750 പോ​ലീ​സ് ഉ​ദ്യോ​ഗ​സ്ഥ​രെ വി​ന്യ​സി​ക്കും

കോ​ഴി​ക്കോ​ട്: പു​തു​വ​ത്സ​രാ​ഘോ​ഷ​ങ്ങ​ള്‍ അ​തി​രു​വി​ടാ​തി​രി​ക്കാ​ന്‍ ക​ര്‍​ശ​ന സു​ര​ക്ഷ​യും മു​ന്‍​ക​രു​ത​ല്‍ ന​ട​പ​ടി​ക​ളു​മാ​യി കോ​ഴി​ക്കോ​ട് സി​റ്റി പോ​ലീ​സ്. കോ​ഴി​ക്കോ​ട് സി​റ്റി പോ​ലീ​സ് പ​രി​ധി​യി​ല്‍ വി​പു​ല​മാ​യ സു​ര​ക്ഷാ ക്ര​മീ​ക​ര​ണ​ങ്ങ​ള്‍ ഏ​ര്‍​പ്പെ​ടു​ത്തി​യ​താ​യി സി​റ്റി പോ​ലീ​സ് ക​മ്മീ​ഷ​ണ​ര്‍ ടി. ​നാ​രാ​യ​ണ​ന്‍ അ​റി​യി​ച്ചു. 750-ഓ​ളം പോ​ലീ​സു​ദ്യോ​ഗ​സ്ഥ​രെ ഡ്യൂ​ട്ടി​ക്ക് നി​യോ​ഗി​ച്ചു. ന​ഗ​ര​ത്തി​ലെ വി​വി​ധ​യി​ട​ങ്ങ​ളി​ല്‍ പോ​ലീ​സി​ന്‍റെ ശ​ക്ത​മാ​യ നി​രീ​ക്ഷ​ണ​മു​ണ്ടാ​കും. കോ​ഴി​ക്കോ​ട് ബീ​ച്ചി​ലേ​ക്കു​ള്ള റോ​ഡു​ക​ളി​ല്‍ ഗ​താ​ഗ​ത നി​യ​ന്ത്ര​ണ​മു​ണ്ടാ​കും. വി​വി​ധ​യി​ട​ങ്ങ​ളി​ല്‍ മ​ഫ്തി പോ​ലീ​സി​നെ നി​യോ​ഗി​ക്കും.

പ്ര​ധാ​നനി​ര്‍​ദേ​ശ​ങ്ങ​ള്‍

ബീ​ച്ചി​ല്‍ എ​ത്തു​ന്ന​വ​ര്‍ ജ​നു​വ​രി ഒ​ന്നി​ന് പു​ല​ര്‍​ച്ചെ ഒ​രു മ​ണി​യോ​ടെ മ​ട​ങ്ങ​ണം. ആ​ഘോ​ഷ​ങ്ങ​ള്‍ സം​ഘ​ടി​പ്പി​ക്കു​ന്ന സം​ഘ​ട​ന​ക​ള്‍ അ​താ​ത് പോ​ലീ​സ് സ്റ്റേ​ഷ​നി​ല്‍ നി​ന്നും മു​ന്‍​കൂ​ര്‍ അ​നു​മ​തി വാ​ങ്ങി​യി​രി​ക്ക​ണം. ആ​ഘോ​ഷ​ങ്ങ​ള്‍ മ​തി​യാ​യ വെ​ളി​ച്ച​ത്തോ​ടു കൂ​ടി മാ​ത്ര​മേ ന​ട​ത്താ​വൂ​വെ​ന്ന് സം​ഘാ​ട​ക​ര്‍ ഉ​റ​പ്പു​വ​രു​ത്ത​ണം.

എ​ല്‍​ഇ​ഡി ലൈ​റ്റ് ഡി​സ്‌​പ്ലേ​ക​ള്‍ ഉ​ള്ള സ്ഥ​ല​ങ്ങ​ളി​ല്‍ കു​ട്ടി​ക​ള്‍​ക്ക് ഷോ​ക്കേ​ല്‍​ക്കാ​തി​രി​ക്കാ​ന്‍ ര​ക്ഷി​താ​ക്ക​ളെ ബോ​ധ​വ​ത്ക​ര​ണം ന​ട​ത്ത​ണം. ഇ​ത​ര​സം​സ്ഥാ​ന തൊ​ഴി​ലാ​ളി ക്യാ​മ്പു​ക​ളി​ലെ ആ​ഘോ​ഷ​ങ്ങ​ള്‍ സ​മാ​ധാ​ന​പ​ര​മാ​ണെ​ന്ന് തൊ​ഴി​ലു​ട​മ​ക​ള്‍ ഉ​റ​പ്പാ​ക്ക​ണം. അ​തി​ര്‍​ത്തി​ക​ളി​ല്‍ പോ​ലീ​സ് പ​രി​ശോ​ധ​ന ന​ട​ത്തും.

ശ​ക്ത​മാ​യ നി​രീ​ക്ഷ​ണം

കോ​ഴി​ക്കോ​ട് ബീ​ച്ച്, ബ​ട്ട് റോ​ഡ് ബീ​ച്ച്, ബേ​പ്പൂ​ര്‍ ബീ​ച്ച്, പു​ലി​മു​ട്ട്, മാ​ളു​ക​ള്‍, ബാ​ര്‍ ഹോ​ട്ട​ലു​ക​ള്‍, റി​സോ​ര്‍​ട്ടു​ക​ള്‍ എ​ന്നി​വി​ട​ങ്ങ​ളി​ല്‍ പോ​ലീ​സ് ശ​ക്ത​മാ​യ നി​രീ​ക്ഷ​ണം ഏ​ര്‍​പ്പെ​ടു​ത്തും. റെ​യി​ല്‍​വേ സ്റ്റേ​ഷ​ന്‍, ബ​സ് സ്റ്റാ​ന്‍​ഡു​ക​ള്‍ തു​ട​ങ്ങി​യ പൊ​തു​സ്ഥ​ല​ങ്ങ​ളി​ലും പ​രി​ശോ​ധ​ന​യു​ണ്ടാ​കും. ആ​ഘോ​ഷ​ങ്ങ​ളു​ടെ മ​റ​വി​ല്‍ സാ​മൂ​ഹ്യ വി​രു​ദ്ധ പ്ര​വ​ര്‍​ത്ത​ന​ങ്ങ​ള്‍ ന​ട​ത്തി​യാ​ല്‍ ക​ര്‍​ശ​ന ന​ട​പ​ടി സ്വീ​ക​രി​ക്കും.

ട്രാ​ഫി​ക്നി​യ​ന്ത്ര​ണ​ങ്ങ​ള്‍

ഡി​സം​ബ​ര്‍ 31ന് ​ഉ​ച്ച​യ്ക്ക് 2.30 മു​ത​ല്‍ ബീ​ച്ചി​ലേ​ക്കു​ള്ള വി​വി​ധ റോ​ഡു​ക​ളി​ല്‍ ഗ​താ​ഗ​ത നി​യ​ന്ത്ര​ണം ഏ​ര്‍​പ്പെ​ടു​ത്തും. വൈ​കു​ന്നേ​രം അ​ഞ്ചി​ന് ശേ​ഷം വ​ലി​യ​ങ്ങാ​ടി, ബോം​ബെ ഹോ​ട്ട​ല്‍ ജം​ഗ്ഷ​ന്‍, ഗാ​ന്ധി റോ​ഡ് വ​ഴി ബീ​ച്ചി​ലേ​ക്ക് വാ​ഹ​ന​ങ്ങ​ള്‍ അ​നു​വ​ദി​ക്കി​ല്ല. ആ​ഘോ​ഷ​ത്തി​നെ​ത്തു​ന്ന​വ​ര്‍ നി​ശ്ചി​ത പാ​ര്‍​ക്കിം​ഗ് ഏ​രി​യ​ക​ളി​ല്‍ വാ​ഹ​ന​ങ്ങ​ള്‍ പാ​ര്‍​ക്ക് ചെ​യ്ത ശേ​ഷം ബീ​ച്ചി​ലേ​ക്ക് വ​രേ​ണ്ട​താ​ണ്.

നി​യ​മ​ലം​ഘ​ക​ര്‍​ക്കെ​തി​രേ ശക്തമായ ന​ട​പ​ടി

കാ​ര്‍/​ബൈ​ക്ക് റേ​സിം​ഗ്, പ​ര​സ്യ മ​ദ്യ​പാ​നം, മ​ദ്യ​പി​ച്ചു​ള്ള വാ​ഹ​ന​മോ​ടി​ക്ക​ല്‍ എ​ന്നി​വ ത​ട​യാ​ന്‍ പ്ര​ത്യേ​ക പ​രി​ശോ​ധ​ന​യു​ണ്ടാ​കും. ല​ഹ​രി വി​ല്‍​പ്പ​ന​യ്ക്കും ഉ​പ​യോ​ഗ​ത്തി​നു​മെ​തി​രേ ആ​ന്‍റി നാ​ര്‍​ക്കോ​ട്ടി​ക് സ്‌​ക്വാ​ഡ് സ​ജീ​വ​മാ​യി രം​ഗ​ത്തു​ണ്ടാ​കും. സ്ത്രീ​ക​ളു​ടെ​യും കു​ട്ടി​ക​ളു​ടെ​യും സു​ര​ക്ഷ​യ്ക്കാ​യി മ​ഫ്തി പോ​ലീ​സി​നെ​യും വ​നി​താ പോ​ലീ​സി​നെ​യും നി​യോ​ഗി​ക്കും.

അ​ടി​യ​ന്ത​ര സാ​ഹ​ച​ര്യ​ങ്ങ​ളി​ല്‍ സ​ഹാ​യ​ത്തി​നാ​യി തൊ​ട്ട​ടു​ത്ത പോ​ലീ​സ് സ്റ്റേ​ഷ​നി​ലോ 112, 1515 എ​ന്നീ ടോ​ള്‍​ഫ്രീ ന​മ്പ​റു​ക​ളി​ലോ ബ​ന്ധ​പ്പെ​ടാം.

Tags : nattu vishesham Tight security i Kozhikode