ച​​മ്പ​​ക്കു​​ളം: തെ​​രു​​വു​​നാ​​യ ആ​​ക്ര​​മ​​ണ​​ത്തി​​ൽ അ​​ഞ്ചു വ​​യ​​സു​​കാ​​ര​​നു ക​​വി​​ളി​​ൽ ക​​ടി​​യേ​​റ്റു.

ച​​മ്പ​​ക്കു​​ളം സ്വ​​ദേ​​ശി​​ക​​ളാ​​യ ദ​​മ്പ​​തി​​ക​​ളു​​ടെ മ​​ക​​നാ​​ണ് ക​​ടി​​യേ​​റ്റ​​ത്. മാ​​താ​​പി​​താ​​ക്ക​​ൾ വി​​ദേ​​ശ​​ത്താ​​യ​​തി​​നാ​​ൽ അ​​മ്മ​​യു​​ടെ മാ​​താ​​പി​​താ​​ക്ക​​ളോ​​ടൊ​​പ്പ​​മാ​​ണ് കു​​ട്ടി നി​​ൽ​​ക്കു​​ന്ന​​ത്. വീ​​ടി​​നു സ​​മീ​​പ​​ത്തു​​ള്ള ന​​ടു​​ഭാ​​ഗം ഗ​​വ. എ​​ൽ​പി ​സ്കൂ​​ൾ മു​​റ്റ​​ത്തു​​വ​​ച്ചാ​​ണ് തെ​​രു​​വു​​നാ​​യ ആ​​ക്ര​​മ​​ണ​മു​​ണ്ടാ​​യ​​ത്. സ്കൂ​​ളി​​ന്‍റെ മു​​റ്റ​​ത്ത് മ​​റ്റു കു​​ട്ടി​​ക​​ളോ​​ടും ഇ​​ള​​യ സ​​ഹോ​​ദ​​ര​​നോ​​ടു​​മൊ​​പ്പം ക​​ളി​​ ക​​ണ്ടുകൊ​​ണ്ടി​​രി​​ക്കു​​മ്പോ​​ഴാ​​ണ് തെ​​രു​​വു​​നാ​​യ​​യു​​ടെ ക​​ടി​​യേ​​റ്റ​​ത്. തി​​ങ്ക​​ളാ​​ഴ്ച വൈ​​കു​​ന്നേ​​ര​​മാ​​യി​​രു​​ന്നു സം​​ഭ​​വം. മ​​റ്റു കു​​ട്ടി​​ക​​ൾ ബ​​ഹ​​ള​​മു​​ണ്ടാ​​ക്കി​​യ​​തി​​നെ തു​​ട​​ർ​​ന്ന് നാ​​യ ഓ​​ടി​​പ്പോ​​യി.

സ്കൂ​​ൾ വ​​രാ​​ന്ത​​യി​​ൽ കി​​ട​​ന്നി​​രു​​ന്ന തെ​​രു​​വു​​നാ​​യ ഓ​​ടി വ​​ന്ന് കു​​ട്ടി​​യെ ആ​​ക്ര​​മി​​ക്കു​​ക​​യാ​​യി​​രു​​ന്നു. കു​​ട്ടി​​യു​​ടെ മു​​ഖ​​ത്താ​​ണ് നാ​​യ മാ​​ര​​ക​​മാ​​യി ആ​​ക്ര​​മി​​ച്ച​​ത്. കൂ​​ടെ​​യു​​ണ്ടാ​​യി​​രു​​ന്ന അ​​നു​​ജ​​ൻ ഭാ​​ഗ്യം കൊ​​ണ്ടാ​​ണ് ര​​ക്ഷ​​പ്പെ​​ട്ട​​ത്. നാ​​യ​​യു​​ടെ ആ​​ക്ര​​മ​​ണം നേ​​രി​​ട്ട കു​​ട്ടി​​യെ വ​​ണ്ടാ​​നം മെ​​ഡി​​ക്ക​​ൽ കോ​​ള​​ജ് ആ​​ശു​​പ​​ത്രി​​യി​​ൽ പ്ര​​വേ​​ശി​​പ്പി​​ച്ചു പ്ര​​തി​​രോ​​ധ കു​​ത്തി​​വ​​യ്പ് ​ന​​ൽ​​കി.

നാ​​യ​​യെ പി​​ടി​​ക്കാ​​ൻ സാ​​ധി​​ക്കാ​​ത്ത​​തി​​ൽ നാ​​യ​​ക്ക് പേ​​വി​​ഷ​​ബാ​​ധ ഉ​​ണ്ടോ ഇ​​ല്ല​​യോ എ​​ന്ന് ഉ​​റ​​പ്പാ​​ക്കാ​​ൻ സാ​​ധി​​ച്ചി​​ട്ടി​​ല്ല.

നെ​​ടു​​മു​​ടി തെ​രു​വു​നാ​യ്ക്ക​ളു​ടെ
വി​ഹാ​ര​കേ​ന്ദ്രം

ക​​ഴി​​ഞ്ഞ പ​​ല മാ​​സ​​ങ്ങ​​ളാ​​യി നി​​ര​​വ​​ധി​ത്ത​വ​​ണ നെ​ടു​മു​ടി ​പ്ര​​ദേ​​ശ​​ത്തെ സ്കൂ​​ളു​​ക​​ളു​​ടെ സ​​മീ​​പ​​മു​​ള്ള സ്ഥ​​ല​​ങ്ങ​​ളി​​ലെ തെ​​രു​​വു​​നാ​​യ ശ​​ല്യ​​ത്തെ​​പ്പ​​റ്റി ദീ​​പി​​ക ഉ​​ൾ​​പ്പെടെ റി​​പ്പോ​​ർ​​ട്ട് ചെ​​യ്തി​​രു​​ന്നു. എ​​ന്നാ​​ൽ പ​​ഞ്ചാ​​യ​​ത്ത് അ​​ധി​​കാ​​രി​​ക​​ളു​​ടെ​​യോ വാ​​ർ​​ഡ് പ്ര​​തി​​നി​​ധി​​ക​​ളു​​ടെയോ ഭാ​​ഗ​​ത്തു​നി​​ന്ന് യാ​​തൊ​​രു ന​​ട​​പ​​ടി​​യും ഉ​​ണ്ടാ‌​​യി​​ല്ലെ​​ന്ന് നാ​​ട്ടു​​കാ​​ർ പ​​റ​​യു​​ന്നു. ര​​ണ്ടു മാ​​സം മു​​ന്പാ​​ണ് ച​​മ്പ​​ക്കു​​ള​​ത്തെ ഒ​​രു ക​​ച്ച​​വ​​ട സ്ഥാ​​പ​​ന​​ത്തി​​ൽ ക​​യ​​റി സ്ഥാ​​പ​​ന ഉ​​ട​​മ​​യെ തെ​​രു​​വു​​നാ​​യ ആ​​ക്ര​​മി​​ച്ച​​ത്.

ക​​ടയുട​​മ​​യു​​ടെ അ​​വ​​സ​​രോ​​ചി​​ത​​മാ​​യ ഇ​​ട​​പെ​​ട​​ൽ മൂ​​ലം നാ​​യ​​യെ പി​​ടി​​ക്കാ​​നാ​​യി. പേ​​വി​​ഷ​​ബാ​​ധ​​യു​​ള്ള​​താ​​ണ് ആ ​​തെ​​രു​​വു​​നാ​​യ​​യെ​​ന്ന് പി​​ന്നീ​​ടു ന​​ട​​ത്തി​​യ പ​​രി​​ശോ​​ധ​​ന​​യി​​ൽ തെ​​ളി​​ഞ്ഞു. ക​​ട ഉ​​ട​​മ ദി​​വ​​സ​​ങ്ങ​​ളോ​​ളം ചി​​കി​​ത്സ​​യി​​ലു​​മാ​​യി​​രു​​ന്നു.

അ​​ധി​​കാ​​രി​​ക​​ളു​​ടെ
നി​​സം​​ഗ​​ത

അ​​ധി​​കാ​​രി​​ക​​ളു​​ടെ നി​​സം​​ഗ​​ത​​യാ​​ണ് തെ​​രു​​വു​​നാ​​യ​​ക​​ൾ ഇ​​ത്ര​​യേ​​റെ പെ​​രു​​കുന്നതെന്നാണ് നാ​​ട്ടു​​കാ​​രു​​ടെ പ​​രാ​​തി.

ചി​​ല ആ​​ളു​​ക​​ൾ തെ​​രു​​വു​​നാ​​യ​​ക​​ൾ​​ക്ക് സ്ഥി​​ര​​മാ​​യി ഭ​​ക്ഷ​​ണം ന​​ൽ​​കു​​ന്നു​​ണ്ട്. ഇ​​തു​​മൂ​​ലം ഇ​വ ഈ ​​പ്ര​​ദേ​​ശ​​ത്തു​നി​​ന്നു വി​​ട്ടു​​പോ​​കു​​ന്നി​​ല്ലെ​​ന്ന് സ​​മീ​​പ​​ത്തെ ക​​ച്ച​​വ​​ട​​ക്കാ​​രു​​ം പറയുന്നു. നെ​​ടു​​മു​​ടി പ​​ഞ്ചാ​​യ​​ത്തി​​ലെ എ​​ട്ടു മു​​ത​​ൽ പ​​തി​​നൊ​​ന്നു വ​​രെ​​യു​​ള്ള വാ​​ർ​​ഡു​​ക​​ളി​​ൽ തെ​​രു​​വു​​നാ​​യ ശ​​ല്യം അ​​തി​​രൂ​​ക്ഷ​​മാ​​യി തു​​ട​​രു​​ന്ന​​ത് ഈ ​​പ്ര​​ദേ​​ശ​​ത്തെ ജ​​ന​​ജീ​​വി​​തം ദുഃ​സ​​ഹ​​മാ​​ക്കി​​യി​​രി​​ക്കു​​ന്നു.

ഇ​തു മൂ​​ലം പ്ര​​ഭാ​​ത, സാ​​യാ​​ഹ്ന ന​​ട​​ത്ത​​ങ്ങ​​ൾ പോ​​ലും പ​​ല​​രും ഒ​​ഴി​​വാ​​ക്കി​​യി​​രി​​ക്കു​​ക​​യാ​​ണ്.

Tags : Street attack nattuvisesham local newes