പ്രിയങ്ക
കുമളി: മധ്യപ്രദേശിൽനിന്നുള്ള ദന്പതികളായ വിനോദസഞ്ചാരികൾ സഞ്ചരിച്ചിച്ച ഇരുചക്രവാഹനം തമിഴ്നാട്ടിൽ അപകടത്തിൽപ്പെട്ട് യുവതി മരിച്ചു. ഭർത്താവിനു ഗുരുതരമായി പരിക്കേറ്റു. ഉത്തമപാളയത്തിന് സമീപമുണ്ടായ അപകടത്തിൽ ഭോപ്പാൽ സ്വദേശിനി പ്രിയങ്ക (38) ആണ് മരിച്ചത്.
ഭർത്താവ് കപിൽ 39 നാണ് പരിക്കേറ്റത്. ഭർത്താവിനൊപ്പം ഇരുചക്രവാഹനത്തിൽ തേനിയിൽനിന്ന് കുമളിയിലേക്ക് വരുന്പോഴാണ് അപകടമുണ്ടായത്. നിയന്ത്രണംതെറ്റിയ ഇവരുടെ വാഹനം ട്രാക്ടറുമായി കൂട്ടിയിടിക്കുകയായിരുന്നു.
കപിലിനെ ഉത്തമപാളയം സർക്കാർ ആശുപത്രിയിൽ പ്രാഥമിക ശുശ്രൂഷ നൽകിയശേഷം തേനി മെഡിക്കൽ കോളജ് ആശുപത്രിയിൽ പ്രവേശിപ്പിച്ചു.
സംഭവവുമായി ബന്ധപ്പെട്ട് ട്രാക്ടർ ഓടിച്ചിരുന്ന നാരായണതേവൻ പട്ടിയിലെ സുരുളിസാമിയെ പോലീസ് അറസ്റ്റ് ചെയ്തു.
Tags : road accident nattuvisesham local news