പത്തനംതിട്ട: റാന്നി ബ്ലോക്ക് പഞ്ചായത്ത് അധ്യക്ഷ സ്ഥാനം തുടർച്ചയായ മൂന്നാം തവണയും സംവരണ പട്ടികയിലായതിനെതിരേ തെരഞ്ഞെടുപ്പ് കമ്മീഷനിൽ പരാതി. 2015ൽ വനിതാ സംവരണവും 2020ൽ പട്ടികജാതി സംവരണവുമായിരുന്നു അധ്യക്ഷ സ്ഥാനം. ഇത്തവണ വീണ്ടും വനിതാ സംവരണമായതോടെയാണ് പരാതി. പെരുനാട് സ്വദേശി അഹമ്മദ് ഷായാണ് സംസ്ഥാന തെരഞ്ഞെടുപ്പ് കമ്മീഷനിൽ പരാതി നൽകിയത്.
തുടർച്ചയായ രണ്ടുതവണ സംവരണ പട്ടികയിലായിരുന്ന പ്രസിഡന്റു സ്ഥാനം ഇക്കുറി ജനറലാകുമെന്നായിരുന്നു പ്രതീക്ഷ. റാന്നി ബ്ലോക്ക് പഞ്ചായത്തിന്റെ രൂപീകരണത്തിനുശേഷം ഏറെക്കാലവും അധ്യക്ഷ പദവി വനിതാ സംവരണമായിരുന്നു. 2010ൽ ജനറൽ വിഭാഗത്തിനായിരുന്നുവെങ്കിലും ഇടയ്ക്കുവച്ച് ഭരണം വനിതയിൽത്തന്നെയെത്തി.