വടക്കഞ്ചേരി: വടക്കഞ്ചേരി ടൗണിനടുത്ത് ദേശീയപാതയ്ക്ക് സമീപം റോയൽ ജംഗ്ഷനിൽ 10 വയസുകാരനെ വീട്ടിൽ തൂങ്ങിമരിച്ച നിലയിൽ കണ്ടെത്തി. കരയങ്കാട് പുന്നാടത്ത് വീട്ടിൽ മനോജിന്റെ മകൻ രഘുറാം മോഹൻ(10) ആണ് മരിച്ചത്. അഞ്ചാം ക്ലാസ് വിദ്യാർഥിയാണ്.
വീട്ടുകാർ കണ്ട് ബഹളം വച്ച് ആളുകൾ ഓടിക്കൂടി ഉടൻ ആലത്തൂരിലെ സ്വകാര്യ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. മൊബൈൽ ഫോൺ ഉപയോഗിക്കുന്നതിന് വീട്ടുകാർ വഴക്ക് പറഞ്ഞതാണ് കാരണമെന്ന് പോലീസ് പറഞ്ഞു. മൊബൈൽ വാങ്ങിവച്ച് രക്ഷിതാക്കൾ വീടിനു തൊട്ട് വിദ്യാഭ്യാസ സ്ഥാപനവുമായി ബന്ധപ്പെട്ട ഒരു മീറ്റിംഗിന് പോയ സമയത്തായിരുന്നു സംഭവം.വടക്കഞ്ചേരി പോലീസ് മേൽനടപടികൾ സ്വീകരിച്ചു. അമ്മ: സ്മിത. സഹോദരി: ഒന്നാം ക്ലാസുകാരി അനുപമ.