ച​മ്പ​ക്കു​ളം: കു​ട്ട​നാ​ട് താ​ലൂ​ക്കി​ൽ ഉ​ൾ​പ്പെ​ട്ടു വ​രു​ന്ന ച​മ്പ​ക്കു​ളം ബ്ലോ​ക്ക്  പ​ഞ്ചാ​യ​ത്ത് അ​ധ്യ​ക്ഷ സ്ഥാ​നം  ജ​ന​റ​ൽ വി​ഭാ​ഗ​ത്തി​ൽ ഉ​ൾ​പ്പെ​ടു​മ്പോ​ൾ  വെ​ളി​യ​നാ​ട് ബ്ലോ​ക്ക് പ​ഞ്ചാ​യ​ത്ത് അ​ധ്യ​ക്ഷ സ്ഥാ​നം വ​നി​ത​ക​ൾ​ക്കു സം​വ​ര​ണം ചെ​യ്യ​പ്പെ​ട്ടി​രി​ക്കു​ന്നു.

 ച​മ്പ​ക്കു​ളം ബ്ലോ​ക്കി​ലെ എ​ട​ത്വ, കൈ​ന​ക​രി, ത​ക​ഴി എ​ന്നീ പ​ഞ്ചാ​യ​ത്തു​ക​ളി​ൽ വ​നി​താ അ​ധ്യ​ക്ഷ​ർ വ​രു​മ്പോ​ൾ നെ​ടു​മു​ടി, ത​ല​വ​ടി, ച​മ്പ​ക്കു​ളം എ​ന്നി പ​ഞ്ചാ​യ​ത്തു​ക​ളി​ലെ അ​ധ്യ​ക്ഷ സ്ഥാ​ന​ങ്ങ​ൾ സം​വ​ര​ണം ചെ​യ്യ​പ്പെ​ട്ടി​ട്ടി​ല്ല.

    വെ​ളി​യ​നാ​ട് ബ്ലോ​ക്കി​ൽ ഉ​ൾ​പ്പെ​ടു​ന്ന 6 പ​ഞ്ചാ​യ​ത്തു​ക​ളി​ലേ​യും (നീ​ലം​പേ​രൂ​ർ, കാ​വാ​ലം, വെ​ളി​യ​നാ​ട്, മു​ട്ടാ​ർ, പു​ളി​ങ്കു​ന്ന്, രാ​മ​ങ്ക​രി) അ​ധ്യ​ക്ഷ സ്ഥാ​നം സം​വ​ര​ണം ചെ​യ്യ​പ്പെ​ട്ടി​ട്ടി​ല്ല എ​ന്ന പ്ര​ത്യേ​ക​ത​യുമുണ്ട്. എ​ന്നാ​ൽ, വെ​ളി​യ​നാ​ട് ബ്ലോ​ക്ക് പ​ഞ്ചാ​യ​ത്ത് അ​ധ്യ​ക്ഷ സ്ഥാ​നം വ​നി​താ വി​ഭാ​ഗ​ത്തി​ന് സം​വ​ര​ണം ചെ​യ്യ​പ്പെ​ട്ടി​രി​ക്കു​ന്നു.

ച​മ്പ​ക്കു​ളം ബ്ലോ​ക്കി​ന് കീ​ഴി​ലു​ള്ള ആറു പ​ഞ്ചാ​യ​ത്തു​ക​ളി​ലാ​യി മൂ​ന്നോ അ​തി​ല​ധി​ക​മോ വ​നി​ത​ക​ൾ അ​ധ്യ​ക്ഷ​രാ​കു​മ്പോ​ൾ വെ​ളി​യ​നാ​ട് ബ്ലോ​ക്ക് പ​ഞ്ചാ​യ​ത്തി​നു കീ​ഴി​ൽ വ​രു​ന്ന ഗ്രാ​മപ​ഞ്ചാ​യ​ത്തു​ക​ളി​ൽ വ​നി​ത​ക​ൾ ആ​രും അ​ധ്യ​ക്ഷ​രാ​യി വ​ര​ണ​മെ​ന്ന് നി​ർ​ബ​ന്ധ​മി​ല്ല.

സം​സ്ഥാ​ന​ത്തെ 941 പ​ഞ്ചാ​യ​ത്തു​ക​ളി​ലെ പ്ര​സി​ഡന്‍റ് സ്ഥാ​ന​ങ്ങ​ളി​ൽ 417​എ​ണ്ണം വ​നി​ത​ക​ൾ​ക്കും 46 എ​ണ്ണം പ​ട്ടി​ക​ജാ​തി സ്ത്രീ​ക​ൾ​ക്കും 46 എ​ണ്ണം പ​ട്ടി​ക​ജാ​തി​ക്കും 8 എ​ണ്ണം പ​ട്ടി​ക​വ​ർ​ഗ സ്ത്രീ​ക​ൾ​ക്കും 8 എ​ണ്ണം പ​ട്ടി​ക​വ​ർ​ഗ​ത്തി​നും സം​വ​ര​ണം ചെ​യ്തി​രി​ക്കു​ന്നു.

ജി​ല്ല​യി​ലെ നാലു പ​ഞ്ചാ​യ​ത്ത് അ​ധ്യ​ക്ഷ സ്ഥാ​നം പ​ട്ടി​ക​ജാ​തി സ്ത്രീ​ക​ൾ​ക്കും മൂന്നു പ​ഞ്ചാ​യ​ത്തു​ക​ളി​ൽ പ​ട്ടി​ക​ജാ​തി​ക്കും. 32 പ​ഞ്ചാ​യ​ത്തു​ക​ളി​ലെ അ​ധ്യ​ക്ഷ സ്ഥാ​നം സ്ത്രീ​ക​ൾ​ക്കും സം​വ​ര​ണം ചെ​യ്തി​രി​ക്കു​ന്നു. സം​സ്ഥാ​ന​ത്തെ ആ​കെ​യു​ള്ള 941 പ​ഞ്ചാ​യ​ത്തു​ക​ളി​ൽ 471ൽ അ​ധി​കം പ​ഞ്ചാ​യ​ത്തു​ക​ളി​ലും വ​നി​ത​ക​ളാ​യി​രി​ക്കും നേ​തൃ​ത്വം ന​ല്കു​

Tags : local nattuvishesham Kuttanad