പെരുവണ്ണാമൂഴി ഫാത്തിമ മാതാ പള്ളി തിരുനാളിന് തുടക്കം കുറിച്ച് വികാരി ഫാ. ഏബ്രഹാം വള്ളോപ്പിള്ളി കൊടി ഉയർത്തുന്നു.
പെരുവണ്ണാമൂഴി: പെരുവണ്ണാമൂഴി ഫാത്തിമ മാതാ ദേവാലയത്തിൽ ഇടവക മധ്യസ്ഥയായ ഫാത്തിമ മാതാവിന്റെയും വിശുദ്ധ സെബസ്ത്യാനോസീന്റെയും മൂന്നു ദിവസം നീണ്ടു നിൽക്കുന്ന തിരുനാളാഘോഷം ഇന്നലെ ആരംഭിച്ചു.
പ്രസുദേന്തി വാഴ്ച, തിരുസ്വരൂപ പ്രതിഷ്ഠ എന്നിവക്കു ശേഷം വികാരി ഫാ. ഏബ്രഹാം വള്ളോപ്പിള്ളി കൊടി ഉയർത്തി. തുടർന്ന് രൂപതയിലെ നവ വൈദീകരായ ഫാ. എഡ്വിൻ കോനുക്കുന്നേൽ, ഫാ. നവീൻ പുറത്തൂട്ട്, ഫാ. സെബിൻ തോട്ടമറ്റത്തിൽ, ഫാ. അലൻ പോത്തനാമൂഴി, ഫാ. ജെറാൾഡ് പള്ളത്ത്, ഫാ. സാവിയോ മലമ്പേൽ, ഫാ. അരുൺ തുറവക്കൽ എന്നിവരുടെ കാർമികത്വത്തിൽ സമൂഹ ബലി അർപ്പിച്ചു.
ജൂബിലി ആഘോഷിക്കുന്നവരെ ആദരിക്കൽ, മരിച്ചവർക്കു വേണ്ടിയുള്ള തിരുക്കർമ്മങ്ങൾ, സെമിത്തേരി സന്ദർശനം, സാരി ലേലം എന്നിവക്കു ശേഷം കോഴിക്കോട് എം.റ്റി. ക്രിയേഷൻസ് അവതരിപ്പിച്ച മെഗാഷോയും അരങ്ങേറി. ഇന്ന് രാവിലെ ഏഴിന് ദിവ്യബലി. വൈകീട്ട് അഞ്ചിന് ആഘോഷമായ തിരുനാൾ കുർബാന. കാർമികൻ ഫാ. ഷെറിൻ പുത്തൻപുരക്കൽ (റസിഡന്റ് മാനേജർ രാഷ്ട്രദീപിക, കോഴിക്കോട്).
6.45 ന് ഗ്രോട്ടോയിലേക്ക് പ്രദക്ഷിണം, വചന സന്ദേശം, സമാപനാശീർവാദം, വാദ്യമേളങ്ങൾ, നേർച്ച ഭക്ഷണം. സമാപന ദിനമായ നാളെ രാവിലെ 6.30 ന് ദിവ്യബലി. 9.30 ന് ആഘോഷമായ തിരുനാൾ കുർബാന. കാർമികൻ ഫാ.ജോബിൻ തെക്കേക്കരമറ്റത്തിൽ (രൂപതാ ഡയറക്ടർ കെസിവൈഎം). തുടർന്ന് ലദീഞ്ഞ്, പ്രദക്ഷിണം, സമാപനാശീർവാദം, സാരിലേലം, സ്നേഹവിരുന്ന്, കൊടിയിറക്ക്.
Tags : Local News Nattuvishesham Kozhikode