തൃശൂർ: സെന്റ് തോമസ് കോളജിലെ ഗ്ലോബൽ അലുമ്നി മീറ്റ് 2025 നവംബർ ഒന്നിന് രാത്രി ഏഴിനു നടത്തും. സീറോ മലബാർ സഭ മേജർ ആർച്ച്ബിഷപ് മാർ റാഫേൽ തട്ടിൽ ഉദ്ഘാടനം ചെയ്യും. ഈ വർഷമാരംഭിക്കുന്ന സ്റ്റാർസ് യുകെ, ആഫ്രിക്ക, ബംഗളൂരു ചാപ്റ്ററുകളുടെ ഔപചാരിക ഉദ്ഘാടനം ഹൊസൂർ ബിഷപ് മാർ സെബാസ്റ്റ്യൻ പൊഴോലിപ്പറന്പിൽ നിർവഹിക്കും.
സിബിസിഐ പ്രസിഡന്റും തൃശൂർ അതിരൂപത മെത്രാപ്പോലീത്തയുമായ മാർ ആൻഡ്രൂസ് താഴത്ത്, അതിരൂപത സഹായമെത്രാൻ മാർ ടോണി നീലങ്കാവിൽ, സ്റ്റാർസ് പ്രസിഡന്റ് സി.എ. ഫ്രാൻസിസ്, പ്രിൻസിപ്പൽ റവ.ഡോ. മാർട്ടിൻ കൊളന്പ്രത്ത്, എക്സിക്യൂട്ടീവ് മാനേജർ ഫാ. ബിജു പാണേങ്ങാടൻ, പൂർവവിദ്യാർഥികളായ പിന്നണിഗായകൻ അനൂപ് ശങ്കർ, എഴുത്തുകാരൻ പ്രഫ.വി.ജി. തന്പി, ഫിലിം ജൂറി അംഗം വിജയരാജമല്ലിക, പൂർവവിദ്യാർഥിസംഘടന സെക്രട്ടറി ജെയിംസ് മുട്ടിക്കൽ, സി.വി. അജി, പ്രോഗ്രാം കമ്മിറ്റി ജനറൽ കണ്വീനർ കെ.ഡി. വർഗീസ്, വിവിധ ചാപ്റ്ററുകളുടെ ഭാരവാഹികൾ എന്നിവർ പ്രസംഗിക്കും. ഇന്ത്യയിലും പുറത്തുമുള്ള ആയിരക്കണക്കിനു പൂർവവിദ്യാർഥികൾ ഓണ്ലൈനിൽ മീറ്റിംഗിന്റെ ഭാഗമാകും.
Tags : Alumni Meet nattuvisesham local news