ക​ടു​ത്തു​രു​ത്തി: ക​ടു​ത്തു​രു​ത്തി-​ആ​പ്പു​ഴ തീ​ര​ദേ​ശ റോ​ഡി​ല്‍ വീ​ണ്ടും പൈ​പ്പ് പൊ​ട്ടി വെ​ള്ളം കു​ത്തി​യൊ​ഴു​കി ന​ശി​ക്കു​ന്നു. ഇ​തു അ​ഞ്ചാ​മ​ത്തെ ത​വ​ണ​യാ​ണ് ഇ​തേ സ്ഥ​ല​ത്തുത​ന്നെ പൈ​പ്പ് പൊ​ട്ടുന്ന​ത്. വ​ലി​യ ശ​ക്തി​യി​ലാ​ണ് വെ​ള്ളം കു​ത്തി​യൊ​ഴു​കു​ന്ന​ത്.

റോ​ഡി​ല്‍ മീ​റ്റ​റു​ക​ളോ​ളം ഒഴു​കു​ന്ന വെ​ള്ളം വ​ലി​യ​തോ​ട്ടി​ലേ​ക്കാണ് എത്തുന്നത്. റോ​ഡി​ല്‍ വെ​ള്ള​ക്കെ​ട്ട് രൂ​പ​പ്പെ​ട്ടി​രി​ക്കു​ക​യാ​ണ്. റോ​ഡി​ലെ വ​ലി​യ കു​ഴി​ക​ളി​ല്‍ വെ​ള്ളം ന​ിറ​ഞ്ഞുകി​ട​ക്കു​ന്ന​ത് അ​പ​ക​ട ഭീ​ഷണി ഉ​യ​ര്‍​ത്തു​ന്നു.

ത​ക​ര്‍​ന്നുകി​ട​ക്കു​ന്ന തീ​ര​ദേ​ശ റോ​ഡി​നെ കൂ​ടു​ത​ല്‍ ത​ക​ര്‍​ച്ച​യി​ലാ​ക്കുകയാ​ണ് വാ​ട്ട​ര്‍ അ​ഥോ​റി​റ്റി​യു​ടെ പ​തി​വ് പൈ​പ്പ് പൊ​ട്ട​ല്‍. പൈ​പ്പ് പൊ​ട്ടി റോ​ഡി​ലൂ​ടെ വെ​ള്ളം ഒ​ഴു​കാ​ന്‍ തു​ട​ങ്ങി​യി​ട്ട് ര​ണ്ടു ദി​വ​സം പി​ന്നി​ടു​ക​യാ​ണ്. റെ​യി​ല്‍​വേ മേ​ല്‍​പാ​ല​ത്തി​ന് സ​മീ​പ​ത്താ​യി​ട്ടാ​ണ് പൈ​പ്പ് പൊ​ട്ടി​യി​രി​ക്കു​ന്ന​ത്.

വെ​ള്ള​മൊ​ഴു​കു​ന്ന ഭാ​ഗ​ത്തുകൂ​ടി വ​ണ്ടി​ക​ള്‍ ക​ട​ന്നു​പോ​യാ​ല്‍ അ​പ​ക​ടസാ​ധ്യ​ത​യു​മു​ണ്ട്. വാ​ട്ട​ര്‍ അ​ഥോ​റി​റ്റി​യു​ടെ അ​നാ​സ്ഥ​യെത്തുട​ര്‍​ന്ന് കു​ടി​വെ​ള്ളം അ​ള​വി​ല്ലാ​തെ ഒ​ഴു​കി ന​ശി​ക്കു​ക​യാ​ണ്. തീ​ര​ദേ​ശ റോ​ഡി​ലൂ​ടെ ക​ട​ത്തി വി​ട്ടി​രി​ക്കു​ന്ന വാ​ട്ട​ര്‍ അ​ഥോ​റി​റ്റി​യു​ടെ പു​തി​യ പൈ​പ്പ് ലൈ​നി​ല്‍ പ​ല സ്ഥ​ല​ത്താ​യി ഇ​തി​നോ​ട​കം ജോ​യി​ന്‍റില്‍ ലീ​ക്ക് വ​ന്ന് വെ​ള്ളം പൊ​ട്ടി​യൊ​ഴു​കി റോ​ഡി​ന് നാ​ശ​മു​ണ്ടാ​ക്കി​യി​ട്ടു​ണ്ട്.

വാ​ട്ട​ര്‍ അ​ഥോ​റി​റ്റി​യു​ടെ പൈ​പ്പ് സ്ഥാ​പി​ക്കു​ന്ന​തി​നാ​യി കു​ഴി​യെ​ടു​ത്ത​തോ​ടെ​യാ​ണ് ത​ക​ര്‍​ന്നുകി​ട​ന്ന തീ​ര​ദേ​ശ റോ​ഡി​ന്‍റെ നാ​ശം പൂ​ര്‍​ണാ​വ​സ്ഥ​യി​ലാ​യ​ത്.

Tags : nattu vishesham coastal road collapses