വൈ​ക്കം:​ തെ​ക്കേ​ന​ട​യി​ൽ റോ​ഡ​രി​കി​ലെ ഓ​ട​യു​ടെ മീ​തേ​യു​ള്ള സ്ലാ​ബ് ത​ക​ർ​ന്നത് അ​പ​ക​ട​ഭീഷണിയായി. വൈ​ക്കം മ​ഹാ​ദേ​വ ക്ഷേ​ത്ര​ത്തിന്‍റെ തെ​ക്കേ​ന​ട ​മു​ത​ൽ വൈ​ദ്യു​തിഭ​വ​ൻ വ​രെ​യു​ള്ള റോ​ഡി​ന്‍റെ പ​ടി​ഞ്ഞാ​റു ഭാ​ഗ​ത്തു​ള്ള ഓ​ട​യു​ടെ സ്ലാ​ബ് നാ​ലി​ട​ങ്ങ​ളി​ലാ​ണ് ത​ക​ർ​ന്നു കി​ട​ക്കു​ന്ന​ത്. ത​ക​ർ​ന്ന സ്ലാ​ബി​ലെ തു​രു​മ്പി​ച്ച ക​മ്പി​ക​ൾ പു​റ​ത്തേ​ക്ക് ത​ള്ളിനി​ൽ​ക്കു​ക​യാ​ണ്.

ബ​സു​ക​ളും ടോ​റ​സ​ട​ക്ക​മു​ള്ള ഭാ​ര​വാ​ഹ​ന​ങ്ങ​ളും വ​രു​മ്പോ​ൾ കാ​ൽ​ന​ടയാ​ത്രി​ക​ർ ഓ​ടിമാ​റു​ന്ന​ത് ഈ ​ത​ക​ർ​ന്ന സ്ലാ​ബി​ന് മീ​തേ​യ്ക്കാ​ണ്. ക​ഴി​ഞ്ഞ ദി​വ​സം ബ​സ് വ​രു​ന്ന​തി​നി​ട​യി​ൽ കാ​ൽ​ന​ട യാ​ത്രി​ക​ൻ ഓ​ടി മാ​റി​യ​പ്പോ​ൾ സ്ലാ​ബ് ത​ക​ർ​ന്ന ഭാ​ഗ​ത്ത് വീ​ണു പ​രി​ക്കേറ്റിരുന്നു.

വൈ​ക്കം മ​ഹാ​ദേ​വ ക്ഷേ​ത്ര​ത്തി​ലേ​ക്കും തെ​ക്കേ​ന​ട​യി​ലെ വി​വി​ധ ഓ​ഫീ​സു​ക​ൾ, സ്കൂ​ളു​ക​ൾ എ​ന്നി​വിട​ങ്ങ​ളി​ലേ​ക്ക് വി​ദ്യാ​ർ​ഥി​ക​ട​ക്കം നി​ര​വ​ധി പേ​ർ ക​ട​ന്നു​പോ​കു​ന്ന പ്ര​ധാ​ന നി​ര​ത്തി​ലെ ഓ​ട​യി​ലെ സ്ലാ​ബു​ക​ളാ​ണ് അ​പ​ക​ട​ക്കെ​ണി​യാ​കു​ന്ന​ത്. ത​ക​ർ​ന്ന സ്ലാ​ബു​ക​ൾ നീ​ക്കി പു​തി​യവ സ്ഥാ​പി​ച്ച് അ​പ​ക​ടം ഒ​ഴി​വാ​ക്ക​ണ​മെ​ന്ന് നാ​ട്ടു​കാ​ർ ആ​വ​ശ്യ​പ്പെ​ട്ടു.

Tags : nattu vishesham road collapsed