പള്ളിക്കത്തോട് ലൂര്ദ് ഭവന് ട്രസ്റ്റിന്റെ 27-ാം വാര്ഷികം സീറോമലബാര് സഭാ മേജര് ആര്ച്ച്ബിഷപ് മാര് റാഫേല് തട്ടില് ഉദ്ഘാടനം ചെയ്യു
പള്ളിക്കത്തോട്: സര്ക്കാരിന് എത്താന് കഴിയാത്ത മേഖലകളില് പോലും കത്തോലിക്കാ സഭയുടെ ജീവകാരുണൃ പ്രവര്ത്തനങ്ങള് മുടക്കമില്ലാതെ നടക്കുന്നത് സഭയുടെ പ്രവാചകദൗതൃം കൊണ്ടു മാത്രമാണന്ന് സീറോമലബാര് സഭാ മേജര് ആര്ച്ച്ബിഷപ് മാര് റാഫേല് തട്ടില്.
പള്ളിക്കത്തോട് ലൂര്ദ് ഭവന് ട്രസ്റ്റിന്റെ 27-ാം വാര്ഷികം ഉദ്ഘാടനം ചെയ്തു പ്രസംഗിക്കുകയായിരുന്നു മേജര് ആര്ച്ച്ബിഷപ്. സഭ ഇത്തരം പ്രവര്ത്തനങ്ങളില് ജാതിയോ മതമോ നോക്കാറില്ല. എല്ലാവരും ക്രിസ്തുവിന്റെ മക്കളാണ്.
ഉപേക്ഷിക്കപ്പെട്ടവരില് ക്രിസ്തുവിനെയാണ് കാണുന്നതെന്നും ക്രിസ്തുവിന്റെ അതിരുകളില്ലാത്ത സ്നേഹം പങ്കുവയ്ക്കുന്ന ലൂര്ദ് ഭവന് ജോസ് ചേട്ടനിലൂടെ മഹത്തായ കാര്യങ്ങള് അവന് പൂര്ത്തീകരിക്കുന്നുവെന്നും മാര് റാഫേല് തട്ടില് കൂട്ടിച്ചേര്ത്തു. ലൂര്ദ് ഭവന് ട്രസ്റ്റ് സ്പിരിച്വല് ഡയറക്ടറും ലൂര്ദ് മാതാ പള്ളി വികാരിയുമായ ഫാ. സെബാസ്റ്റ്യന് ശൗര്യമാക്കില് അധ്യക്ഷത വഹിച്ചു.
സിബിസിഐ പുരസ്കാരം ലഭിച്ച ഓര്ഫനേജ് കണ്ട്രോള് ബോര്ഡ് മെംബര് ഫാ. റോയി വടക്കേലിനെ സമ്മേളനത്തില് ആദരിച്ചു.
ചീഫ് വിപ്പ് ഡോ. എന്. ജയരാജ്, ഫാ. ജോര്ജ് പഴയപുര, മാനേജിംഗ് ട്രസ്റ്റി ജോസ് ആന്റണി, പാമ്പാടി ബ്ലോക്ക് പഞ്ചായത്ത് പ്രസിഡന്റ് ജെയ്ജി പാലയ്ക്കലോടി, ഡോ. മറിയ ഉമ്മന് തുടങ്ങിയവര് പ്രസംഗിച്ചു.
Tags : Local News Nattuvishesham Kottayam