തിരുവല്ല ബ്ലോക്ക്തല കിസാന് മേള ജോബ് മൈക്കിള് എംഎല്എ ഉദ്ഘാടനം ചെയ്യുന്നു.
തിരുവല്ല: ഭാരതിയ പ്രകൃതി കൃഷി പദ്ധതിയുടെ ഭാഗമായുള്ള തിരുവല്ല ബ്ലോക്ക് തല കിസാന് മേള ജോബ് മൈക്കിള് എംഎല്എ ഉദ്ഘാടനം ചെയ്തു. ബ്ലോക്ക് പഞ്ചായത്ത് പ്രസിഡന്റ് സി.കെ. അനുവിന്റെ അധ്യക്ഷതയില് ജില്ലാ കൃഷി ഓഫീസര് ഷേര്ളി സഖറിയാസ് പദ്ധതി വിശദീകരണം നടത്തി. കൃഷി ഡെപ്യൂട്ടി ഡയറക്ടര് അനീന, വൈസ് പ്രസിഡന്റ് സോമന് താമരച്ചാലില്, സ്റ്റാന്ഡിംഗ് കമ്മറ്റി ചെയര്മാന്മാരായ മറിയാമ്മ ഏബ്രഹാം, വിജി നൈനാൻ, ജിനു തൂമ്പുങ്കുഴി, കെ.എസ്. രാജലക്ഷ്മി, അരുന്ധതി അശോക്, കൃഷി അസിസ്റ്റന്റ് ഡയറക്ടര് എബി ബാബു എന്നിവര് പ്രസംഗിച്ചു.
കിസാന് മേള യുടെ ഭാഗമായി കാര്ഷിക പ്രദര്ശനം, കാര്ഷിക സെമിനാര് എന്നിവ നടത്തി. പ്രകൃതി കൃഷിയിലൂടെ സുരക്ഷിത ഭക്ഷണം, പ്രകൃതി സൗഹൃദ കൃഷി, പരമ്പരാഗത വിത്ത് സംരക്ഷണം എന്നിവ ലക്ഷ്യമിട്ട് കേന്ദ്ര സംസ്ഥാന സര്ക്കാരുകളുടെ സംയുക്ത സഹായത്തോടെയാണ് പദ്ധതി നടത്തിപ്പ്.