പിറവം: മണീടിൽ നടന്ന പിറവം ഉപജില്ലാ കലോത്സവത്തിൽ വിധികർത്താക്കളായി എത്തുന്നവർ പക്ഷപാതപരമായി പെരുമാറുന്നതായി പരാതി. തങ്ങൾക്കു വേണ്ടപ്പെട്ട കുട്ടികളെ വിജയികളായി പ്രഖ്യാപിച്ച് ജില്ലാതല മത്സരങ്ങളിൽ പങ്കെടുക്കാൻ യോഗ്യരാക്കുകയാണെന്നാണ് ആക്ഷേപം.
ചില നൃത്തയിനങ്ങളിൽ വിധി ഏകപക്ഷീയമായി പ്രഖ്യാപിച്ചെന്ന് രക്ഷകർത്താക്കൾ ചൂണ്ടിക്കാട്ടി.
ഇത് സംബന്ധിച്ച് ഉന്നതാധികൃതർക്ക് പരാതി നൽകുമെന്ന് രക്ഷകർത്താക്കളായ എം. ജയലക്ഷ്മി, ശ്രീജ പ്രദീപ്, സിന്ധു ചന്ദ്രൻ, എം.വി. സുജാത എന്നിവർ പറഞ്ഞു.
കലോത്സവത്തിൽ വിധികർത്താക്കളായി എത്തുന്നവർക്കെതിരെ ആക്ഷേപമുണ്ടെങ്കിൽ അപ്പീൽ നൽകണമെന്നും സംഘാടക സമിതി ചെയർമാനായ തനിക്ക് ഇതുവരെ പരാതിയൊന്നും ലഭിച്ചിട്ടില്ലെന്നും മണീട് പഞ്ചായത്ത് പ്രസിഡന്റ് പോൾ വർഗീസ് പറഞ്ഞു.
Tags : Piravom Local News Ernakulam Nattuvishesham