വൈ​ക്കം:​ കി​ഫ്ബി ധ​ന​സ​ഹാ​യ​ത്തോ​ടെ ആ​ധു​നി​കനി​ല​വാ​ര​ത്തി​ല്‍ വീ​തി​കൂ​ട്ടി നി​ര്‍​മി​ക്കു​ന്ന വൈ​ക്കം-​വെ​ച്ചൂ​ര്‍ റോ​ഡി​ന്‍റെ ഭൂ​മി ഏ​റ്റെ​ടു​ക്ക​ലി​ന്‍റെ ആ​ദ്യഘ​ട്ട​ത്തി​ന് ഇ​ന്നു തു​ട​ക്ക​മാ​കും. തോ​ട്ട​കം മു​ത​ൽ ത​ല​യാ​ഴം പ​ഞ്ചാ​യ​ത്ത് വ​രെ​യു​ള്ള ആ​ദ്യ റീ​ച്ചി​ൽപ്പെ​ട്ട 42 ഭൂ​വു​ട​മ​ക​ൾ​ക്ക് ഏ​റ്റെ​ടു​ക്കു​ന്ന ഭൂ​മി​യു​ടെ വി​ല കൈ​മാ​റി​യി​രു​ന്നു.

ത​ല​യാ​ഴം ശി​വ​ര​ഞ്ജി​നി ഓ​ഡി​റ്റോ​റി​യ​ത്തി​ൽ ഇ​ന്നു വൈ​കു​ന്നേ​രം 4.30ന് ​ന​ട​ക്കു​ന്ന യോ​ഗ​ത്തി​ൽ ഭൂ​വു​ട​മ​ക​ളി​ൽനി​ന്നു വ​സ്തു ഏ​റ്റെ​ടു​ത്ത് റോ​ഡ് നി​ർ​മാണ നി​ർ​വ​ഹ​ണ ഏ​ജ​ൻ​സി​യാ​യ കേ​ര​ള റോ​ഡ് ഫ​ണ്ട് ബോ​ർ​ഡി​ന് (കെആർഎഫ്ബി) ഇ​ന്നു കൈ​മാ​റും. വ​സ്തു കൈ​മാ​റി​ക്കി​ട്ടി​യാ​ലു​ട​ൻ ഈ ​വ​സ്തു​ക്ക​ളി​ലു​ള്ള സ്ഥാ​വ​ര നി​ർ​മി​ത​ക​ൾ പൊ​ളി​ച്ചുനീ​ക്കാ​ൻ ടെ​ൻ​ഡ​ർ ന​ൽ​കി തു​ട​ർന​ട​പ​ടി​ക​ൾ സ്വീ​ക​രി​ക്കും. ത​ല​യാ​ഴം, വെ​ച്ചൂ​ർ പ​ഞ്ചാ​യ​ത്ത് ഭ​ര​ണ​സ​മിതി അം​ഗ​ങ്ങ​ൾ, വൈ​ക്കം - വെ​ച്ചൂ​ർ റോ​ഡ് വി​ക​സ​നസ​മി​തി അം​ഗ​ങ്ങ​ൾ, വി​വി​ധ രാ​ഷ്‌ട്രീയ പാ​ർ​ട്ടി പ്ര​തി​നി​ധി​ക​ൾ എ​ന്നി​വ​ർ യോ​ഗ​ത്തി​ൽ പ​ങ്കെ​ടു​ക്കും.

തോ​ട്ട​കം മു​ത​ല്‍ കൈ​പ്പു​ഴ​മു​ട്ട് വ​രെ​യു​ള്ള 12.5 കി​ലോമീ​റ്റ​ര്‍ റോ​ഡ് 13 മീ​റ്റ​ര്‍ വീ​തി​യി​ല്‍ നി​ര്‍​മി​ക്കു​മ്പോ​ള്‍ 6.13 ഹെ​ക്ട​ര്‍ വ​സ്തു​വാ​ണ് ഏ​റ്റെ​ടു​ക്കു​ന്ന​ത്. 963 പേ​രു​ടെ കൈ​വ​ശ​മി​രി​ക്കു​ന്ന ഭൂ​മി​യാ​ണ് ഏ​റ്റെ​ടു​ക്കു​ന്ന​ത്. തോ​ട്ട​കം-​ത​ല​യാ​ഴം പ​ഞ്ചാ​യ​ത്ത്, ത​ല​യാ​ഴം പ​ഞ്ചാ​യ​ത്ത്-​ഇ​ട​യാ​ഴം, ഇ​ട​യാ​ഴം-​കൈ​പ്പു​ഴ​മു​ട്ട് എ​ന്നി​ങ്ങ​നെ മൂ​ന്നു റീ​ച്ചു​ക​ളാ​യി തി​രി​ച്ചാ​ണ് ഭൂ​മി ഏ​റ്റെ​ടു​ക്ക​ല്‍ ന​ട​പ​ടി​ക​ള്‍ ന​ട​ക്കു​ന്ന​ത്.

ര​ണ്ടാം റീ​ച്ചാ​യ ത​ല​യാ​ഴം പ​ഞ്ചാ​യ​ത്ത് മു​ത​ല്‍ ഇ​ട​യാ​ഴം ജംഗ്ഷ​ന്‍വ​രെ​യു​ള്ള കൈ​വ​ശ​ക്കാ​രെ നേ​രി​ല്‍ കേ​ട്ട് അ​വ​രു​ടെ രേ​ഖ​ക​ളു​ടെ പ​രി​ശോ​ധ​ന പൂ​ര്‍​ത്തി​യാ​ക്കി. ഭൂ​മിവി​ല നി​ശ്ച​യി​ക്കു​ന്ന​തി​നു​ള്ള ന​ട​പ​ടി​ക​ള്‍ ദ്രു​തഗ​തി​യി​ല്‍ പു​രോ​ഗ​മി​ക്കു​ക​യാ​ണ്. ഒ​ന്നും ര​ണ്ടും റീ​ച്ചു​ക​ളു​ടെ ഭൂ​മിവി​ല കൈ​മാ​റു​ന്ന മു​റ​യ്ക്ക് ഇ​ട​യാ​ഴം ജംഗ്ഷ​ന്‍ മു​ത​ല്‍ കൈ​പ്പു​ഴ​മു​ട്ട് വ​രെ​യു​ള്ള മൂ​ന്നാം റീ​ച്ചി​ന്‍റെ ഹി​യ​റിംഗ് ന​ട​പ​ടി​ക​ള്‍ ആ​രം​ഭി​ക്ക​ത്ത​ക്ക വി​ധ​ത്തി​ലാ​ണ് ന​ട​പ​ടി​ക​ള്‍ മു​ന്നോ​ട്ടുപോ​വു​ന്ന​തെ​ന്ന് സി.​കെ. ആ​ശ എം​എ​ല്‍​എ അ​റി​യി​ച്ചു.

Tags : Local News Nattuvishesham Kottayam KIIFB