നീലേശ്വരം ബസ്സ്റ്റാന്ഡ് കം ഷോപ്പിംഗ് കോംപ്ലക്സ് ധനമന്ത്രി കെ.എന്. ബാലഗോപാല് ഉദ്ഘാടനം ചെയ്തു പ്രസംഗിക്കുന്നു.
നീലേശ്വരം: രാജ്യത്ത് ഏറ്റവും കൂടുതല് വികസനപ്രവര്ത്തനങ്ങള് നടക്കുന്ന തദ്ദേശസ്വയംഭരണ വകുപ്പ് കേരളത്തിലാണെന്നത് അഭിമാനകരമാണെന്നും പഞ്ചായത്തുകളിലും നഗരസഭകളിലും നടക്കുന്ന വികസനപ്രവര്ത്തനങ്ങള് നേരിട്ട് ജനങ്ങളുടെ ജീവിത നിലവാരം മെച്ചപ്പെടുത്തുന്നതാണെന്നും ധനമന്ത്രി കെ.എന്. ബാലഗോപാല്. നീലേശ്വരം ബസ് സ്റ്റാന്ഡ് കം ഷോപ്പിംഗ് കോംപ്ലക്സ് ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം.
എം. രാജഗോപാലന് എംഎല്എ അധ്യക്ഷത വഹിച്ചു. രാജ്മോഹന് ഉണ്ണിത്താന് എംപി മുഖ്യാതിഥിയായിരുന്നു. ജില്ലാ പഞ്ചായത്ത് പ്രസിഡന്റ് ബേബി ബാലകൃഷ്ണന് വിശിഷ്ടാതിഥിയായി. നഗരസഭ അസി. എന്ജിനിയര് പി.വി. വിനോദ് റിപ്പോര്ട്ട് അവതരിപ്പിച്ചു.
മുന് എംപി പി. കരുണാകരന്, മുന് എംഎല്എ കെ.പി. സതീഷ്ചന്ദ്രന്, ജില്ലാ ആസൂത്രണ സമിതി അംഗം വി.വി. രമേശന്, കെയുആര്ഡിഎഫ്സി മാനേജിംഗ് ഡയറക്ടര് എസ്. പ്രേംകുമാര്, നഗരസഭ വൈസ് ചെയര്മാന് പി.പി. മുഹമ്മദ് റാഫി, സ്ഥിരംസമിതി അധ്യക്ഷരായ കെ.പി. രവീന്ദ്രന്, വി. ഗൗരി, ഷംസുദ്ദീന് അരിഞ്ചിറ, ടി.പി. ലത, പി. ഭാര്ഗവി, വാര്ഡ് കൗണ്സിലര് ടി.വി. ഷീബ, മുന് ചെയര്മാന് കെ.പി. ജയരാജന്, ആസൂത്രണ സമിതി വൈസ് ചെയര്മാന് ടി.വി. ദാമോദരന്, മുന് പഞ്ചായത്ത് പ്രസിഡന്റുമാരായ ഏറുവാട്ട് മോഹനന്, കെ.വി. ദാമോദരന്, മാമുനി വിജയന്, പ്രസ് ഫോറം പ്രസിഡന്റ് സേതു ബങ്കളം എന്നിവര് പങ്കെടുത്തു. നഗരസഭ ചെയര്പേഴ്സണ് ടി.വി. ശാന്ത, നഗരസഭ സൂപ്രണ്ട് സുധീര് തെക്കടവന് എന്നിവർ പ്രസംഗിച്ചു.
Tags : Nileshwaram natuvisesham local news