റാ​നോ ശി​ഖ​ര​ങ്ങ​ൾ മു​റി​ക്കാ​നോ സ​ന്ന​ദ്ധ​രാ​ണെ​ന്ന് ഉ​ട​മ​സ്ഥ​ർ അ​റി​യി​ച്ചി​ട്ടും ഇ​തു വ​ക​വ​യ്ക്കാ​തെ പു​ര​യി​ട​ങ്ങ​ളി​ൽ ക​ട​ന്നു​ക​യ​റി ജെ​സി​ബി ഉ​പ​യോ​ഗി​ച്ച് പി​ഴു​തു​മാ​റ്റു​ന്ന ദൃ​ശ്യ​ങ്ങ​ൾ അ​ട​ക്കം ഈ ​മേ​ഖ​ല​യി​ൽ പ്ര​ച​രി​ക്കു​ക​യാ​ണ്.

ഇ​ത്ത​ര​ത്തി​ൽ മ​ര​ങ്ങ​ൾ പി​ഴു​തു മ​റി​ച്ച​തു​മൂ​ലം സ​മീ​പ​ത്തെ മ​തി​ലു​ക​ൾ​ക്കും മ​റ്റും നാ​ശ​മു​ണ്ടാ​ക്കി​യ സം​ഭ​വ​ങ്ങ​ളു​മു​ണ്ട്. വൈ​ദ്യു​തി ലൈ​നു​ക​ൾ​ക്കോ പോ​സ്റ്റു​ക​ൾ​ക്കോ ദോ​ഷ​ക​ര​മാ​യേ​ക്കാ​വു​ന്ന തേ​ക്ക് ഉ​ൾ​പ്പെ​ടെ​യു​ള്ള മ​ര​ങ്ങ​ളി​ലെ ശി​ഖ​ര​ങ്ങ​ൾ മു​റി​ച്ചു മാ​റ്റി അ​പ​ക​ടം ഒ​ഴി​വാ​ക്കാ​മെ​ന്നി​രി​ക്കേ ഇ​ത്ത​രം മ​ര​ങ്ങ​ൾ പി​ഴു​തി​ടു​ക​യോ മു​റി​ച്ചു മാ​റ്റു​ക​യോ ചെ​യ്ത​തു​മാ​യി ബ​ന്ധ​പ്പെ​ട്ടും പ​രാ​തി​ക​ളു​ണ്ടാ​യി.

ന​ട​പ​ടി​ക​ൾ നി​യ​മ​വി​രു​ദ്ധ​മെ​ന്ന് താ​ലൂ​ക്ക് സ​ഭ

വൈ​ദ്യു​തി ലൈ​നി​ൽ 1.6 മീ​റ്റ​റി​ന് അ​ക​ലെ​യു​ള്ള മ​ര​ങ്ങ​ൾ മു​റി​ച്ചു​മാ​റ്റു​വാ​ൻ നി​യ​മം അ​നു​വ​ദി​ക്കു​ന്നി​ല്ലെ​ന്നി​രി​ക്കേ കെ​എ​സ്ഇ​ബി ക​രാ​റു​കാ​ർ ന​ട​ത്തു​ന്ന പ്ര​വ​ർ​ത്ത​ന​ങ്ങ​ൾ നി​യ​മ​വി​രു​ദ്ധ​മെ​ന്ന് ക​ഴി​ഞ്ഞ​ദി​വ​സം ചേ​ർ​ന്ന മ​ല്ല​പ്പ​ള്ളി താ​ലൂ​ക്ക് സ​ഭ​യി​ൽ പ​രാ​തി​യു​ണ്ടാ​യി. ഇ​ത്ത​ര​ത്തി​ൽ മ​രം മു​റി​ച്ചു മാ​റ്റി​യാ​ൽ ക​ർ​ഷ​ക​നു ന​ഷ്ട​പ​രി​ഹാ​ര​ത്തി​ന് അ​ർ​ത​യു​ണ്ട്. ന​ഷ്ട​പ​രി​ഹാ​രം തേ​ടി നി​യ​മ​ന​ട​പ​ടി​ക്കൊ​രു​ങ്ങു​ക​യാ​ണ് താ​ലൂ​ക്കി​ലെ ക​ർ​ഷ​ക​രി​ൽ പ​ല​രും. അ​ന​ധി​കൃ​ത​മാ​യി മ​ര​ങ്ങ​ൾ മു​റി​ച്ചു നീ​ക്കു​ന്ന​ത് പ​രി​സ്ഥി​തി സ​ന്തു​ലി​താ​വ​സ്ഥ​യെ​യും ബാ​ധി​ക്കും. വ​ഴി​യോ​ര​ത്തെ ത​ണ​ൽ വൃ​ക്ഷ​ങ്ങ​ൾ അ​ട​ക്കം മൂ​ടോ​ടെ പ​ല​യി​ട​ത്തും മു​റി​ച്ചു മാ​റ്റി.

വൈ​ദ്യു​തി വി​ത​ര​ണം ത​ട​സ​മി​ല്ലാ​തെ ന​ട​ത്ത​ണ​മെ​ന്നി​രി​ക്കേ ട​ച്ചിം​ഗ് വെ​ട്ട​ലി​നു പ​ല​രും ത​ട​സം പ​റ​യാ​റി​ല്ല. എ​ന്നാ​ൽ സ്വാ​കാ​ര്യ വ​സ്തു​വി​ലൂ​ടെ​യും മ​റ്റും പൊ​തു ലൈ​ൻ വ​ലി​ക്കു​ക​യും ഇ​തി​ലേ​ക്ക് പ​ട​ർ​ന്നു ക​യ​റു​മെ​ന്ന പേ​രി​ൽ കാ​യ്ഫ​ല​മു​ള്ള​തും വി​ല​പി​ടി​പ്പു​ള്ള​തു​മാ​യ മ​ര​ങ്ങ​ൾ ന​ശി​പ്പി​ക്കു​കയും ചെയ്യുന്ന കെ​എ​സ്ഇ​ബി​യു​ടെ പ്ര​വ​ണ​ത അം​ഗീ​ക​രി​ക്കാ​നാ​കി​ല്ലെ​ന്ന് ക​ർ​ഷ​ക​ർ പ​റ​യു​ന്നു.

ഭൂ​ഗ​ർ​ഭ കേ​ബി​ളി​ലൂ​ടെ വൈ​ദ്യു​തി വി​ത​ര​ണം ന​ട​ത്താ​നു​ള്ള പ​ദ്ധ​തി കെ​എ​സ്ഇ​ബി ആ​ലോ​ചി​ച്ചി​രു​ന്നെ​ങ്കി​ലും ഘ​ട്ടം​ഘ​ട്ട​മാ​യി പോ​ലും ഇ​തു ന​ട​പ്പാ​ക്കാ​ൻ ക​ഴി​ഞ്ഞി​ട്ടി​ല്ല. ട​ച്ചിം​ഗ് വെ​ട്ട​ലി​ന്‍റെ മ​റ​വി​ൽ ക​ർ​ഷ​ക​രു​ടെ വ​സ്തു​ക്ക​ളി​ന്മേ​ൽ ക​ട​ന്നു​ക​യ​റു​ന്ന പ്ര​വ​ണ​ത​യ്ക്കെ​തി​രേ ക​ർ​ഷ​ക സം​ഘ​ട​ന​ക​ള​ട​ക്കം രം​ഗ​ത്തെ​ത്തി​യി​ട്ടു​ണ്ട്.

Tags : Local News Nattuvishesham Pathanamthitta KSEB