ബ്ലോക്ക് 12ലെ ഉണ്ണിയുടെ വീട്ടിലെ അരി ഉൾപ്പടെയുള്ള ഭക്ഷ്യവസ്തുക്കൾ കുരങ്ങ് നശിപ്പിച്ച നിലയിൽ.
ഇരിട്ടി: ആന ഭീഷണി നിലനിൽക്കുന്നതിനിടെ കുരങ്ങുകളും ആറളം പുനരധിവാസമേഖലയെ പൊറുതിമുട്ടിക്കുന്നു. കൂട്ടമായും ഒറ്റതിരിഞ്ഞും എത്തുന്ന കുരുങ്ങുകൾ തെങ്ങുകളിൽനിന്ന് കരിക്കും മറ്റും പറിച്ചിടുകയും കാർഷികവിളകൾ പിഴുതെടുക്കുകയും ചെയ്യുന്നതിനൊപ്പം വീടുകളിൽ കയറി സാധനങ്ങൾ നശിപ്പിക്കുകയുമാണ്.
തുരത്താൻ ശ്രമിച്ചാൽ പലപ്പോഴും ആക്രമണ സ്വഭാവം കാട്ടുന്നതിനാൽ ജനം കടുത്ത ഭീതിയിലാണ് കഴിയുന്നത്. ബ്ലോക്ക് 12 ലെ താമസക്കാരനായ ഉണ്ണിയുടെ വീട്ടിൽ കയറിയ കുരങ്ങ് വീട്ടുസാധനങ്ങളും അരി ഉൾപ്പടെയുള്ള ഭക്ഷ്യവസ്തുക്കളും നശിപ്പിച്ചു. ആനയെ ഭയന്ന് വീട്ടിൽനിന്ന് പുറത്തിറങ്ങാൻ പോലും ഭയന്നുകഴിയുന്ന ഇവിടുത്തുകാർക്ക് ഇപ്പോൾ വീട്ടിനകത്തും കഴിയാൻ പറ്റാത്ത അവസ്ഥയാണ്. കുരങ്ങുകളെ നിയന്ത്രിക്കാൻ അടിയന്തര നടപടികൾ വേണമെന്ന് താമസക്കാർ ആവശ്യപ്പെട്ടു.
Tags : Aralam natuvisesham local news