പാ​ല​ക്കാ​ട്: ത​ദ്ദേ​ശ തെ​ര​ഞ്ഞെ​ടു​പ്പ് ഇ​ന്ന്, ജി​ല്ല​യി​ലെ 24 ല​ക്ഷ​ത്തി​ല​ധി​കം വോ​ട്ട​ർ​മാ​ർ ബൂ​ത്തി​ലേ​ക്ക്. ജി​ല്ല​യി​ലാ​കെ സ​ജ്ജ​മാ​ക്കി​യ​തു 3054 പോ​ളിം​ഗ് ബൂ​ത്തു​ക​ള്‍.
പോ​ളിം​ഗ് രാ​വി​ലെ ഏ​ഴി​നാ​രം​ഭി​ച്ച് ആ​റു​വ​രെ തു​ട​രും. ജി​ല്ല, ബ്ലോ​ക്ക്, ഗ്രാ​മ പ​ഞ്ചാ​യ​ത്ത് മു​ന്‍​സി​പ്പാ​ലി​റ്റി​ക​ളി​ലാ​യി 6724 സ്ഥാ​നാ​ര്‍​ഥി​ക​ളാ​ണ് ജി​ല്ല​യി​ല്‍ മാ​റ്റു​ര​യ്ക്കു​ന്ന​ത്. അ​ന്തി​മ വോ​ട്ട​ര്‍​പ​ട്ടി​ക പ്ര​കാ​രം 24,33,390 വോ​ട്ട​ര്‍​മാ​രാ​ണ് ജി​ല്ല​യി​ലു​ള​ള​ത്. ഇ​തി​ല്‍ 12,81,805 സ്ത്രീ​ക​ളും, 11,51,562 പു​രു​ഷ​ന്‍​മാ​രും 23 ട്രാ​ന്‍​സ്‌​ജെ​ന്‍​ഡേ​ഴ്‌​സും 87 പ്ര​വാ​സി​ക​ളും ഉ​ള്‍​പ്പെ​ടു​ന്നു.

3054 പോ​ളിം​ഗ് ബൂ​ത്തു​ക​ളു​ണ്ട്. 13ന് ​രാ​വി​ലെ എ​ട്ടു​മു​ത​ല്‍ 20 കേ​ന്ദ്ര​ങ്ങ​ളി​ല്‍ വോ​ട്ടെ​ണ്ണ​ല്‍ ന​ട​ക്കും.

തി​രി​ഞ്ഞു​കൊ​ത്തും​വി​ഷ​യ​ങ്ങ​ൾ അ​ന​വ​ധി,
മു​ന്ന​ണി​ക​ൾ പ്രാ​ർ​ഥ​ന​യിൽ...

പാ​ല​ക്കാ​ട്: പ​തി​വു​പോ​ലെ ഇ​ത്ത​വ​ണ​യും ഒ​ളി​ഞ്ഞും​തെ​ളി​ഞ്ഞും അ​ന​വ​ധി വി​ഷ​യ​ങ്ങ​ൾ വോ​ട്ട​ർ​മാ​ർ​ക്കു മു​ന്നി​ലെ​ത്തു​ന്പോ​ൾ ഇ​തൊ​ന്നും തി​രി​ഞ്ഞു​കു​ത്ത​രു​തേ എ​ന്ന പ്രാ​ർ​ഥ​ന​യി​ലാ​ണ് മു​ന്ന​ണി​ക​ളും സ്ഥാ​നാ​ർ​ഥി​ക​ളും.

എ​ല​പ്പു​ള്ളി​യി​ലെ മ​ദ്യ​ശാ​ല ക​മ്പ​നി, ശ​ബ​രി​മ​ല സ്വ​ര്‍​ണ​കൊ​ള്ള, കൊ​യ്‌​തെ​ടു​ത്ത നെ​ല്ല് സം​ഭ​രി​ക്കാ​തെ ക​ര്‍​ഷ​ക​രെ ക​ണ്ണീ​രി​ലാ​ക്കി​യ ന​ട​പ​ടി​ക​ള്‍, വ​ന്യ​മൃ​ഗ​ശ​ല്യം തു​ട​ങ്ങി​യ വി​ഷ​യ​ങ്ങ​ളാ​ണ് യു​ഡി​എ​ഫ് പ്ര​ചാ​ര​ണാ​യു​ധ​മാ​ക്കി​യ​ത്. സം​സ്ഥാ​ന സ​ർ​ക്കാ​രി​ന്‍റെ ഭ​ര​ണ​നേ​ട്ട​വും പ​രി​ഷ്ക​ര​ണ​ങ്ങ​ളു​മെ​ല്ലാം എ​ൽ​ഡി​എ​ഫും ജ​ന​ങ്ങ​ളു​ടെ മു​ന്നി​ൽ നി​ര​ത്തി. മാ​റി​മാ​റി ഭ​രി​ച്ച​വ​രു​ടെ ചെ​യ്തി​ക​ൾ തു​റ​ന്നു​കാ​ട്ടി എ​ല്ലാം മാ​റു​മെ​ന്ന വി​ശ്വാ​സ​ത്തി​ലാ​ണ് ബി​ജെ​പി നേ​തൃ​ത്വം ന​ൽ​കു​ന്ന എ​ൻ​ഡി​എ മു​ന്ന​ണി. ത​മ്മി​ല​ടി​യും വി​മ​ത​ശ​ല്യ​വു​മെ​ല്ലാം എ​ൽ​ഡി​എ​ഫി​നു ക​ല്ലു​ക​ടി​യാ​യി​ട്ടു​ണ്ട്.

മ​ണ്ണാ​ര്‍​ക്കാ​ട്, ആ​ന​ക്ക​ര, ആ​ല​ത്തൂ​ര്‍, ചി​റ്റൂ​ര്‍, മ​ണ്ണൂ​ര്‍, പ​ട്ടാ​മ്പി, ചെ​ര്‍​പ്പു​ള​ശ്ശേ​രി മേ​ഖ​ല​ക​ളി​ലെ​ല്ലാം സി​പി​എ​മ്മും സി​പി​ഐ​യും നേ​ര്‍​ക്കു​നേ​ർ മ​ത്സ​രി​ക്കു​ന്ന​തു അ​ണി​ക​ളെ അ​ന്പ​ര​പ്പി​ലാ​ക്കി​യി​ട്ടു​ണ്ട്. ഘ​ട​ക​ക​ക്ഷി​യാ​യ ഐ​എ​ന്‍​എ​ലും ചി​ല​യി​ട​ങ്ങ​ളി​ല്‍ കേ​ര​ള കോ​ണ്‍​ഗ്ര​സ്- എ​മ്മും ഒ​റ്റ​ക്ക് മ​ത്സ​ര​രം​ഗ​ത്തു​ണ്ട്. വി​മ​ത​ശ​ല്യ​മാ​ണ് സി​പി​എ​മ്മി​നെ കു​ഴ​യ്ക്കു​ന്ന മ​റ്റൊ​രു വി​ഷ​യം.

കൊ​ഴി​ഞ്ഞാ​മ്പാ​റ​യി​ല്‍ ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്‍റി​ന്‍റെ നേ​തൃ​ത്വ​ത്തി​ല്‍ ബ്രാ​ഞ്ച് ക​മ്മി​റ്റി​ത​ന്നെ പി​രി​ച്ചു​വി​ട്ട് സി​പി​എ​മ്മി​നെ വെ​ല്ലു​വി​ളി​ച്ച് യു​ഡി​എ​ഫി​നൊ​പ്പം ചേ​ര്‍​ന്നാ​ണ് മ​ത്സ​രി​ക്കു​ന്ന​ത്. മ​ണ്ണാ​ര്‍​ക്കാ​ട്, കു​മ​രം​പു​ത്തൂ​ര്‍, ശ്രീ​കൃ​ഷ്ണ​പു​രം മേ​ഖ​ല​ക​ളി​ല്‍ കെ​ടി​ഡി​സി ചെ​യ​ര്‍​മാ​ന്‍ പി.​കെ. ശ​ശി​യു​ടെ പി​ൻ​ബ​ല​ത്തി​ൽ ജ​ന​കീ​യ മു​ന്ന​ണി​യു​ണ്ടാ​ക്കി സി​പി​എ​മ്മി​നെ​തി​രേ മ​ത്സ​രി​ക്കു​ന്നു​ണ്ട്.

സി​പി​ഐ​യി​ല്‍ സേ​വ് സി​പി​ഐ രൂ​പീ​ക​രി​ച്ച​വ​രും ജി​ല്ല​യി​ലു​ട​നീ​ളം മ​ത്സ​ര​രം​ഗ​ത്തു​ണ്ട്. ക​ഴി​ഞ്ഞ പ​ത്തു​വ​ര്‍​ഷ​മാ​യി ഭ​രി​ക്കു​ന്ന പാ​ല​ക്കാ​ട് ന​ഗ​ര​സ​ഭ ഇ​ത്ത​വ​ണ​യും കൈ​വി​ടി​ല്ലെ​ന്ന നി​ല​പാ​ടാ​ണ് ബി​ജെ​പി​ക്കു​ള്ള​ത്.

ബി​ജെ​പി​യി​ലെ പ​ട​ല​പ്പി​ണ​ക്ക​വും ഉ​ള്ളു​ക​ള്ളി​ക​ളു​മെ​ല്ലാം മ​ണ്ഡ​ല​ത്തി​ൽ ച​ർ​ച്ചാ​വി​ഷ​യ​മാ​യി​ട്ടു​ണ്ട്. നേ​താ​ക്ക​ൾ പ​ര​സ്യ​മാ​യി കൊ​ന്പു​കോ​ർ​ത്ത​ത് അ​ണി​ക​ൾ​ക്കി​ട​യി​ൽ ആ​ശ​യ​ക്കു​ഴ​പ്പ​മു​ണ്ടാ​ക്കി​യി​ട്ടു​ണ്ട്. ഇ​തെ​ല്ലാം ക​ണ​ക്കി​ലെ​ടു​ത്താ​ൻ വോ​ട്ട​ർ​മാ​ർ ത​ങ്ങ​ളെ കൈ​പി​ടി​ച്ചു ക​യ​റ്റും എ​ന്ന വി​ശ്വാ​സ​ത്തി​ലാ​ണ് യു​ഡി​എ​ഫ് നേ​തൃ​ത്വം.

Tags : To the booth today nattuvisesham local newes